ازيكم يا حبيباتى يارب تكونوا بخير ان شاء الله مبدئيا انا بنت زى اى بنت عايزة اللتزم ودايما بحاول انما مش بنجح بس انا وقفت مع نفسى وقفه وقررت ان شاء الله انى ابتدى اللتزم قريب ومش هاجل تانى ولقيت ان اول حاجة محتاجة انى اصلحها هى لبسى ومنظرى لانه اكييييييييد هينعكس على روحى ولقيت ان من باب اولى انى اتكلم النهرده عن الحجاب الشرعى للاسف الفتن زادت والمفاهيم اختلطت علينا وكل واحد بقى عنده فتوى خاصه بيه وبيحلل الى هو بيعملو وعايز كل الناس تعمل زى
اللهم اكفنا شر الفتنه يارب العالميييييييين
المهم بقى
يابنات الموضوع ده هتكلم فيه عن الحجاب الشرعى وشكله وشروطة وكمان الحاجات الى ظهرت جديد وكل حاجة حتى الكتب والمحضرات الى بتتكلم عن الحجاب بحيث انه يكون مرجع لكل بنت ويكون صدقه جاريه ولعل وعسى تنتفع بيه اى اخت او اى بنوته حلوه ويكون سبب فى انه يعينها على الحجاب وانا اولكم متنسوش تدعولى دعوه حلوه وتقيممواااا الموضوع عشان غيرنا ينتفع بيه
طبعا انا كبنت من البنات مش قادره اقولك بجاهد نفسى قد ايه فى الموضوع ده بس ربنا ييسرلنا طاعته ان شاء الله
الموضوع ده افادني ممكن يفيدكم كمان
جمعت لكم صور للبس الشرعي اللي ينفع مع المنتقبات وكل الملتزمات بالحجاب الشرعي
واسال الله انه يكون سبب في ان اي اخت مش ملتزمة بالحجاب الشرعي تلتزم بيه باذن الله
ويفيدنا كلنا باذن الله لان كتير مش عارفين ايه اللبس المناسب للمنتقبات والملتزمات بالحجاب الشرعي
او اللي مش عايزة تلبس عباية ولا ملحفة ولا اسدال وعايزة حاجة تانية شرعية ومناسبة
في كللللللللللل حاجة هنا متستعجلوووش
يلا نبدا وكفاية رغي
(1) الملحفة او عباءة الراس
ودي جميلة جدا وبتكون وااااااسعة وفضفاضة ومريحة في اللبس لانها بتبقى على الراس وفي منها كذا شكل
بس برده ليها عيوب وهى انها ممكن تلخمك شوووية لو معاكي اطفال
طبعا يا بنات اللون الاسود ملك الالوان وبيديكى احساس بانك كلمة والفخامه بلاش الالوان الى زى المووف ده لانه ملفت وكمان مش حلو يعنى
ده شكل تانى برضه بس من قداااام عشان التوضيح
الملحفة ممكن تلبسي عليها النقاب اللي بيكون زي ده كده وتدخليه جوه الملحفة او من زي الصورة
وممكن تلبسي عليها النقاب السعودي زي دي
اللي في الصورة ده نوع من النقاب السعودي بيكون طويل من ورا كده زي الطرحة وفي بيكون مش طويل من ورا كده وهو بيكون 3 طبقات وفي منه اشكال كتير
طبعا كلنا عارفينه لانه من انواع النقاب المفضلة لينا كلنا
( 2 ) كاب وعباية او كاب وجيبه | بالتونسي درع وتنوره
ده بقى عملي جدااااااا مع الكل طالبة في الجامعة او معاكي اطفال او او او
حينفعك جدا لانه مش بيلخم في الحركة
وهو بيبقى زي خمار طويل تحته عباية كات او جيبه
^ الشكل ده موجود في شارع العزيز بالله اللي في الزيتون – القاهرة
ولو مش لقيتيه ممكن تفصليه عند اتيليه
لانه بينفع المنتقبات وغير المنتقبات لان بيكون النقاب في الخمار نفسه وبترفعيه وتغطي وجههك بيه لو منتقبة وتنزليه عادي ولو مش منتقبة حينفعك برده على اساس لو لبستي النقاب ترفعيها لفوق بدل ما تشتري نقاب لانه مش بيحتاج تلبسي نقاب توفييييييييير
ده شكل مختلف شوية لانه من غير كم زي الخمار بالضبط
شايفين قد ايه يا بنات شكلهم جميل ورقيق بذمتك مش نفسك تلبسيه مزهقتيش من الديق والللبس الى بيغضب ربنا تخيلى كل شىء وانتى لابسه اللبس ده بيلعنك حتى الارض الى انتى ماشيه عيلها لانها اساسا بتعبد ربنا وبتلعن الى بيغضبه ربنا يهدينا جميعا اللهم امييييييييييييين
(3) الجلباب والعبايات
الجلباب اوسع من العباية واقل وسع من الملحفة والاسدال وبيتلبس عليه يا اما خمار يا اما طرحة كبيييرة
وجميلة جدا في اللبس
ده طبعا حلو لاى بنوته مش عايزة تنتقب او ماجله الخطوة دى شويه شكل الحجاب ده جميل اوى ورقيق جدا للبنات
دى صورة الجلباب من غير الخمار شكله بنوتاتى اوى ربنا يهدى ياااااااااااااارب
(4) الاسدال والادناء
طبعا مقدرش اقولكم انا بحب الاسدال ده قد ايه انا اول ما شوفته حبيته على طول مع انى عندى ملحفة بس انا معجبه بشكله جدا وقولت انى لو ملقتهوش هنزل افصله حتى مش مشكله
