حقك علي ان كنت زعلان

حقك علي ان كنت زعلان .. يا بعد عمر وقلب غاليك
بارضيك مهما يكون يافلان .. حتى ولو راضي باراضيك

قلبي بك مولع وحيران .. محتار ما يدري بك اشفيك
ويقول لك انا كان غلطان .. ارضى عليه الله يخليك

عليك انا ياشوق ولهان .. دايم انا وقلبي في طاريك
جفني يمضي الليل سهران .. والعين يالغالي تناديك

انت وانا يالزين خلان .. واجب تداريني واداريك
ما نختلف لو كان ماكان .. ولاعاد تجفيني ولا اجفيك