رواية علمني حبك لسحابة نقية

خبطت بايدها على طاولة الاجتماعات لتنهي النقاش الحاد بين المدراء .. لو سمحتوا …. ضافت بحده بعد ما عم الهدوء .. اعتقد جلوسي على راس الطاوله ماهو عبث ……. حاول احد المدراء يقاطعها .. بس يادكتوره نازك ….. رفعت ايدها بحده لتسكته وهي بتقول .. سجلي عندك يامريم .. انتهى الاجتماع على **** .. اطلعت بالكل بعد ما نهت الاجتماع واملت اوامرها على السكرتيره .. شكرا لحضوركم .. انتهى الاجتماع وبتقدروا تباشروا اعمالكم هلا .. وقفت وهي بتقول .. مريم تعالي عاوزتك …………. دخلت نازك مكتبها وهي بتفك بكلة شعرها وبتتركه ينزل بنعومه على اكتافها .. قالت وهي بتحرك اصابعها بين شعرها بعصبية لترجع له حيويته .. بدي نسخه عن اجتماع اليوم يتوزع على كل المدراء الحاضرين … بحده ضافت .. والله عال .. من ايمتى هالتغير صاير بوجودي !! .. التفتت لمريم وهي بتقول .. الى بيرفض التنفيذ .. انا بعرف شغلي معه ………. ملامحها لنازك لانت وانرسمت على وجهها ابتسامه خجوله وهي بتلتفت للصوت الى خلى قلبها يرقص بمكانه .. ناك ناك .. سالم وصل ليخطف حبيبته من بين كوم الاوراق الى مابتنتهي …………….. من غير ماتحيد عيونها عنه قالت وهي بتشاور لسكرتيرتها منشان تروح .. مريم .. بعدين بنكمل ……………… مشي سالم لمكتب نازك وعيونه معلقه بعيونه وهو بينتظر بفارغ الصبر لتطلع السكرتيره حتى يسلم عليها بطريقته .. اول ماسكرت السكرتيره الباب وراها .. وقفت نازك ومشيت لعنده بخطوات خجوله لحتى التقوا بنص الغرفه .. رفع سالم ايداه وحاوط فيها وجهها وهو بيقرب من شفايفها وبيهمس بحب .. اشتقتلك سوبرومن ……. غمضت عيونها باستسلام وهي بتتمسك بقميصه السبور .. بتحبه من كل قلبها وخايفه .. خايفه تخسره .. مارح تتحمل تخسره .. دمعت عيونها مع هالفكره وايداها تمسكت فيه اكتر …. بعد عنها شوي واطلع بوجهها المورد من الخجل وعيونها الى بتبرق بحب مستحيل يتخبى .. مسح بطرف اصبعه دمعه معلقه برموشها وهو بيقول .. مع كل بوسه في دمعه !! .. والله يانزوكتي خايف عليك من ليلة عرسنا !! شو رح تعملي وقتها !؟ ………… نقلت نظراتها الهايمه فيه بين عيونه وهي بتهمس بكل صراحه .. مابعرف !! ……………… ضحك من قلبه قبل مايميل ويطبع بوسه سريعه على شفايفها .. بابهامه لمس خدوجها المحمره بنعومه وهو بيقول .. دائما بتفاجئيني باجاباتك العفويه ……. بقيت ساكته وهي بتطلع بعيونه بحب وبتضغط بخدها على ايده لتستمتع اكتر بلمسته الحنونه …………….. قطع هاللحظه صوت معدتها الى زاد من احمرارخدودها … اطلع فيها سالم بلوم وهو بيقول .. اكيد ما اكلتي شي من الصبح ؟ …………… سكتت ومارد عليها وعيونها بتلمع بالذنب …… تنهد .. ياحبيبتي لازم تهتمي بحالك .. مابيصير كل وقتك شغل بشغل ……….. عضت طرف شفتها وهي بتقول لحالها .. انت اهتم فيني .. انا محتاجتك جنبي كتير ياسالم منشان تهتم فيني ……………. كمل سالم وهو بيتابط ايدها وبيقول .. مافي وقت نضيعه .. اول شى العشا وبعدين بنفكر وين نسهر مع بعض ……………. بتوتر قالت .. طيب لحظه بس اخبر السكرتيرا اني طالعه ………………….. لف خصرها بايد تناول شنتتها بالايد التانيه وهو بيقول .. ونحن طالعين قولي لها الى بدك اياه .. يالله حياتي بطنك بزقزق وهالصوت بيقهرني ……………

