طريقة عمل بغاشه

طريقة عمل البغاشه

ازيكم يا قمرات
عملت انهارده بغاشه بس ايه بقى حكايه

مش مكلفه خالص

وسهله وخفيفه ولذيذه

تعالوا نشوف المقادير :

2 كوب دقيق
بيضه واحده
نص كوب زيت
فانيليا
ماء للعجن
شربات نسقى بيه البغاشه

الطريقه :

. نعجن المقادير كلها مع بعض ونضيف المايه واحده واحده حتى تتكون عجينه لينه ناعمه سهلة التشكيل
. نغطيها بكيس نايلون وندخلها التلاجه لمدة ساعه
. نطلعها من التلاجه نفردها ونمسح وشها بحته سمنه ونلفها رول وندخلها التلاجه تانى لمدة ساعه ونعمل كده كمان اربع مرات
. وفى اخر مره نطلعها ونقسمها كور صغيره ونفردها ونقطعها مربعات او دواير اى شكل احنا عاوزينه ونحمرها فى زيت ساخن جدا ولما تحمر نسقيها بالشربات

تعالوا بقه نشوف الصور