الجزء الاول
في الصالون :
نور : بسرعة تراني متاخرة على الحفلة
الكوافيرة : اوك مدام
نور : اي عفية
و بعد ربع ساعة كملت الكوافيرة تسريحة شعرها .. فخذت ثيابها و راحت تبدل ..
نور : كم صار ؟
الكوافيرة : 20 دينار
نور : تفضلي .. مع السلامة
الكوافيرة : مع السلامة
ركبت سيارتها و قعدت تمشي بسرعة جنونية لان حفلة زواج خالها بدا و هي لحد الحين مب هناك .. و ما انتبهت الا على صوت ارتطام .. فطلعت من سيارتها مستحمقة ..
نور : انت عمي ما تشوف ؟
…. : مسامحة اختي ما كنت اقصد ادعمج بس لاني مستعجل ..
نور و هي تقاطعه : لا و الله بس تفكر بنفسك حتى انا مستعجلة
…. و هو يطالعها من فوق لتحت : اي يبين عندج حفلة .. عيل ماني معطلتج و لة معطل نفسي .. بعطيج رقم موبايلي عشان تتصلين فيني و نحدد تكاليف سيارتج ..
نور : شوف يا ..
…. : يوسف
نور : شوف يا اخ يوسف انا ما اقدر اطول الحين .. انت هات الرقم و انا بعطيه لابوي عشان يتصرف
يوسف : تفضلي
نور : دام فضلك
يوسف : اكرر اسفي .. في امان الله
نور : مع السلامة .. و ركبت سيارتها بس ها المرة كانت تمشي بهدوء و تفكر بالحادثة اللي صار لها الى ان وصلت تفكر في الاخ اللي دعمها .. كان وسيم بطوله و شكله ..
نور و هي تقول بقلبها : اعوذ بالله انا في شنو قاعدة افكر .. بس شخصيته كانت قوية .. ليكون هاي اعجاب ؟ .. و استغرقت في تفكيرها الى ان وصلت للفندق
..
في الفندق ::
نور : السلام عليكم
نوف : و عليكم السلام .. و ينج ؟ جان رقدتي اكثر ؟
نور : شاسوي في طريجي واحد دعمني
نوف و هي تشهق : الله يقطع ابليسه ما لقى الا اليوم يدعمج .. بس عسى سيارتج ما تضررت وايد ؟
نور : لا بس انشمخت شوي .. و هو عطاني رقمه عشان يدفع تكاليف التصليح
نوف : لازم يدفع الا تعالي امج وايد تحاتيج
نور : وية عليها مسكينة
نوف : بسرعة امشي ندش القاعة عشان تتطمن عليج
نور : يالله عيل امشي
( نوف هي اعز رفيجة عند نور .. و اللي قوى علاقتهم اكثر هو ان اليوم عرس خال نور ( حسن ) من خالة نوف ( احلام ) )
في القاعة :
ام نور : وينج يمة تاخرتي وايد ؟
نور : شاسوي يمة تدرين زحمة الشوارع و لا واحد دعمني
ام نور و هي خايفة : وية على بنيتي الوحيدة عسى ما صادج شىء ؟
نور : لا يمة الحمدلله بس سيارتي شوي تشمخت
ام نور : الف حمدلله بدال السيارة عشر .. ما يغلى عليج شىء بنيتي
نور : يعلني ما انحرم منج يمة
ام نور : شخبارج نوف ؟ و شخبار امج ؟
نوف : الحمدلله كلنا بخير ..
ام نور : امج ما تبين وينها ؟
نوف : اكاهي عند العروس
ام نور : عيل استاذنكم بروح عندها
نوف : نوارة قومي نرقص ؟
نور : اوك
في قاعة الرياييل :
يوسف : تدري احمد شصادني في الطريج
احمد : شدراني .. ليكون شايفني ساحر
يوسف : خخخخ تنكت وية ويهك
احمد : الا تعال شصادك ؟
يوسف : دعمت سيارة من السرعة
احمد : عسى ما صار شىء ؟
يوسف : لا الحمدلله سيارتي صاحية بس سيارة البنية شوي تشمخت
احمد و هو فاج عيونه : داعم بنية ؟
يوسف و هو سرحان : ولة كل البنات
احمد : اقول يا السرحان .. شتفكر فيه ؟ تراني افهمك .. فضفض اللي في قلبك
يوسف : هااا مدري شصادني من اول ما شفتها
احمد : نقدر نقول حب
يوسف : هه روح ول .. اي حب يا ريال .. اممممم بس يمكن اعجاب
احمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك احلام ..
