ليك اي هالقارئ..انني حاولت بكتابة الروايات ولكني لم انجح..ولكن لعلي هالمرة انجح…فهل من قارئ ومشجع…
تناثرت الرياح مع قسوة الزمن…واشتعلت النار في القلوب…ومضى على الزمن كثير والقلوب قاسية مثل الحجر…و روايتنا تتحدث.. عن بنت لم ترى امها..ماتت امها وهي صغيرة.. فتربت في حضن زوجة ابيها مع ابيها.. قسا الزمن على ( ريم)
فلنتكلم عن شخصيات الرواية…
بو محمد: والد ريم… حالته المادية وسط.. بس انسان يحب الخير ويخاف على زوجته واولاده…
ام محمد: ماتت عند ولادتها ب ريم.. و ريم ماشافتها….
محمد: اكبر من ريم ب 3 سنوات. ماتت امه وعمره 3 سنوات..في الجامعة سنة ثالثة.. متخصص حاسب الي…
ريم: في ثالث ثانوي… انسانة طيبة وحنونة وجميلة وناعمة.. وشاطرة وذكية … ومتواضعة…(بطلة الرواية)
ام مشعل: زوجة ابو محمد…انسانة مغرورة وعصبية وحقودة… ماتحب محمد و ريم… همها نفسها وعيالها بس…
مشعل: انسان مو فالح بشي.. لا بدراسة ولا بالحياة طلع من الثانوي.. 24 ساعة بالديوانية مع اصحابه
سارة: عمرها 25 سنة متخرجة وتشتغل معلمة ابتدائي… وطيبة وعندها ولد اسمه نواف(يجنن ياحلاته)… تحب ريم … موت وتحب محمد..
نجود: ب ثالث متوسط… تكره ريم ومحمد.. وشايفة نفسها على امها…مو فالحة بشي… همها النت والنوم..
______
الجزء الاول
في بيت ابو محمد في الصباح على الفطور
نزلت ريم والكل جالس على الطاولة يفطر ابوها وزوجة ابوها ومشعل ونجود ومحمد…
ريم: صباح الخير…
ابو محمد: صباح النور و الورد والياسمين..
ام مشعل.(بدون نفس): صباح النور..
محمد: صباح النور والياسمين والمسك والعود..
ابو محمد: يلا جلسي يابنتي افطري معانا…
ريم: ان شاء الله يبه..
ابو محمد: ياام مشعل صبي صبي لها شاهي..
ام مشعل: طيب…
نجود: من هي ؟؟؟ تصب لها امي شاهي…
ابو محمد: نجوووود وجع … اشوف لسانك صاير طويل يبي له قص…
نجود: ليش امي تصب لها شاهي؟؟؟
ابو محمد: ترفعين صوتك على ابوك ياقليلة الادب..
نجود: اوووووووووووووه يبه… روح مناك…
قامت نجود من الكرسي… وبتطلع.. بتروح المدرسة…
ابو محمد: نجووووووووود صعدي فوق ولا تطلعين من البيت من اليوم ورايح…
نجود…..مشت وبتطلع..مسكها ابو محمد.. وسحبها وضربها..وهي تصرخ … ااااااااااه حرام يبه حرام….
مشعل ومحمد يهدونه.. وريم تبكي تبكي.. وام مشعل مقهورة في ريم.. تقول لها بصوت واطي : كل منك كل منك انت ام مشاكل..
ابو محمد صعدها فوق في الدار.. وقفل عليها واخذ المفتاح.. وسحب الموبايل واخذ اللاب توب…
ريم: يبه حرام عليك.. ماعليك منها هي بعدها صغيرة…
ابو محمد: لا لازم تتادب….وتحترم نفسها..وما اكون بو محمد اذا ماربيتها؟؟
محمد: ريم يلا اوصلك المدرسة…
ريم: طيب….ان شاء الله
محمد و ريم ركبوا السيارة…
محمد: تستاهل نجود.. لسانها طويل يبي لها قص…
ريم: لا والله حرام..مسكينة…
محمد: انت المسكينة ولا هي؟؟؟
ريم: لا بس.. شنو …….
محمد: وشفيك؟؟؟ تلخبطين الكلام.. لانك تدرين ان الحق معاك وهي الغلطانة…
ريم: الله يسامحها…
محمد: مااقول الا انك ام قلب طيب ولا تدرين عن شي..
ريم: مادامك تدري اني قلبي طيب.. ليش تناقشني بالموضوع؟؟؟
محمد: ياسلام ياام قلب طيب..
ريم: اقول اقول سوق سوق وانت ساكت..
محمد: حاضر عمتي ريم…
وصلت المدرسة ونزلت….
محمد: بااااي يا عمتي ريم….
ريم: هههههه باي
دخلت المدرسة…. وسلمت على صديقاتها وجلست على كرسيها …
رفيجتها الغالية… ( عهود )….
عهود: ريوووم … عسى ماشر وش فيك؟؟؟
ريم: لا مافيني شي سلامتك..
