كلمات الاغنية
خذ راحتك .. ماعادها تفرق معي
تبي تغيب ونفترق خذ راحتك
شكرا على ذوقك .. وبس لاتدعي
انك صريح .. وشكرا لصراحتك
ماكان غيرك في حياتي .. مطمعي
في قلبي الاوحد .. وقلبي ساحتك
من كل درب ودرب .. اسعى لك سعي
وامواج حبي .. من غلاك اجتاحتك
كم كنت احبك .. في الوعي والا وعي
والارض ارضك .. والسماء مساحتك
لك كنت خاتم .. وانت خاتم باصبعي
واتعب على شانك .. وادور راحتك
وتشوف من فوق السحايب موقعي
الين طيحت النجوم .. وطاحتك
والحين ماعادت ترى .. تفرق معي
جنتك مابيها .. ولا تفاحتك !!
