السلام عليكم و رحمة الله و بركاته
ازايكم يا عروس يا حلوين؟ ان شاء الله تكونوا كلكم بخير
انا جايبلكم طبق جديد و طعمة يم يم يم….. هتكلوا صوابعكم من جمال طعمة….. علي فكرة انا شوفت الطريقة من الشيف اسامة السيد و عملتها و عجبت زوجي اوي اوي…الطبق مش هياخد منك وقت كتير من ساعه الا ربع لساعه تقريبا……
الطبق هو ارجل الفراخ المحشية بالخضار….
المقادير:
زيت زيتون
فلفل الوان(احمر+اصفر+اخضر)
ملح
فلفل اسود
كمون (بسيط جدا)
شطة
كسبرة نشفة (بسيطة)
ثوم
جبنة مبشورة
ارجل فراخ
الطريقة:
1-يتم خلي ارجل الفراخ من اول عظمتين ما عدا اخر عظمة ( نحاول بالسكين نخلي العظمة الاخيره مع تركها في مكانها بمعني اننا نحاول ميكنش لحم الفراخ لازق في العظمة…يا رب اكون عرفت اول المعلومة)
2- يتم تتبيلها بالفلفل و الملح بكميه بسيطه من الداخل و الخارج
3- يتم تقطيع الفلفل الملون الي شرائح
4- علي النار يوضع زيت الزيتون ثم يوضع الثوم بعد تقطيعه
5- يوضع الفلفل المطع شرائح و يقلب علي النار ثم يوضع (الملح+الفلفل الاسود+الكسبرة+الشطة+الكمون)
6-يترك علي نار هادئة لمدة دقيقتين
7-يرفع من علي النار و نضيف الجبنة المبشورة و تقلب كل الخلطه جيدا
8-يتم حشو ارجل الفراخ بالخلطة السابقة
9-ناتي بصنيه ونضع عليها الالومنيوم فويل و ندهنها بحبه زيت نباتي بسيط جدا….و نضع الفراخ ثم نغطيها بورق الالومنيوم فويل
10-نضعها في الفرن في الرف الوسط علي نار هادئة الي ان ينضج ثم نرفعها الي اعلي رفع في الفرن مع رفع غطاء الالومنيوم فويل حتي تحمر