الجزء الثاني..
احمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك احلام ..
يوسف : لا امش نطلع برع .. ابي اشم شوية هوا بعيد عن الازعاج
احمد : زين عيل قوم
( يوسف و احمد ربع من هم صغار .. جنة اخوان و اكثر )
في قاعة الحريم ::
نور : وايد ازعاج امشي شوي نطلع
نوف : اي و الله انا مصدعة
نور : زين بروح اييب شيلتي و برد
نوف : ييبي شيلتي وياج
نور : تامرين امر
في حديقة الفندق ::
نوف : الله شحلاة الجو
نور : يهبل مب مثل داخل الصالة حر و ازعاج
يوسف : قوم نروح الحديقة .. نشوف الطبيعة و الورود شوية
احمد : اشوف الاخ صار رومانسي
يوسف : فج وية ويهك
احمد : هههههه
يوسف و هو مستغرب : شوف هناك قاعدة البنية اللي دعمتها
احمد : تقصد اللي قاعدة وية اختك ؟
يوسف و هو يشد ايد احمد : اي قوم نسلم عليهم
نوف : شوفي ها اللي قاعد ييي اخوي يوسف .. انتي ولة قط مرة شفتيه
نور : اي ما شفت اخوج ابد ..
نور و هي مفججة عيونها : تشوفين اللي لابس بدلة .. هاي اللي دعمني
نوف : هاي هو اخوي
نور ما مداها تتكلم : ..
يوسف و احمد : السلام عليكم
نوف و نور : و عليكم السلام
يوسف و هو ياشر على نور : مب انتي اللي دعمتج ؟
نور : اي انا
نوف : يوسف ما عرفتها هاي نور اعز رفيجاتي علطول اكلمك عنها
يوسف : هذي نوووووووووووووور ؟
نور : اي انا نور
يوسف: تشرفنا بمعرفتج .. نوف علطول تكلمنا عنج
نور : عسى بالخير ؟
يوسف وهو يبتسم : اي علطول بالخير
احمد و هو يقطع حديثهم : شلونج نوف ؟
نوف بحيا : الحمدلله بخير انت شلونك ؟
احمد : الحمدلله يسرج حالي
يوسف : يالله نترخص
نوف : في حفظ الله
بعد ما راحوا يوسف و احمد
نور : اقول يا الخاينة طلعتي تخشين عني سوالفج
نوف : اي سالفة
نور : اي بعد تغيبي .. قصدي عن سالفة احمد
نوف انقلب ويهها لون احمر : عبالي عندج سالفة .. الله يسلمج هاي رفيج اخوي .. وايد وية بعض جنهم اخوان
نور : اهاااا يعني بس جذي ؟
نوف : شتقصدين نورو ؟
نور : اقصد يا الرومانسية انج تحبينه
نوف و هي ترتجف : اي حب انتي وية ويهج
نور : ترى عيونج قاعدة تفضحج .. و تكشف الحقائق و تقول انج تحبينه
نوف و هي سرحانه : اي احبة .. احبه
نور : ترى الحب مو حرام اذا كان صادق و بريىء
نوف و هي تقرب راسها من صدر نور : تظنين ها الشىء ؟
نور : اي
في الصالة ::
حسن : هاي احلى يوم بحياتي
احلام بحيا : حتى انا
حسن : شوفيني يا احلام .. رفعي راسج
احلام : ………
حسن : اوعدج ان حياتنا تكون مبنية على السعادة
احلام : اتمنى ها الشىء
حسن : قومي حبيبتي نقطع الكيك
احلام : انشاءالله
الجزء الثاني..
احمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك احلام ..
يوسف : لا امش نطلع برع .. ابي اشم شوية هوا بعيد عن الازعاج
احمد : زين عيل قوم
( يوسف و احمد ربع من هم صغار .. جنة اخوان و اكثر )
في قاعة الحريم ::
نور : وايد ازعاج امشي شوي نطلع
نوف : اي و الله انا مصدعة
نور : زين بروح اييب شيلتي و برد
نوف : ييبي شيلتي وياج
نور : تامرين امر
في حديقة الفندق ::
نوف : الله شحلاة الجو
نور : يهبل مب مثل داخل الصالة حر و ازعاج
يوسف : قوم نروح الحديقة .. نشوف الطبيعة و الورود شوية
احمد : اشوف الاخ صار رومانسي
يوسف : فج وية ويهك
احمد : هههههه
يوسف و هو مستغرب : شوف هناك قاعدة البنية اللي دعمتها
احمد : تقصد اللي قاعدة وية اختك ؟
يوسف و هو يشد ايد احمد : اي قوم نسلم عليهم
نوف : شوفي ها اللي قاعد ييي اخوي يوسف .. انتي ولة قط مرة شفتيه
نور : اي ما شفت اخوج ابد ..