بالسياره .. وين بتحبي تتعشي ؟ ……………. ابتسمت وهي بتقول .. اي مكان …………………. التفت لها بسرعه قبل مايرجع يركز بالسواقه .. انت اختاري هالمره .. واي مكان بتختاريه انا حاضر ………………. سكتت وماردت عليه … رجع التفت لها وهو بيشجعها بابتسامه وبيقول .. ياالله حبي .. وين ؟ ………………… بخجل قالت .. انت اختار انا واثقه باختيارك …………………… بس ياحبيبتي مابيصير هيك .. دائما انا الى بختار !! …………… التفت عليها مره تانيه شاف وجهها محمر .. فضاف .. خلص شو رايك باكل ايطالي !؟ ……………. هزت راسها بطيب ……. ابتسم لها بحب وهو بيقول .. مو تكرم هالعيون ………….

فتح سالم قائمة الطعام وهو بيقول .. شو رايك !؟ .. باستا .. بيتزا .. سمك .. دجاج ولا لحم !؟ ……………. على ذوقك ………………….. نزل القائمه شوي وغمز لها وهو بيقول .. بس انا بدي اكل على ذوقك ومن ايدك فاحسن لك انت تختاري الاكل ……………… ورد وجهها وهي بتطلع حولها بتقول .. بس هالمطعم مشهور وممكن يشوفني حدا من المدراء او العملاء !! ………………….. سكر القائمه ومد ايده لوجهها وتلمسه بحب وهو بيقول .. خليهم يشوفوا .. خليهم يعرفوا ان سوبرومن الى بتخلي رجليهم ترجف في قاعة الاجتماعات هي ارق وانعم و اجمل و الذ انثى بالوجود كله ……. ميلت راسها متل القطه الوديعه وهي بتطلع فيه بحب وبتقول .. عنجد انا هيك !؟ ……………….. ابتسم .. واكتر من هيك ………. رفت برموشها بخجل ………….. حط ايده على قلبه وهو بيتنهد ويقول .. اااه ياقلبي .. اصبر .. اصصصبر .. رح يوقف قلبي يانزوكتي من هالنظرات .. غيريهم قبل ما اتهور قدام كل خلق الله ……………….. بحيره سالته .. ليش شبها نظراتي !؟ ………… عض على شفته وهو بيقول .. ااخ بس .. قريب كتير رح اعملك ليش وكيف وشو وكل ادوات الاستفهام .. هل خلينا نحل مشكلة عصافير بطنك اول .. يالله شو بدك تاكلي ؟ ……………… كل ما بيسالها سؤال بترتبك .. مابدها تعمل شي يخالف رغباته منشان ماتخسره .. بوجوده بتحس ان لها قيمه … كانثى .. انثى جميله ومغريه .. بتدوب حب بين ايداه .. وهالشعور بيسوى عندها كل شهاداتها وشركات ابوها ….. بتردد قالت .. دجاج ! ………………… ابتسمت براحه وهي بتسمعه بيقول .. اموت بالى حاسس فيني وبيقرا افكاري .. دجاج دجاج ……………… بسرعه قالت .. خلص لكان انت اختار باقي العشى …………….. غمز لها وهو بيقول .. من عيوني .. ومارح تطلعي من هون الا وعصافير بطنك شبعانه ومنتخمه .. لازم اعتني فيك منيح قبل العرس منشان تسمني شوي .. من كتر الشغل والارهاق كل مالك بتنحفي …………………… القلق والتوتر انرسم على وجهها بوضوح وهي بتسال .. مو عاجبك هيك !؟ …………………… مسك ايدها وباسها بحراره وهو بيقول .. ياروح سالم .. شو مو عاجبني !! انت كيف ماكنتي بتطيريلي عقلي ….. اطلع بعيونها بنظرات بتدوب نازك وبتخلي دقاتها تتسارع .. انا مابنكر اني بعشق هالجمال .. بس حبي وقلبي كله للروح الى جوا هالجمال .. روح السوبرومن الى بداخلها الطف و احن و اجمل انسانه قابلتها بحياتي كلها …. باس ايدها مره تانيه وهو بيهمس .. حبيبتي اطمني .. حبك معشش فيني حتى النخاع …..

