انواع الفوط الصحية

1- (( اولويز )) ..
منتشر جدا ومشهور جدا جدا، بس للاسف هو مش قطني وبيسبب التهابات وحكة، ده غير النوع الجديد اللي نزل منه اللي بروائح معينة ده خطر جدا على المكان ده اصلا.
انا استعملته لفترة كبيرة جدا .. بعدين لما تعبني ولقيت الاحسن سبته.

2- ((سندريللا)) ..
نوع رديء جدا جدا جدا ولعل السبب يرجع في رخص سعره، المادة اللاصقة بتاعته اللي المفروض تلزق على الاندر .. بتلزق فيه ما بتطلعش خالص الا بطلوع الروح .. بتبوظ لك الاندر يعني
وغير كده امتصاصها وحش جدا ومش مريحة في اللبس ابدا.

3- ((بونا)) ..
ده نوع مستورد كده .. الصيدلية هما اللي قالولي مستورد ولو اني اشك لان كفاءته مش عالية .. بس هو مش بطال يعني .. ماشي الحال.

4- ((RIA)) ..
ده نوع ممتاز جدا جدا وهو مستورد فعلا .. ومكان الامتصاص قطني بيريح في اللبس جدا .. ورفيع وما تحسيش بيه .. وجودة الامان بتاعته عالية جدا .. وسعره يعتبر معقول .. ممكن تكون مشكلته الوحيدة في ان الفوطة حجمها صغير نوعا ما قصيرة يعني .. [انا بستخدمه ده]

5- ((برايفت)) ..
ده برضو نوع ممتاز جدا جدا ومستورد .. وقطني وامتصاصه حلو .. ومريح في اللبس ورفيع .. وامان .. والفوطة بتاعته حجمها حلو .. مشكلته في عدم الثبات اوي .. يعني اللاصق بتاعه مش بالجودة بتاعت المنتج ما بيلزقش كويس بالتالي الفوطة تتحرك،
الحل اللي انا بعمله ممكن الاندر الاسترتش بتاع كارينا بيمسكها ويحكمها ما تخليهاش تتحرك .