نور و هي مفججة عيونها : تشوفين اللي لابس بدلة .. هاي اللي دعمني
نوف : هاي هو اخوي
نور ما مداها تتكلم : ..
يوسف و احمد : السلام عليكم
نوف و نور : و عليكم السلام
يوسف و هو ياشر على نور : مب انتي اللي دعمتج ؟
نور : اي انا
نوف : يوسف ما عرفتها هاي نور اعز رفيجاتي علطول اكلمك عنها
يوسف : هذي نوووووووووووووور ؟
نور : اي انا نور
يوسف: تشرفنا بمعرفتج .. نوف علطول تكلمنا عنج
نور : عسى بالخير ؟
يوسف وهو يبتسم : اي علطول بالخير
احمد و هو يقطع حديثهم : شلونج نوف ؟
نوف بحيا : الحمدلله بخير انت شلونك ؟
احمد : الحمدلله يسرج حالي
يوسف : يالله نترخص
نوف : في حفظ الله
بعد ما راحوا يوسف و احمد
نور : اقول يا الخاينة طلعتي تخشين عني سوالفج
نوف : اي سالفة
نور : اي بعد تغيبي .. قصدي عن سالفة احمد
نوف انقلب ويهها لون احمر : عبالي عندج سالفة .. الله يسلمج هاي رفيج اخوي .. وايد وية بعض جنهم اخوان
نور : اهاااا يعني بس جذي ؟
نوف : شتقصدين نورو ؟
نور : اقصد يا الرومانسية انج تحبينه
نوف و هي ترتجف : اي حب انتي وية ويهج
نور : ترى عيونج قاعدة تفضحج .. و تكشف الحقائق و تقول انج تحبينه
نوف و هي سرحانه : اي احبة .. احبه
نور : ترى الحب مو حرام اذا كان صادق و بريىء
نوف و هي تقرب راسها من صدر نور : تظنين ها الشىء ؟
نور : اي
في الصالة ::
حسن : هاي احلى يوم بحياتي
احلام بحيا : حتى انا
حسن : شوفيني يا احلام .. رفعي راسج
احلام : ………
حسن : اوعدج ان حياتنا تكون مبنية على السعادة
احلام : اتمنى ها الشىء
حسن : قومي حبيبتي نقطع الكيك
احلام : انشاءالله
قديم March 13, 2007, 04:11 AM رقم المشاركة : 3
معلومات العضو
TrNeDo
موقوف
TrNeDo غير متصل
رد: *•*||*•* روايه: حب مع الايام رووعه وربي*•*||*•*
الجزء الثالث
تمت حفلة الزواج على خير
و الحين حوالي الساعة الساعة 4 الفجر .. و المقربين من العروس و العريس لحد الحين في
الفندق ..
ام نور : يالله اخوي تاخر الوقت لازم تلحقون على الطيارة
حسن : زين انتوا وديتوا الشنط المطار ؟
ام نور : السواق وداهم
حسن : تعبتج معاي يا ختي
ام نور : لا تقول جذي .. انا اللي ربيتك بعد وفاة امنا الله يرحمها .. و سهرت على راحتك .. انت قبل ما تكون اخوي اعتبرك ولدي اللي انحرمت من انجابه ..
حسن : الله على كل شىء قدير .. يمكن ها الولد اللي ما يا يكون خير لج و لابو نور
ام نور : و نعم بالله .. الا الطيارة متى بتحلق ؟
حسن : الساعة 6 الصبح
ام نور : عيل سرعوا .. انا بروح اجهز لكم السيارة
حسن و هو ينادي احلام : يالله حياتي , لازم نروح المطار
احلام : وااااااااي تعبانة
حسن : رقدي في الطيارة
في المطار
حسن : مع السلامة
ام نور و هي تبجي : الله يسلمك يا الغالي .. تروح و ترد لنا بالسلامة
حسن : لا تبجين ام نور ..
ام نور : شاسوي .. تعودنا على دمك الخفيف .. و فضولك الزايد .. و راح نفقد كل ها الاشياء في فترة سفرك ..