عند باب بيت اهلها .. وقفت نازك ومعها سالم ….. قالت وهي بتتناول مفتاح البيت من شنتتها .. انبسطت كتير بالسهرا .. يعطيك العافيه ……………… قرب منها سالم وهو بيهمس .. هيك على الناشف ! …………. ابتسمت بخجل من تلميحه الى كانت بتنتظره وخجلانه تعترف بهالشي .. بعد 8 اشهر خطبه وبعد الحاح طويل منه واقف ابوها من اسبوع على كتب الكتاب ومن وقتها وسالم ينتهز اي فرصه ليكون عاطفي معها .. حفظت حركاته .. كعادته دائما .. بدا يلعب بشعرها الطويل النازل بدلال لحد نص ظهرها .. وهو بيقرب شوي شوي من وجهها تيطبع قبلات ناعمه على خدودها وشوي شوي ليصل لشفايفها .. بهاللحظه وعلى مهل بيلمها لصدره بايداه وهو بيهمس لها احلى كلمات الحب .. المشاعر الى بتعيشها معه لا توصف .. بتخليها تنسى العالم كله وتغرق ببحر حبه .. كل الى بتتمناه ان هالسعاده ماتنتهي وماتتحول لكابوس بغيابه عنها …. بعد عنها شوي .. اطلع بعيونها بنظرات بتوعدها بحب لا ينتهي .. همس وهو بيتنشق عطرها بعد ماخبى وجهه بين شعراتها .. مو مسدق ان باقي 6 اسابيع .. 6 اسابيع وحتصيري ملكة بيتي يانازك .. 6 اسابيع ورح نبدا حياتنا مع بعض .. بوعدك يانزوكتي تكون احلى من العسل .. حياة تليق فيك حبيبتي .. تليق باحلى نازك بالعالم كله ………………….. ضمها له بقوه اكبر لما حس برجفة جسمها .. هو بيعرف كم بتحبه .. هو بيعرف قيمته بقلبها .. وهو بيعرف ان حبيبته غير عن كل النسوان ……. ابتسم لما سمع صوتها الى بيرجف .. هلا .. بابا .. بيس معنا ………………….. باس رقبتها هو بيقول .. عمرك 30 سنه ولسى بتخافي من بابا !! ………….. بنفس النبره والصوت الى بيرجف قالت .. لا ما بخاف …………….. قاطعها وهو بيبعد عنها وبيقول .. حبيبتي فاهم عليك .. مافي داعي تشرحي لي ……………….. باللحظه انشعلت الاضائه الاماميه للمنزل وانفتح باب البيت وطلع جلال وهو بيطلع فيهم بعيون حاده وقال .. تاخرتي يانازك ………………. اشفق عليها سالم اول ماشاف توترها ونظراتها القلقه الى وجهتها له ………….. التفت لعمه وقال بمرح .. مساء الخير عمي .. والله الحق علي انا اصريت الا تجي منشان تشوف دهان الشقه .. معليش لا تاخذنا وامسحها فيني هالمره ………………… رفع جلال حاجبه امام سالم وهو بيطلع فيه بنظرات ثاقبه وبقول موجه كلامه لنازك .. لجوا نازك …………….. دخلت نازك ومن غير ماتلتفت ولا تودع سالم .. حز بقلبه تعامل ابوها معها .. بس الى مريحه ان كلها اسابيع ورح يطلق هالعصفوره ويخليها تعيش بحريه وبدون قيود …….. انتبه من افكاره على نحنحة جلال .. التفت له وهو بيبتسم وبيقول .. استاذن عمي .. تصبح على خير ………… هز جلال راسه وقال قبل مايسكر الباب .. وانت من اهل الخير .. سلم على الوالد ……………..

