1/ قالك جزائري بطال دخل لمقبره فاليابان لقي مكتوب على القبور زاد سنه 1910 توفى سنه 1970 و عاش 5 سنوات داخ و راح سقسي العساس قالوا كيفاة زاد ف1910 و ما ت ف1970 و عاش غير 5 سنين قالوا العساس 5 سنين يعني نهارات الخدمه الحياة عدنا هي الخدمه نتاعوا.
الجزائري خزر به و قالوا على حسابك حنا رانا ما زال ما زدناش
2/ قالك جزايرى قاعد مع واحد ما ريكانى فقهوه و حاطين زوج قهاوى المريكانى حب يستهزي بالجزايرى و قالوا حاب نسقسيك و ش كاين بين الجزايرى و المريكاني.
الجزايرى خزر معاة و قالوا كاين طابلة
3/ قالك و حدالامير كان عندو فيل هذاك الفيل فسد الزرع نتع الفلاحين ديما يفسد و هما ما قدرو يقولوا و الوا للامير يخافوا منوا،
واحد النهار جا واحد كوراج ما يخافش قالهم انا نهدر مع الامير بصح بشرط تروحوا معايا و كى نبدا نهدر انا لازم تهدروا معايا قالولوا خلاص تفاهمنا.
كى دخلوا للامير و قف هذاك الكوراج هو اللول و الفلاحين موراه.
قالوا ياسيدى الامير الفيل نتاعك و سكت يستنني فالناس يهدروا زاد عاود قالوا يا سيدى الامير الفيل نتاعك و سكت الناس ما حبوش يهدرو شاف معاة الامير و قالوا اهدر و ش بية الفيل نتاعى .
قالوا يا سيدى الامير الفيل نتاعك لازمتلو فيلة
4/ قالك واحد حياتوا كامل و هو ياكل فاللوبيا و كى يجى ياكل ما يقولش بسم الله الشيطان ياكل معاة واحد النهار جاء راح يبدا الماكله خرجلوا الشيطان و قالوا يا صاحبى نتا قع ما تقولش بسم الله
5/ قالك الطبيب دخل لغرفه نتع مجانين لقي واحد يضرب فراسوا ببليغه سقسي الفرمليه و ش بيها قاتلوا ذلك كان يحب و حده و متزوجهاش خرجو و دخلوا فغرفه و حد ثانية لقي واحد يخبط فراسوا على الحيط قالها و ذلك و ش بية قاتلوا ذلك الي تزوج بالمرا الي كان يحبها لخر
6/ قالك جماعة زاطلين قاعدين تحت باطيمه يتكيفوا خلاصلهم الزلميط بعثوا واحد يجيب دار على الباطيمه و رجع لصحابوا و قالهم ياجماعة ما عندكمش زالميط قالولوا اقعد رانا بعثنا واحد يجيب.
7/ قالك مره واحد ديما تسقسية صاحبتو: و اش تغديت? يقولها: لوبيا .
ديما هكا .
واحد النهار قالوا صاحبوا: اكذب شوى قولها تغديت شواء .
كليت كفته .
تغديت بيتزا …..
ايا هذاك خدمتلوا قال و الله عندو الحق .
الغدوي هذيك سقساتوا صاحبتوا: و اش تغديت ? قالها :بيتزا قاللتلوا :واش مليحه (بنينة)? قالها : و الله كليت 2 مغارف شبعت
8/ قالكم كاين واحد عندو الغنم بزاف بزاف بصح ما يصليش واحد المرة جاة الامام تاع المنطقة نتاعو و قالوا انت لوكان تزيد تصلى الغنم نتاعك يوليو الضعف ما لا هذاك السيد داة الطمع و عاد يصلى باة يزيد العدد نتاع الغنم و جميع مره يصلى يموتلوا 4ولا5والسيد صابر يقول ضرك يزيدو ضرك يزيدو حتي بقي لية كبش واحد فات عليه و الكبش يقول بع بع بع بع بع بع بع ما حبش يسكت دار عندو السيد و قالوا :بلع على فمك تزيد تهدر نصلى عليك 2 ركعات نجيبك ميت
9/قالك مره فصبيطار ديما يوكلوهم عدس خطره هدر و حد لمريض للطبيب قالو:نوعولنا شويا هاسيدى رانا راح نوليو عدس قالو الطبيب :العدس مليح به فيتامين حديد قالو لمريض:اى عنها صاحبى دارولو عملية جراحيه خرجولو من كرشو ما رطو و بلون
9- مره امرأة طلقت شعرها…هرب