نور و هي تضحك : حسووووون لا تنسى تييب لي الساعة اللي خبرتك عنها
حسن : هيي شايفتني اصغر عيالج ..
نور و هي تطلع لسانها : لا شايفتك اخوي هههه
حسن : صج مالت عليج .. بس ولة يهمج ابشري الساعة بشتريها لج
نور : فديت ها الخال و الله
حسن : يا اللوسة مصلحجية ..
يوسف من بعيد كان يطالعهم و كان يضحك على حركات نور الطفولية ..
حسن و هو يصارخ : يوسف قرب
يوسف : هلا بو علي انشاءالله تروح و ترد بالسلامة ..
حسن : وية ويهك احترمني يا اخي مب جني زوج خالتك
يوسف : الا و النعم .. بس لا تنسى ان خالتي تربت وياي ببيت واحد من صغري
( حسن و احلام عانوا من صغرهم .. حسن ابوه مات لما كان في بطن امه .. و امه ماتت بسبة مرض السرطان يوم كان 9 سنين .. فربته اخته الوحيدة ام نور .. اما عن احلام فامها و ابوها ماتوا يوم كانت 5 سنين في حادث سيارة .. فعاشت مع اختها الوحيدة ام يوسف .. )
حسن : هيه التاريخ قاعد يعيد نفس الاحداث
من بعيد ام يوسف كانت تلوح لهم .. ولما اقتربت ..
ام يوسف : ها حسن دير بالك على احلام .. تراها قطعة من كبدي
حسن : ابشري . الا وينها الحين ؟
ام يوسف: وية عليها تعبانة قاعدة على الكرسي هناك
حسن : عيل بروح اناديها لان الوقت وايد تاخر
ام يوسف : لا انت روح كمل اجرائات السفر .. بقول لنور تروح تخبرها
حسن : انشاءالله
ام يوسف و هي تقول لنور : روحي نادي خالتج
نور : انشاءالله يمة
حسن يوم كمل كل اجرائات السفر .. و كان يبي يرد عشان ياخذ احلام لقى بطريجه بو نور و بو يوسف ..
بو نور : هلا بالمعرس ..
حسن : هلا و غلا بزوج اختي
بو يوسف : انشاءالله تروح و ترد بالسلامة
حسن : الله يسلمك
بو يوسف : ترى الطريج لفرنسا طويل ..
حسن : اي و الله .. الله يستر على ما اضن بشوف اكثر من 7 افلام في الطيارة
بو نور : ههههههههه عيل توفير عشان شهر ما تروح السينما
بو يوسف و حسن : ههههههههههههه
بو نور : متى بتحلق الطيارة ؟
حسن : اوووووو نسيت احنا وايد متاخرين .. خلونا الحق على المدام
بو نور : قوم اركض قبل ما تلحقك بالعصا
حسن : حرااااااااام
بو يوسف : ان كيدهن عظيم
حسن : ترى ما ارضى على حرمتي .. ووي فمان الله .. تراني وايد متاخر
راح حسن و خذ زوجته و دخلوا في الطيارة .. بانتظار موعد التحليق ..
في البحرين:
( بالاخص في بيت بو نور )
نور قاعدة تكلم نوف في التلفون : قوة يا الغلا
نوف : الله يقويج حبيبتي ..
نور : ها مستعدة حق الجامعة بكرة
نوف : اي اليوم رحت الشوبنق و شريت كل شىء
نور : بكرة اول يوم .. شكثر مشتاقة حق رفيجاتي اللي كانوا وياي في التوجيهي
نوف : اي و الله حتى انا مشتاقة حق الشلة .. تعالي نورو انتي مختارة اي تخصص ؟
نور : محاسبة .. و انتي ؟
نوف : هندسة .. بس اخوي يوسف مختار مثلج محاسبة
نور : ليش نوفو اخوج في اي سنة جامعة ؟
نوف : قدنا
نور : هااااااااا .. انتوا تؤام ؟
نوف : اي ما تدرين .. كل ها السنين صديقتي و ما تدرين
نور : لا و الله ما كنت دارية
نوف : عيل يمكن يكون ويايج في الصفوف
نور : كل شىء جايز يالله بخليج الحين امي تناديني
نوف : اوكي تيك كير باي باي
نور : يو تو باي
نور : ها يمة خير ؟
ام نور و هي خايفة : خالج ما اتصل ؟
نور : لا يمة اشدعوة بيتذكرتا الحين ..