*****

وقف سيارته امام بيت اهلها وهو بيقول .. اهلي سبقونا .. ان شاء الله تكون نور جايه معهم …….. ابتسمت وهي بتفتح باب السياره وبتقول .. ان شاء الله … غمضت عيونها وهي بتاخد نفس وبتقول .. يمي .. شامه ريحة الاكل من هون …………………….. بدون مايعلق نزل ومشي جنبها لباب البيت …………………. وقفت سما وهي بتقول بتردد .. نضال .. ممكن طلب !؟ …………………. التفت لها وهو عاقد حواجبه وبيقول .. طبعا تفضلي ……………….. بنفس التوتر قالت وهي بتشد على شنتتها بين ايداها .. انت بتعرف حالة بابا الصحية .. وبتعرف اني بنته الوحيده و …. لمعت عيونها بالدموع وهي بتضيف .. وكم كان فرحان ….. نزلت راسها وقالت .. فممكن .. ممكن ……… مسحت طرف عينها باصبعها منشان ماتنزل دموعها ….. بهاللحظه حست بايد نضال بتلف خصرها برقه .. رفعت عيونها له .. ابتسم لها بموده وتفهم وهو بيقول .. خلينا ندخل قبل مانتاخر زياده ……………….. مسحت سما اثار الدموع وهي بتبتسم له بامتنان وتمشي جنبه … شد نضال على خصرها ليقربها منه زياده وقت انفتح الباب وهالشى خلى خدودها تورد وعيونها تلمع متل اي عروس باول ايام زواجها … اول مادخلو الصاله زغردوا النسوان للعرسان الجدد وهالشى حمس نضال وخلاه يطبع بوسه حميمه على خد سما الى احمر وجهها زياده وهي بتسمع ضحك النسوان وتمنياتهم لهم بحياة سعيده …… مشيت بخطوات سريعه لعند ابو نضال .. و باست ايده وبعدها باست ايد ام نضال .. بحب ضمتها ام نضال لصدرها وهي بتقول .. ياهلا بالغاليه مرت الغالي .. اهلا بحبيبتي ………… بحياء بعدت سما شعرها لورا اذنها وهي بتقول .. اهلين فيك ماما .. الله يخليلنا اياك يارب ………….. باس نضال راس امه وهو بيسال باستغراب .. ماما!؟ …………… ضحكت ام نضال وهي بتلمس وجه سما بحب .. اي ماما .. انا طلبت منها تنده لي هيك ….. اطلعت ام نضال جهة ام حسام وهي بتضيف .. طبعا بعد ما استاذنت من ام حسام ………….. ضحكت ام حسام وهي بتقول .. ماهي صارت بنتك يا ام نضال وطبيعي تقول لك ماما ………….. ضمت ام نضال سما وهي بتقول .. والله انها بغلاوة نور .. لو تعرفي يا ام حسام شقد بحب سما .. من وقت ماشفتها وهي صغيره وانا ناويه تكون مرت نضال .. وهاي رب العالمين حقق امنيتي .. ويارب تتحقق امنيتي التانيه وتجيب لنا احفاد يملوا علينا البيت ……………. ماعرف نضال من شو يشفق عليها !! .. من الاحراج الى كسى وجهها ولا نظرة الالم الى ظهرت بعيونها .. حاول يغير الموضوع فقال بمرح .. تسلم ايدك خالتي على هالاكلات الطيبه الى بتتحفينا فيها كل يوم والتاني .. والله نحن معذبينك معنا …………………… ضحكت ام نضال وهي بتقول .. شايفه يا ام حسام .. الولد طاير عقله بعروسته لدرجة انه نسي اكل امه …. غمزت له امه وهي بتقول .. معذور يا امي .. الى عنده هيك حوريه بيتذكر اسمه !! ……………….. باستغراب اطلع لسما الى قالت بصوت