ال 7 نصايح الفعاله اللى تخلى اى بنت تحبك لدرجة الجنون
.
.
1- • خليها دايما تحس انك تقيل•
لو سالتك ايه رايك فى الفستان الجديد بتاعى , بصلها بطرف عينك وكانك مكنتش اخد بالك منه وقولها مش بطال
.. ساعتها هى هتتجنن وهتفضل تفكر يا ترى عجبه ولا لا!! وبكده يبقى انت خليتها تفكر فيك
2- •خليك دايما فى عنيها الشاب صاحب المواقف اللذيذه•
اعزمها على العشاء وبعد ما تطلب من الجرسون الاكل اللى انت عاوزه لما يجى يسالها على طلباتها .. اقطع
كلامه بسرعه وقوله لا هى مش جعانه .. صدقنى هتلاقيها فى قمة السعاده وهى بتتفرج عليك وانت بتاكل
3- •من وقت للتانى اديها تذكار يفكرها بيك•
خدها معاك وانت بتلعب كوره والبس احلى تشيرت عندك وقضيها جرى لحد ما تعرق والتيشيرت يبقى ريحته تحفه,
وبعد الماتش اقلع التيشيرت وادهولها وبكده ريحتك دايما هتفكرها بيك
4- •البنات بتحب الشاب القوى•
من وقت للتانى وهى بتسلم عليك امسك اديها ودوس عليها جااااااااامد لحد ما تتفعص فى ايدك , ساعتها هى
هتعرف قد ايه انت خشن وهتموت فيك
5- •حسسها انك حنين عليها•
اتصل بيها بعد الساعه 2 بالليل وخليك وراها لحد ما ترد , وقولها انتى نايمه؟؟ لو قالتك اه قولها طيب انا
قلت اتطمن عليكى وبعدها بخمس دقايق اتصل بيها تانى ولما ترد قولها انتى لسه منمتيش السهر كده هيتعبك يا
حبيبتى
6- •البنت بتحب الشاب اللى بيضحكها•
هاتلها قطه جميله وياريت لو تكون شيراز وشعرها طويل , وخليها تلعب معاها وتطبطب عليها وفجاه اضرب القطه
بالشلوت بكل قوتك . البنات بيحبوا يضحكوا على شكل القطه وهى طايره .. نفسى اعرف السبب 😀
7- •خليها تغير عليك من وقت للتانى•
لو ضحكت على اى موضوع من قلبها قولها تعرفى ان ضحتك بتفكرنى ب مروه , هتقولك والله!!؟؟ اضحك
وقولها طريقتك وانتى بتسالينى دلوقتى كانى شايف رشا قدامى .. طبعا هى هتتعصب قولها ببرود مالك يا حبيبتى