ام نور و هي مستحمقة : لا تقولين جذي عن خالج
نور : ها الحقيقة يمة الريال رايح شهر العسل يعني اكيد مشغول ..
رن التلفون : ترن ترن ترررررررررررررررررن
ام نور نقزت في مكانها و بسرعة راحت ردت على التلفون : الوووووو
حسن : يا احلى الوووووو شخبارج ؟
ام نور : بخير يا خوي .. بسماع صوتك .. شخبارك ؟ شمسوي ؟
حسن : ههه شوي شوي علي .. لها الدرجة مشتاقة لي .. الله يستر اذا شهر ما بتشوفيني ..
ام نور : اي الله يستر ها طمني عليك و على العروس
حسن : كلنا بخير .. الف حمدلله .. جو باريس عجيب
ام نور : عسى الله يسعدكم دوم
نور و هي تكلم امها : عطيني التلفون بكلم خالي
ام نور و هي تكلم حسن : اكاهي ام لسانين تبي تكلمك
حسن : هههههههههه وينها ؟
نور : اكاني يا الخال .. ها لا تنسانا .. اخاف قعدة الحبايب تنسيك الاهل
حسن : افا و الله يا بنت اختي ..
نور : عطني خالتي احلام بكلمها
حسن و هو ينادي احلام : نور تبي تكلمج
احلام : الوو سلام عليكم
نور : و عليكم السلام
احلام : شخبارج نور ؟
نور : تمام خالة انتي شخبارج ؟
احلام : اوكي ..
نور : ها عاد اذا خالي سوى لج شىء ولة ضايقج .. اول شىء لازم تسوينه تدفقين علي عشان اادبه
احلام : ترى ما ارضى على زوجي
حسن و هو يكلم احلام : شقالت ها الخبلة
احلام : تقول اذا ضايقتني اتصل فيها عشان تادبك
حسن سحب التلفون من احلام : مع السلامة
و صك التلفون على ويه نورنور : ويعة
ام نور : تستاهلين شنو ها الكلام اللي قلتيه ؟
نور : يووووووووو خليني .. بروح ارقد ابرك لي بكرة وراي دوام الجامعة
ام نور : الله يهديج ..
الجزء السادس
في البحرين ( بيت ابو نور ) :
في الصباح
ام نور : قومي تاخر الوقت
نور : يمة تكفين بس خمس دقايق
ام نور : يالله قومي بلا مصاخة من قبل نص ساعة كله تقولين بقوم بعد خمس دقايق
نور : في ها البيت محد يقدر ينام
ام نور : من قال لج ترقدين متاخر ؟
نور و هي عاقدة حواجبها : محد .. الا الساعة جم الحين ؟
ام نور : ثمان و نص
نور : ياويلي اول محاضرة بتبتدي الساعة 9
ام نور : عيل بسرعة قومي تزهبي
نور و هي تنط من على السرير : ابشري دقايق
و قامت بسرعة راحت الحمام و لبست ثياب يديد و حملت كتبها في ايدها
و قبل ما تطلع من الغرفة وقفت جدام المنظرة من يديد تشوف نفسها .. و اطلقت زفرة طويلة بعدها طلعت من الغرفة و نزلت للطابق السفلي ..
نور : يمة
ام نور : هلا
نور : صباح الخير
ام نور : صباح الورد و الفل و الياسمين
نور بابتسامة رائعة : شخبار الغالية اليوم ؟
ام نور : بخير ما دامج بخير
نور : ها شمسوية لنا فطور ؟
ام نور : سويت لج روتي بجبن اخذي وياج و في الطريج اكليه لان ابوج ينطرج في السيارة
نور و هي تشوف ساعتها : وووووي وايد تاخر الوقت .. خلاص يمة مشكورة بعد المحاضرة بروح الكافتيريا و باكل لي شىء
ام نور : على هواج
نور : يالله استاذن باي
ام نور : بايات
في السيارة :
بو نور : جان رقدي اكثر
نور : هههه صبحك الله بالخير بو نور
بو نور و هو معصب : صباح الخير .. يالله بسرعة ركبي .. عشان اوصلج الجامعة بعدين عندي اجتماع
نور : انشاءالله انشاءالله
بو نور طول الطريج ساكت : …………….
