عمل مفرش خرز

اليوم نبدا ورشه جديدة لعمل مفرش سداسى الشكل
انا حعمله بالخرز اللولى بس انتو ممكن تعملوه بالكريستال وحيطلع شكله جميل بس انا مش متوافر عندى الخرز الكريستال فحنفذه بالخرز اللولى كما فى الشكل
وحنشتغل بابرة واحدة فقط مش 2
والخيط يكون قطن رفيع متين جداا

الخطوات:

1_ بلضم 6خرزات اول حاجة

2- نربط الخيط بحيث يتكون لدينا دايرة زى الصوره

نقص الخيط الزائد بعد ما نربطه كويس عشان الشغل ما يفكش

3- نلضم اول حاجة 5خرزات ونعدى الابرة من تانى خرزة جنب الخيط

4- نلضم 4خرزات وندخلهم زى ما فى الصور

5- نلضم تانى 4 خرزات وندخلهم بنفس الطريقة اللى فاتت

6- نلضم 4خرزات وندخلهم بنفس الشكل حتكون لدينا 4وردات زى الصورة

7- نلضم 4خرزات وندخلهم كما سبق حيبقى عندنا 5وردات
كده حيكون باقى وردة واحدة حندخل الابرة فى اول خرزة فى الوردة زى الصورة

نلضم 3خرزات مش4 ونعديهم كما فى الصور

بكده يكون عندنا 6 دواير او6 وردات حنتوقف عند هذا الحد ونكمل فى الدرس القادم

ملحوظة هامة:
الدايرة الاولى——- نلضم 5خرزات
الدايرة التانية الى الخامسة…..نلضم 4خرزات
الدايرة ال6والاخيرة………. نلضم 3خرزات فقط