انا كنت متاخرة فى الحمل وبعدها ربنا ساعدنى انى اعمل حقن مجهرى والحمد لله حملت فى 4 اجنة اللى الدكتور رجعهم قعد ينزل عليا دم قلت حملى راح بس ربنا ستر ونزل جنين واحد منى وجالى طلق وكنت حموت كنت فى الشهر التانى دكتورى قالى كدة كتير عليكى نعمل تخفيض لواحد من ال 3 توكلت على الله وعملتة ونزلت جنين الفترة دى تعبت قوى والمنشطات عملتلى ماية على البطن وعملت مرتين بزل ل6 ونص لتر ماية واخدت نقل بلازما علشان تمنع الماية 25 كيس وعدت على خير وعملت ربط فى الشهر ااتالت انا دلوقتى فى نص الخامس وبعد المعاناه دى كلها اكتشفت ان البلازما جابتلى فيرس سى قدر الله وماشاء فعل انهرت والحل احتمال ماارضعش بناتى وابدء علاج الفيرس بعد الولادة لو الحاله اتطورت دلوقتى رحت بعد كل دة اعمل فور دى من كام يوم الدكتور قالى مفيش تشوهات بس فى واحدة فيهم الماية حواليها قليلة 3سم وانا مش بينزل عليا ماية طب قلت لية وقالى ان لو فضلت تقل قدامى حلين يااولد على السابع واحتمال الاتنين يعيشوا مش كبير او اضحى بواحدة واسيبها تموت فى بطنى واكمل باختها الكويسة للتاسع ان شاء الله مين ليها تجربة فى موضوع الماية دة تطمن قللى ومعلش طولت عليكم