عهود: افففا ريم تخبين علي…
ريم: عهود قلت لك مافيني شي..
عهود: ريم حبيبتي لاتزعليني ..
ريم: كالعادة ام لسان طويل نجود… تهاوشت معاها لا وهالمرة طولت لسانها على ابوي…
عهود: صج؟؟؟
ريم: ايه… نزلت وهم يفطرون… جلست وابوي قال لام مشعل صبي ل ريم شاهي…
ونجود.. قالت من هي .. امي تصب لها شاهي.. وطولت لسانها وابوي طقها..
عهود: تستاهل.. تكفين لاتقولين ماتستاهل..كل الي تسويه فيش اهي وامها ماتستاهل…
ريم: اااااه اااه ياعهود.. طفشت من هالحياة…
عهود: تعوذي من ابليس وهدي نفسك..
ريم: اعوذ بالله من الشيطان الرجيم…
عهود: اليوم اول يوم وماراح يعطونا شي.. قومي نطلع مع البنات … في الحديقة..
ريم: لا عهود طلعي انتي مالي خلق شي…
عهود: طيب بخليك شوي تهدئي وبرجع .. طيب؟؟
ريم: طيب
ريم جلست تفكر في اشياء … تفكر في امها الي ماشافتها.. تقول لو امي عايشة بيصير فيني جذي…والله تعبت خلاص… بس شنو اسوي.. يمه ليش تركتيني
حطت راسها على الطاولة وجلست تبكي..وتذكر امها..هي ماشافتها بس عندها صور لها…خلاص انا تعبت تعبت…ياارب ارحمني ارحمني
البنات دخلوا عندها كلهم رفيجاتها…(عهود_ندى_شذى_امل_جوري)
عهود: ريووووووووم حنا جينا عندك(بصوت عالي)
ندى: ريوووووووووووم…..
شذى: ريمووووووووووو
امل: ريمووووووو وينك؟؟؟
جوري: ريمووووو ياهلا…
عهود: يابنات اسكتوا .. بصوت خفيف(الظاهر انها تبكي)
ندى: شنو؟؟؟؟؟
ريم: يابنات اتركوني شوي بحالي…..
عهود: ريم قومي معاي… نروح مكان بعيد لايتجمعون البنات…
ريم: خلوني بحالي ….
طلعوا البنات وخلوها بالصف..بحالها..وجلست تبكي تبكي لنهاية الدوام….
على نهاية الدوام وكل بنت تنتظر ابوها او اخوها او سواقها…ريم تاخر عليها محمد..لان سواقهم في اجازة….
ف نادتها عهود..:ريم امشي معاي اوصلك…
ريم: لا الحين بيجي محمد ….
عهود: ريم امشي معاي ولا تنتظرين بهالشمس والجو الحار…
ريم: لا ماعليش الحين بيجي..مابيتاخر
عهود: ماراح اتركك امشي معاي….
ريم: طيب…
عهود: موبايلي بالسيارة كلميه وقولي له لايجيك خلاص باوصلك…
ريم: طيب…
ركبت السيارة وهي حزينة مضايقة….
عهود: ريوووم حبيبتي وشفيك؟؟؟؟ انا رفجيتك الغالية…عهوده…
ريم: ياعهود اقولك تعبت من هالحياة…. بكيت .. لانو…… لانو…تذكرت امي..
عهود: الله يرحمها..ويغمد روحها الجنة يارب…
ريم: اااامين…
وصلوا بيت ريم ونزلت ريم…… شافها محمد…
محمد: والله نسيتك كنت الحين بروح اجيبك
ريم: لا عادي جابتني رفيجتي عهود معاها…
محمد: طيب…
ريم: عن اذنك بدخل..
محمد: اذنك معك..
دخلت والا ام مشعل في وجه ريم..
ام مشعل: ها ليش متاخرة؟؟؟؟ وش صار؟؟ من جابك ؟؟؟ حبيبك ولا واحد من الشارع…
ريم: ام مشعل عن الغلط…. هاذي رفيجتي عهود… مع سواقها…
ام مشعل: انا غلط عليك..
ريم: ماقلتي حبيبك ولا واحد من الشارع…
ام مشعل: ايه يجوز وليش لا..
ريم: ماكفاك الا سوته الصبح بنتك….
ام مشعل: اي بنت مو غلطانة ليش منو انتي ام مشعل تصب لك شاهي…
ريم: ياصبر ايوب على بلواه..
ام مشعل: انا بلوى…
ريم: يااااااربي رحمتك…
صعدت ريم وتركتها….
ام مشعل: هي انتي هي….. انا ام مشعل اكلمك وتصعدين هين يا ام السعف والليف.. هين
صعدت وراها ام مشعل وسحبتها من شعرها…..ونزلتها..وتتوقعون وش صار؟؟؟؟؟؟
- الد ينك عمتي
- رواية ضربها بقسوة