نور : شفيك يبة ؟
بو نور : افكر يا بنيتي
نور : في شنو ؟
بو نور : اليوم بعقد صفقة وية شركة بو فارس .. و هي من اهم الصفقات بحياتي
نور : الله يوفقك
بو نور : ويوفقج بنيتي .. اكا وصلنا الجامعة ديري بالج على روحك
نور : تامر امر
بو نور : ما يامر عليج عدوج
في الجامعة :
يوسف : نوف انا بروح الحين محاضرتي بتبدا بعد 3 دقايق
نوف : اوكي انا بروح اقعد في الكوفي شوب ليما تبتدي محاضرتي الساعة 10
يوسف : بس ديري بالج على نفسج
نوف : ما يحتاج توصي حريص
يوسف : نوف
نوف : نعم
يوسف : نور وياي في المحاضرة ؟
نوف : اي وياك بس مدري وينها تاخرت
يوسف و هو يقول بقلبه : عسى ما صادها شىء .. يا ربي ليش احاتيها
نوف : هلوووووو شفيك سرحت
يوسف : ها مافيني شىء .. الا شوفي هناك مب شنها نور
نوف : امبلة هي
نور جربت منهم : السلام عليكم
نوف و يوسف : و عليكم السلام
نور : شخباركم ؟
نوف و يوسف وية بعض : الحمدلله بخير
نور : اترخص الحين عندي محاضرة
يوسف : محاضرة الاستاذ غازي ؟
نور : اي
يوسف : عيل انتي وياي
نوف : مب جنك سالتني ها السؤال و انا قلت لك اي
يوسف : جاوبتيني بس كنت ابي اتاكد .. مع السلامة بروح الحق على المحاضرة
نور : حتى انا بروح الحق مع السلامة نوف .. بنطرج الساعة 11 في الكافتيريا
نوف : اوكي انا محاضرتي بس ساعة يعني اقدر اشوفج الساعة 11
نور : باي
نوف بلا حماس : باي
و اتجهت للكافتيريا اما يوسف و نور اتجهوا للمحاضرة ..
في قاعة محاضرة الاستاذ غازي ::
يوسف طول الوقت سرحان صوب نور .. و يفكر : انا احبها لازم اواجه نفسي بها الشىء .. احبها و الله احبها
نور انتبهمت لها الشىء بس ما علقت لانها ما تبي تسوي فضايح لها و لرفيجتها
في المحاضرة كان احمد قاعد بجنب فارس ( كانوا وية بعض من الروضة الى الصف الثالث بعدين افترقوا )
فيوسف رسل له ماسج : احمدو ليش قاعد عند ها الولد تعال اقعد يمي .. اشفيك ؟
فجاوبه احمد : سوري فارس .. انت ييت متاخر فانا قعدت عند فارس
رسل له يوسف : و مداك تتعرف عليه حتى تعرف اسمه ؟
رسل له احمد : فارس كان اعز رفيج عندي قبل ما اعرفك .. بعدين افترقنا لانه راح لمدرسة ثانية .. يعني عشرة عمر
فرسل له يوسف : اهاااااا شذي .. خلاص حبيبي بشوفك بعد المحاضرة
فارس : اشفيك وية ها المسجات ؟
احمد : هاي واحد من الربع يسالني .. خلك من هاي الحين تدري شكثر انا مستانس اليوم لاني شفتك
فارس بضحكة ما تنسمع : حتى انا .. يا ما ايام قضيناها وية بعض بالحلوة و المرة
احمد : اي و الله عسانا ما ننحرم من بعض بعد اليوم
فارس : امين .. احمد شوف البنية اللي لابسة قميص احمر هناك
احمد : اي شفتها هاي نور
فارس : اسمها نور ؟
احمد : اي
فارس : ليش تعرفها ؟
احمد : لا بس هي رفيجة اخت رفيجي
فارس و هو عاقد حواجبه : شعندك تحب حتى تعرف رفيجة اخت رفيجك ؟
احمد : ما اقدر اخش عليك شىء الصراحة اي احب
فارس : من ؟
احمد : رفيجة نور .. اللي تصير اخت رفيجي
فارس : عيل نقول مبروك
احمد : اي مبروك توى الناس لازم اكمل دراستي و اشتغل بعدين افكر في الزواج .. بس تعال ليش سالتني عن نور
فارس و هو سرحان : مدري من اول ما شفتها احس باني اعرفها من زمان ..
احمد : يعني شنو تحبنها ؟
فارس : تقدر تقول حب سريع و لا من طرف واحد
احمد بحزن يقول في قلبه : اعز ربعي يحبون نفس البنت .. شالمصيبة !!