محرج توضح له .. الاكل كان من عند ماما .. امك …………. باس نضال راس امه وهو بيقول لها كم كلمه يمدح فيه اكلها وياكد لها مكانتها بقلبه الى مستحيل حدا يحتلها .. بعدين قرب من سما ومسك ايدها ومشى معها تيقعدوا وقال .. هالشغله رح تعمل لخبطه كبيره ياسما .. شو اجى ببالك تندهي لامي ماما !! ………………. باحراج قالت .. والله هي الى طلبت مني .. وانا استحيت اردها .. وبعدين انا بحبها لماما .. قصدي خاله .. قصدي مرت عمي …………….. قعدها نضال جنبه وهو بيبتسم لابن عمه وبيقول بنفس الوقت .. خلص خلص مو مشكله خليها ماما بس تاني مره وضحي اي ماما فيهم ………………… هزت راسها بطيب وقعدت وهي مستمتعه بايد نضال الى ارتفعت لتحاوط اكتافها بتملك واضح فاجئها بالاول بس اسعدها ……

الغدا كان عباره عن بوفيه والطاولات موزعه بحديقة المنزل .. على الطاوله قعد نضال بالنص بين سما ونور الى مافارقها نضال ابدا حتى انه قعدها جنبه على نفس الكنبه الى كانوا قاعدين عليها بالصالون .. كل شوي بيميل وبيسالها اذا بيلزمها شى .. او بيهمس باذنها كلام بيخليها تبتسم .. متل ماكان محاوط اكتافها بايده اليمين كان كمان محاوط اكتاف نور بايده اليسار حتى ان واحد من اولاد عمه علق على قعدته وقال .. والله يانضال ولا كانك سلطان زمانك .. عن اليمين وعن الشمال جميلات .. اى شو هالحظ يا !! ……………….. حرك له نضال حواجبه ليغيظه وهو بيضمهم له زياده وبيقول .. هذا حظ لا يحظى به الا نضال …………….. سما كانت مستعده تتحمل كل الاحراج الى بيحرجها اياه بما انها قريبه منه هيك .. حتى لو تمثيل مو مشكله .. من وقت مانام معها بنفس الغرفه وهي بعذاب .. كل ليله بتشوفه بيدخل تحت اللحاف وبيتمنى لها ليله سعيده وبعدها ثواني وبينام .. وهي .. بتبقى تتامله حتى ترهق من النعس والحرمان وتنام من غير ماتحس …… حتى لما تقاوم فكرة تامله وهو نايم .. ريحة عطره الى بتموت فيها بتعذبها زياده .. لانها بتاكد لها انه قريب كتير وممكن تصل له وتكون بين احضانه بلفة صغيره من جسمها .. ومع هيك وبنفس الوقت هو بعيد كتير لدرجة انه مو حاسس فيها ولا حرك فيه شي نومه جنبها …… هالشى خلاها تفكر .. رجل بعمره وبرجولته معقول مايكون له رغبات !! .. تالمت كتير وقت فكرت ان رغباته مجابه في مكان تاني .. خافت تكون عيشته برا اثرت عليه وخلته يستهين بالعلاقات العاطفيه خارج اطار الزواج .. نظرة القلق والخوف كانت واضحه بعيونها وهي بتطلع على نضال كيف بيقسم اللحمه لاخته وبيغصبها منشان تاكل .. التفتت بسرعه لحسام القاعد معهم على نفس الطاوله .. نضال رح تاكلك سما بعيونها .. بنصحك تعدل بين التنتين …………. احمر وجهها من الاحراج والارتباك واطلعت بلوم على اخوها وهي بتقول .. حرام عليك حسام .. والله ماعملت شي ……. ضحك نضال وهو بيقسم قطعه من اللحمه وبيقربها من تم سما … ها وهاي