الفصل الاول
“جددى فينى حياتي باللقاء”
اتصل ابو حمد بحمدوكان حمد توة راجع من الشغل
حمد:هلا ابويه
ابو حمد:شحالك ياحمد
حمد:بخير فديتك…اصبر ابوية اشوي
ابو حمد:خير ياولدية شعندك؟
حمد:ماشى فديتك بس زحمه سير .
.الحين الكل عاطن من الدوام و انتة اتعرف زحمه بوظبي
ابوحمد :ماعلينا متي اليية ؟
حمد:ماظن يابوية الاسبوع ذلك بايي
ابوحمد:افا ليش؟
حمد :بعد اشغال
ابو حمد:بس انا اباك ياولدية فمقال مهم.
حمد:خير يابوية شو صاير
ابو حمد:ماظن التيلفون ينفع ياولديه
انا اباك عندية عشان اكلمك بالموضوع
حمد:والله يابوية ما قدر اتحرك الا على الاسبوع الياي..خبرنية انتة و انا اسمعك
ابوحمد:اوعدنية ما تسكر التيلفون فو يهية لين اخلص.
حمد:افا يبوحمد انا اسكر فو يهك
ابوحمد:تراك ربما سويتها من سنتين
ابتسم حمد:عدك تذكر .
.السموحة يابو حمد .
.المهم عطنية اخبارك انا و صلت و كلى اذان .
ابوحمد:حمد انتة سمعت عن اخوية ابو راشد ؟
حمد:الى هو اخوك بالرضاع
ابوحمد:هية و اكثر من اخو
حمد:اسمعك يابوية بلاة عمية بوراشد
ابو حمد:عمك مرقد فالمستشفى من اسبوعين و حالتة ما تسمح له ايعيش و ايد
حمد:لاحول و لاقوه الابالله .
.شوفية تبانا انسفرة برا
ابوحمد:ياليت ان السفر بيرد صحتة جان سفرناة بس الدكاترة قالو ما فامل .
.المهم ياولدية الريال حياتة منتهية خلاص و الي ذابحنة اكثر شي همة على بنتة الى ما لها حد فالدنيا عقبة .
.ياولدية انا ما ريدة ايموت شال همها و دية ايموت و هو مرتاح
حمد:وشو المشكلة يابوي
ابوحمد:عمك كان و دة ان بنتة تتزوج قبل لايموت لبنية فسن زواج و ما تتخيل كيف اهو ايحاتيها
و ايحاتى عند منو بتقعد عقب ما يموت
حمد:انتة تباها اتعيش عندنا؟
ابوحمد:اكيد انها بتعيش عندنا ترا ياولدية ما لها حد غيريه
حمد:انزين وين المشكلة انا عايش فبوظبى المقال ذلك شاور به امية و خواتية لانها بتعيش عندهن
ابوحمد:اسمعنية ياحمد ما يصير انيبها و انعيشها عندنا بس على اساس انية عمها بالرضاع
حمد بدا يتنرفز من المقال لانة شك بالى ايريدة ابوه:ابوية اخلص عليه شوالمطلوب منية ؟
ابوحمد:اباك تملج عليها..
حمد:شو؟؟؟؟
ابوحمد:ياولدية الله يرضي عليك هية بس ملجه..
اريد اخوية ايموت و هو مرتاح
حمد:يابوية الله ايهديك انتة تدرى برايية من قبل انا عرس ما ريد فكونية من هالسالفة الله ايخليكم..مافضيت بوظبى الا من كثر ما تحن امية عليه ابها
ابوحمد:احنا الحين ما نتكلم عنك .
.ولانريد انحل الك مشكله..
انا اريدك الحين فخدمة و عنك ما عرست
حمد:طالع واحد غيريه
ابوحمد :انا ما عندية حد غيرك .
.و ثم انا اريد لبنية تى اتعيش عندية ما عندية حل غير الى قلتة لك
حمد:وانا اسف .
.واسف بعد لانية بسكر التيلفون طوط طوط طوط
ابوحمد:سودالله و يهك من و لد
استمرت بعد هذا محاولات ابوحمد مع حمد عشان يرضخ لطلبة و كان حمد رافض بالمرره
كلمتة امة و حاولت معاة و قالت له بان ابوة و ايد متضايق و هامنة اخوة ليموت قبل ما يتطمن على بنتة و ان ابوة قال لو ايموت اخوة و حمد ما طاع ايسوى الى قالة له ما بيسامحة طول حياته
حمد: ياالله يامية مب حالة هذي
الام:ياولدية تراها الاملجة بس .
.عشان الريال ايموت مرتاح
حمد:اى راحة هذه تراة ميت .
.الراحة بتخفف عليه الموت .
.شوفى انا بسوى الى ايريدة ابوية بس ملجة .
.غير الملجة لا و كم شهر و ثم بطلق
الام:الله يرضي عليك ياولدية .
.بقول لبوك و برد عليك
احبرت الام ابوحمد و قالها خلية الليلة يضوى يملج و عقبها يتوكل…
فى المستشفى كانت امل و اقفة فالمطبخ التابع للقسم الخاص الى ابوها به بعد ما شافت فوج ريايل داخلين على ابوها و كانت معاها الخدامه
الخدامه:ماماة زيادة فريال و فواحد بعد شيخ مطوع
دمعت عيون امل من كثر الخوف على ابوها لانها حاسة بقرب اجله
الخدامه:ماما ما فصيح ان شالله شيخ سوى قراية مشان بابا ثم يجى تمام
مسحت امل دموعها :ان شاالله
بعد ربع ساعة دخل ابوحمد على امل المطبخ و قال الها بسالفه الملجة .
.اول شي عارضت لاكنة يوم قال الها عشان ابوها يرتاح اذا ما ت..
انفجرت بالصياح هداها و قالها ان الموت ارحم له من العذاب الى عايشنة و انها بتكون كو حدة من بناتة .
.المهم جميع شي صار بسرعة الملجة و الاحداث الى صارت بعدها
حمد رفض ايبات عند هلة و فضل يرجع بوظبى لان اهلة من سكان منطقة العين كان مزاجة معكر على الاخر .
.فى اليوم الثاني توفي ابو امل و هومرتاح و مطمن على بنتة .
.الخبر وصل حمد و انصدم يوم عرف ان خاله امل الى ساكنة فدبى شلتها معاها .
.
بالتاكيد قامت القيامة على ابوحمد و امه
حمد:انا انا تستغفلونية فالمقال ذلك و اتقولون الية ان ما لها اهل بس علشان اتسون الى تبونه
الام:استهدا بالله ياولدية و هد اعصابك
حمد:اى اعصاب هذه الى تبينية اهديها انا اليوم بروح المحكمة و بطلق
الام:لاتتهور ياحمد باى شي بتسوية اول شي اقعد مع ابوك و افهم امنة السالفة و انا و الله ما درى ان عندها خاله
حمد :ماعليه انابجار عندكم و ما بروح لين اخلص ذلك الموضوع
الام:اتحمل على عمرك ياولديه
- روايات وديمه العطا
- رواية جميلة
- روايه جميله
- روايات وديمة العطا
- رواية جددي فيني حياتي باللقاء
- صور عن جددي
