اكلات صحية للبنات في رمضان

مصريات – مجموعة من وصفات تحضير وطبخ الاكلات للبنات للحفاظ على الوزن و الرشاقة في رمضان لانه كل بنت على عكس الشباب بتحتاج تحسب اكلاتها لان حركتها بتكون محدودة بالنسبة للبنات عموما خاصة في الدول العربية ومنها مصر.

لذلك يقدم لك الدكتور ابراهيم سعيد استاذ مساعد التغذية وعلوم الاطعمة بكلية الاقتصاد المنزلي جامعة حلوان، مجموعة من وصفات اطباق الاكلات الصحية الشهية للبنات خاصة في مصر، واللي معروف عدد السعرات الحرارية بيها فتقدر كل بنات مصر تحافظ على وزنها ورشاقتها خصوصا في رمضان.

صينية اللحم بالبطاطا

صينية اللحم بالبطاطا
* المقادير
كيلو لحم مفروم 3-  ملاعق كبيرة زيت الزيتون –  نصف كوب بصل مفروم –  4 حبات بطاطا كبيرة مقطعة شرائح دائرية –  3 كوب طماطم مقشرة ومقطعة – ملعقة كبيرة صلصة طماطم – عصير ليمونة – ملعقة كبيرة خل- بهارات نصف ملعقة صغيرة قرفة ملح وفلفل اسود حسب الرغبة – نصف ملعقة صغيرة ريحان مجفف

* الطريقة
سخني زيت الزيتون وبعدين حطي اللحم وقلبيه لحد ما يتغير لونه وبعدين ضيفي البصل واتركيه لحد ما يبقى لونه شفاف  بعدها ضيفي الطماطم وملعقة الصلصة وعصير الليمون والخل
رشي الخليط بالملح والفلفل والبهارات وغطيه واتركيه لمدة دقيقتين.
جيبي صينية وادهنيها بقليل من الزبدة ثم رصي فيها شرائح البطاطا واسكبي فوقها خليط اللحم وغطيها ودخليها الفرن لمدة نصف ساعة.
الطبق الصغير يعطي 105سعرات حرارية

سلطة الخس بالتونة

سلطة الخس بالتونة

* المقادير
خس
طماطم
بطاطس مسلوقة ومقطعة
مكعبات تونة
عيش مكعبات مقلي في الزيت
بصل اخضر مقطع صغير

بقدونس للتزيين

ملح – زيت خل

* الطريقة
امرجي المقادير كلها مع بعضها وتزين بالمقدونس المفروم يحتوي هذا الطبق من السلطة يحتوي على 4228 سعرا حراريا.

كوسة بالجبن الموتزاريلا

كوسة بالجبن الموتزاريلا
* المقادير
فلفل بارد رومي مقطع قطع صغيرة
زيت درة
بصلة كبيرة
ملح وفلفل وبهارات مشكلة
مكعب مرقة دجاج
مقدار من الجبن الموتزاريلا

* الطريقة
نقطع الكوسة الى  نصفين والاحسن ان الكوسة تكون متوسطة الحجم بعدين بنحطها في الماء المغلي مع مكعب مرقة الدجاج ونحط قليل من الزيت ونسيبها لحد ما تستوي الكوسة نص سوا يعني نص نضح بعدين بنصفيها من المية
بتحمري البصل على النار بعد ما تقطعيه قطع صغيرة لحد ما يحمر وبنحط فوقه قطع الفلفل الرومي والبهارات والفلفل الاسمر وبعدين بنحط عليهم اللحمة المفرومة ونسيبها على نار هادية لحد ما تستوي اللحمة ومفيش مانع من اضافة القليل من الشوربة لحد ما تستوي اللحمة.
بعد ذلك نعمل البشاميل بوضع 4 ملاعق زبدة على النار ومثلهما دقيق وقليل من الفلفل الابيض مع التقليب المستمر ثم نضيف 3 اكواب حليب مع التقليب المستمر مع وضع بيضة ومكعب مرقة الدجاج ونتركه على النار لحد ما يبقى جاهز
نضع الكوسة ونرصها في صينية ثم نضع فوقها اللحم المفروم ونحاول ملاها بعد ذلك بالبشاميل من على الوجه ومن الممكن اضافة الجبن الموتزاريلا عليها من فوق فهي تعطيها مذاقا رائعا ثم نضعها في الفرن لحد ما تستوي و وشها يحمر

بروفيترول بالشيكولاتة والقهوة

بروفيترول بالشيكولاتة والقهوة
* المقادير
200 جرام دقيق – نصف كوب مياه ملعقة زبدة – ربع ملعقة ملح 4 بيضات- فانيليا – ربع ملعقة سكر
* كريمة القهوة
باكو كريم شانتيه باكو كريم كراميل كوب لبن صغير 4 ملاعق نسكافيه
* صوص الشيكولاتة
250 جرام شيكولاتة مطبخ 2 كوب لبن ملعقة زبدة ملعقة نشا – 2 ملعقة سكر
* الطريقة
* بنحط الماء في اناء مع الزبدة والملح والسكر لحد ما تغلي بعدين بتشيليها من على النار وبتضيفي الدقيق كله مرة واحدة ونقلب حتى يتماسك ويتجانس الخليط وترجعيه مرة تانية على النار لمدة دقيقة
* يتم التقليب حتى تصبح العجينة شبة الكرة ونضع العجينة في وعاء بلاستيك لحد ما تبرد ثم يضاف البيض واحدة واحدة والفانيليا مع اخر بيضة مع التقليب
* نضع العجينة لما تبرد في الكيس اللي بنشكل فيه الكريم شانتيه في صينية مدهونة زيت ودقيق اعملي كور من العجينة ودخليها الفرن لمدة من 20:30 دقيقة في منتصف الفرن – الرف الاوسط الي ان يحمر الوش وتبقي منتفخة قليلا بعدين بتطلعيها من الفرن وسيبيها لحد ما تبرد
* اضربي الكريمة مع لبن او ماء مثلج الي ان تغلظ ثم قومي بعمل الكريم كراميل على النار وسيبيها كام دقيقة تبرد وبعدين حطيها على الكريم شانتيه واضربيها بالمضرب لحد ما يبقى  لونها بيج حطي عليها النسكافيه واضربيها
* اما صوص الشيكولاتة فحطي كل مكوناته مع بعض على النار وقلبيها بعذ ذلك بنحضر قطعة بروفيترول وبنشقها من النص شوية  وبتحشيها بالكريمة ونغمسها في الصوص وتوضع في بولة التقديم
* لازم نخلي بالنا ان تكون البولات صغيرة وكل واحدة فيها 4 قطع ونحط الصوص على الوش ويتم تزيينها بالكريمة على شكل وردات او بالشيكولاتة البيضا بعدين بتحطيها تسقع شوية في التلاجة او الفريزر وتقدم “البولة الصغيرة تعطي حوالى 350 سعرا حراريا.

• aklat sahla
• اكلات رمضانية سهلة