لا تنشد القلب وش عناه

صب}..مساء اح الشوق

لا تنشد القلب وش عناه وش .. رده
ان قلت ادلك يقول الوقت لي غادي

عيت ظروفك رخا .. وش عاد بالشده
خل المشاريه لون المساله سادي

اتعبت القلب وهو وده وما وده
معذور ما دام بك موتي وميلادي

اجيك ضامي غلا وانا على عده
واي والله ارجع وانا ما احصل مرادي

اجاملك والوله عندي وصل حده
ياليت تدري غلاك اغلى من فؤادي

واجد بهالوقت اشوف قلوب مرتده
وان جيت ابا ارتد معهم ردني منادي

من علمك هالجفا من شار… بالصده
هو ما درى انه طفا بي شمعة ودادي

من شافني قال هالمغرور من قده
مايدري اني سببك اصارع رقادي

اخذت منك جروح مقبله مصده
وش حدني لك سوى الاصرار وعنادي

من برد صدرك حرقت وجيه منهده
تعبت ابا ادفى واخاف اولع شدادي

البحر الاحمر سبب لونه سهم جده
ومن كثر عشقه لها متهيجن هادي

ما همه صدودها ما شح في مده
ما اختار رغم القسى وما اختار له وادي

بسلامة اللي سهر وايده على خده
العب ما دام الهوى سيد من اسيادي

ايه اعشقك والغلا ملعون ابو جده
ان قلت عادي حشى والله مو عادي

عرفت هالقلب وش عناه وش رده
معذور ما دام بك موتي وميلادي
مما راق لي