الاسدال في منه اشكال كتييير ومنها اللي بيكون زينة في نفسه
فنخلي بالنا من الاسدالات اللي فيها زينة
خصوصا اللي بتبقي فيها زينة زي ده
طبعا ده بلاش منه يا حبايبى لان كده يبقى معملناش حاجة طبعااااااا مخضوضة
لو الملحفة او الاسدال مع الهواء والحركة بطير وتلزق على الجسم
ممكن تلبسي زي دول ممكن نلبس تحت منه جيب عادى من لبسك القديم يا بنات او حاجة زى كدهو
مش عارفة بقى هما بيتباعوا فين بس هم ممكن يتفصلوا عند اتيليه خاص للمنتقبات والملتزمات
واللي تعرف ممكن نلاقيهم في محلات تقول برده
بس لما تلبسيهم يكونوا من نفس لون الملحفة او الاسدال
او ممكن تلبسي جيبه تحت الملحفة تكون نفس اللون او جينز على حسب اللي عندك بس تكون مش ضيقة عشان الغرض منها ان لما الملحفة تطير متبقاش مجسمة عليكي
يا بنات انا عارفه ان الموضوع مش سهل بس ايه اخرتها هتفضلى تسوفى لحد امتى لحد لا قدر الله نموت واحنا لابسين لبس حرام وتبقى اخرتنا جهنم والعياذ بالله يبقى كسبنا ايه ؟؟؟؟ حرام بجد نعمل كده فى نفسنا
انا عارفه ان الشيطان هيقعد يقولك ما انتى كده كويسه احسن من غيرك والكلام ده وان شا ءالله لما تتجوزى
طيب افرض متجوزتيش ؟؟؟ وربنا ممكن يحرمك رزق الزواج بالذنب والمعصيه طبعا كلنا عارفين ان المعصيه بتمنع الرزق والله يا بنات هتحسى انك انسانه تانيه وتمشى كده مش خايفه ان حد يعاكسك او يجرحك بكلمة مش كويسه بالعكس اى ولد هيشوفك كده يحترمك ويقول يا سلام هى دى اللى تبقى ام اولادى واامنها على بيتى ونفسى وعرضى ………
وعايزة انبه على حاجة مهمه جداااااااااااااا وهى ملابس المحجبات الخدعه الى هى زى كده
وتيجى تقوليلى ده حجاب هقولك والله لا حرام ده اسمه تحايل على الدين زيه زى لفظ شرعى الى بقى يتقال على كل شىء زى ما بقى يتقال على المايووووووووووه ربنا يرحمنا يا بنات يا حبايبى الحلال بين والحرام بين وما بين ذلك شبهات فاجتنبوه زى ما قال رسولنا الكريم عليه الصلاه والسلام
حرام يا بنات انا عارفه ان المنظر فتنه جدا وانا وحده من ضمن الناس كنت مفتونه بيهم جدااااااااااااااا والله من ساعات قليله لكن الحمد لله ربنا يعنى ويثبتنى وياكم
اضعف الايمان خاااااااااالص ابتدى بعبايات يا جميله وبعدين وحده وحده هتلاقى نفسك عايزة اكتر
بس بلاش تبقى زى دى يا بنات لانها كده زينا يعنى هى عايزة حاجة تسترها اصلا قبل ما تسترك ولا ايه ؟؟
يا بنات الى انا عايزة اقوله اننا لازم نتمسك بدينا اكثر من كده تمسكى بحجابك تاجك عفتك محارتك يا لؤلؤة يا حلوه انتى وهى وبقول لنفسى زيكم بالظبط
انا عارفه انى طولت عليكم بس انا عايزة ارفع المعاناه عن كل بنت حيرانه زى صدقينى مفيش احسن من طريق ربنا عشان تكونى كسابنه اى حاجة تانيه هتكونى خسرانه يلا بينا نرجع قبل فوات الاوان
معلومة قريتها فى منتدى وحبيت انقلهالكم عشان تعرفوا الهنا والنعم الى احنا فيها ومش حاسين يا بنات
السلام عليكم
ايها الاخوات سر عجيب عن الحجاب اكتشفها العلماء الانكليز بكتابه النادرة التي اخفوه الخبر بعد اصداره بيوم واحد فقط ……
قالوا عنه: عندما اكتشفنا سر العجيب عن الحجاب المراة المسلمه فكشفنا عنه سر عجيب انه يمنع امراض خطيرة تصيب الراس وهي ميزة تمير عن الرجال وانها تقوي خلايا الراس عند المراة وتقوي الخلايا شعرها ليعطي جمال مبهر وياحفظ على ناشطة الذاكرة…….
فسبحان الله كل شي لها حكمه……….
اختاه افتخري افتخري افتخري بحجابك التي اعطاك نور مبهر ينور دربك………
فحجابك سلاح يحمي شرفك وعرضك……..
اللهم احفظ نساء المسلمات من كل سوء واحفظهن من التبرج واحفظهن من الشياطيين الانس والجن ونور دربهم ويسر امرهم تقبل توبتهم ………….
اللهم امييييين
اللهم امييييين
قولو سبحان الله
- بنوته عايزه تلتزم
- صور الخمار الشرعي
- النقاب الشرعي بالصور
- صور جميلة للحجاب الشرعي الملاية
- صور بنات لابسين خمار
- طريقه لف النقاب علي الملحفه
- اشكال النقاب الشرعي بالصور
- صور الحجاب و النقاب
- الباش الشرعي بالصور
- ملابس للحجاب الشرعي تكون جميلة