عدلنا بين التنتين ……….. احمر وجهها وهي بتاخد منه اللقمه تحت تصفير وتصفيق المنتبهين عليهم …. بهاللحظه وقفت نور وهي بتقول .. عن اذنكم ……….. بسرعه وقفت سما ومسكتها من ايدها وهي بتقول .. نور خليك .. لسى ما اكلتي شي !! ………………….. ابتسامه خفيفه انرسمت على وجه نور وهي بتربت على ايد سما وبتقول .. دايمه حبيبتي .. ويارب عقبال كل افراحكم ………….. انسحبت نور بهدوء .. وقف نضال بعدها مباشره وهو بيقول .. اعذروني لدقائق ….. ومشي ورا اخته ………….. التفتت سما لحسام واطلعت فيه بلوم وهي بتقعد وبتقول .. عجبك هيك !! ………….. رفع حسام حواجبه وهو بيسال .. شو عملت !! كلها مزحه صغيره .. وبعدين ماشفتي وجهك كيف كان وهو بيطعمي اخته .. يعني لازم تشكريني مو تلوميني …………………… حسام انت اكتر واحد بيعرف حالة نور .. وبتعرف مدى تعلق نضال فيها بعد الحادث .. كيف هيك بتتصرف مابعرف !!؟؟ ……………. وقف حسام بنزق وهو بيقول .. خلص يا !! الكل بيداريها كانها طفله !! نسيتوا كم عمرها !؟ والحادث صار له سنتين .. يعني خلص بكفي الماساه الى عايشه فيها والى معيشينها فيها .. لازم تساعدوها بدل ماتواسوها .. فترة المواساه خلصت .. هلا لازم تتعالج مو تتعامل كمعاقه … مشي بعصبيه وهو بيقول .. رايح اشوف عمر احسن ……….

وقفت سما تدور بعيونها على نضال ونور وهي بتفكر .. بس مايكون زعل من حسام !! …… التفتت لام نضال الى شدت الكرسى الى جنبها منشان تقعد وهي بتقول .. سما .. بدي اياك ضروري ……………. بنظره سريعه وقبل ماتقعد جنب حماتها دورت عليه بين الحضور على امل تطمن عليه وعلى نور.. قالت .. خير ماما انا تحت امرك ……………….. مسكتها ام نضال من ايدها وقربت تتقول بصوت واطى منشان مايسمعها حدا .. كيف اموركم !؟ …………….. من نظرة عيونها عرفت ام نضال الاجابه .. ربتت على ايد سما المستقره بحضنها وهي بتقول .. اصبري يابنتي .. سدقيني الامور رح تتغير بفتره بسيطه .. رفعت بايدها وجه سما وقالت وهي بتطلع بعيونها الى بتلمع من الدموع المجمعه فيها .. في حدا بيقدر يقاوم هالوجه الحلو !! في حدا حيقدر يوقف امام هالقلب الابيض الى الك !! ……………… رجفت شفايف سما وهي بتقول بصوت حاولت تخليه متماسك .. بس انا مابدي اياه بس .. ينجذب لجمالي .. بدي اياه يحبني .. متل مابحبه ………………. ابتسمت لها ام نضال وهي بتقول .. رح يحبك واسرع مما تتوقعي .. ويمكن بدا يوقع بحبك من هلا وهو ماله حاسس .. انا بعرف ابني ومزاجه .. تعلقه بالمراه التانيه مو حب …. هزت راسها بلا وهي بتضيف .. في شي تاني براسه مخليه متعلق فيها كل هالقد ……………… كرامتها لسما ماسمحت لها تسالها مين هي ولا اذا كانت موجوده هون او لا .. من اول مابدات الحفله وهي بتراقب كل النسوان الى سلم عليهم نضال او حكى معهم .. مالاحظت شى غريب عليه منشان هيك شكت ان “حبيبته” موجوده هون … يعني هي مو من اهله وهالشى ريحها ……………… انتبهت على ام نضال الى بتقول لها .. عملتي متل ماقلت لك !؟ ……………… هزت سما راسها وهي بتقول .. اي .. بس ماتغير شي …………………. الصبر حبيبتي الصبر .. لازم تكوني حكيمه باختيار حركاتك .. لاعبيه .. وشوقيه .. وحيريه بتصرفاتك .. نضال مابيحب الشى السهل فاوعك تكوني سهله او تستسلمي لمشاعرك بسرعه.. مع هيك كوني سخيه بعواطفك وقت اللزوم واغمريه بحبك وحنانك لحتى يدوخ ومايعرف الله وين حاطه … بعدين نضال مع شدته وعصبيته الظاهره قلبه حنون كتير .. استفيدي من هالنقطه لصالحك …………………….. هزت راسها وهي بتقول .. رح احاول …………………… شدت ام نضال على ايدها وهي بتقول .. لا .. قولي رح انجح .. هدا زوجك انت ياسما .. وكلنا رح نوقف معك ……………

في البيت بقيت سما تلاحق نضال بعيونها وهي بتسترجع كلام حماتها .. (لاعبيه .. شوقيه .. حيريه بتصرفاتك .. لا تكوني سهله .. بس كوني سخيه بعواطفك ) .. صارت تاكل شفايفها وهي بتفكر .. كيف وهو مو تارك لي فرصه !! …. تنهدت وهي بتقوم وبتستاذن قبل ماتدخل لغرفة النوم .. لبست قميص نوم زهري فاتح قصير وحطت حمره زهريه لماعه على شفايفها بسخاء .. رشت من عطرها المفضل ووقفت بتوتر تستناه يدخل الغرفه .. اول ماشافته دخل ومتجه للحمام حاولت تسبقه فخبطت فيه بخفه وكانها كانت مو شايفته .. على اثار هالخبطه تحرك شعرها الحريري وغطى وجهها وهي بتقول .. اسفه ماانتبهت .. تفضل …………………. حرك ايده الى مسكتها بتلقائيا لما خبطت فيه .. رفعها لشعرها وبعده بلطف عن وجهها وببساطه خلى اصابعه تتغلغل جواته وتمشطه بنعومه ….. حست فيه سما بياخد نفس عميق ليتغلغل عطرها داخله …. تسارعت دقات قلبها وهي بتشوف عيونه بتنزل على شفايفها .. رفعت ايداها على مهل وخلتهم يستقروا على صدره وهي بتقرب منه زياده ماخوذه بسحر نظراته …. ابتعد عنها قبل مايلامس جسمها جسمه ومشى باتجاه خزانة الملابس وهو بيقول .. خذى راحتك .. بغير ملابسي لحتى تخلصي ………………….. بسرعه دخلت الحمام لتخبي احراجها وخيبة املها الواضحه على وجهها .. فتحت مي المغسله واطلعت على حالها بعصبيه على المرايه وهي بتقول .. غبيه غبيه غبيه ….. عضت طرف ايدها بقهر وهي بتقول .. اااه .. شو عملتي ياغبيه ! ………… قعدت على حرف البانيوا وهي عاقده ايداها قدامها .. قالت لحالها .. مفكره الشغله سهله هيك !! خبطت جبينها باصبعها وهي بتقول .. الشغله بدها تكتيك وتخطيط .. هالحركات الغبيه المكشوفه مارح تجيب فايده .. رح تحرجك وبس .. وقفت وصارت تمشى بعصبيه وهي بتقول .. فكري ياسما .. فكري منيح …….. اطلعت على حالها بالمرايه .. مالي غير ادخل على المنتديات واتعلم … لمعت عيونها بتحدي وهي بتقول .. رح الاعبك .. واشوقك .. واحيرك فيني ……. لمعت الغيره بعيونها وهي بتقول .. وقلبك رح يكون الي يا نضال …………………….