شرح حذاء كروشية للاطفال
الغرز لي راح استخدمها في الشغل
كل غرزة وطريقتها ورمزها موجود
في الصور
اولا راح ابدى بعدد من غرز السلسله
عددها يختلف اذا تبغيه كبير ممكن يوصل ل25س
الصغير 10س او 12س او 15س
يعتمد على سمك الخيط ومقاس السناره
انا بدين بعدد 12س+3س ارتفاع العمود
في الغرزة رقم 12
او رابع غرزه بعد ل3س الزايده
اشتغل عمودين مع بعض تزايد
بعدين اكمل في كل س عمود
لين اوصل لاول س
اشتغل فيها 5 اعمد مع بعض
بعدين اشد الخيطوالف الشغل
واستغل فوق عمود عمود
ول س لي اشتغلت فيها اول الشغل عمودين
اشتغل فيها بعد عمودين ب 3س راح يصير المجموع 5اعمده
يعني ال12 س
من الجهتين راح يكون فيها 5س
حتى نحصل على شكل بيضاوي
هني نسكر السطر بغرزة منزلقه في العمود المكون من 3س
وارتفع بعد 3س لسطر الثاني
هني اشتغل بعد عمودين مع هذا العمود المكون من 3س
وفوق العمود لي جنبه اشتغل بعد عمودين
بعدين اكمل فوق كل عمود عمود
لين اوصل ل5 اعمدة لي اشتغلتهم مع بعض
اول واحد منهم اشتغل فوقه عمودين والثاني بعد اشتغل فوقه عمودين
الثالث اشتغل فوقه 3عموده
بعدين اكمل الشغل عادي كل عمود فوقه عمود
لين اوصل لثاني عمود من ال5عمدة لي مع بعض
اشتغل فوقه عمودين
يعني هذي الجهه استغل فوق الثاني عمودين والثالث 3اعمدة والرابع عمودين
هني جهة الكعب
وهني لاحد يغلط ويشتغل فوق غرزة المنزلقه شي
ولا راح يزيد عندكم الشغل ويختلط عليكم العدد
راح نشتغل منزلقه ونرتفع 3س لسطر الثالث
وهني راح يبين في الصورة وين لاصابع وين الكعب
في السطر الثالث اشتغل فوق كل عمود عمود لين اوصل
لاول تزويد حهة لاصابع
اشتغل عليه تزودي
بعدين عمود بعدين تزويدوهكذا
لين اخر تزودي في السطر السابق
بعدين اكمل السطر فوق كل عمود عمود
وهني توضيح اكثر
هني لاحضو انا جهة لاصابع بعد اشتغلنا تزودي
لكن جهة الكعب مااشتغلنا تزويد في هذا السطر
السطر الرابع كله عواميد فقط
يعني كل عمود فوقه عمودوبتلاحضو كيف انو
بان الشكل وصار ارتفاع للحذاء
هني ممكن اكرر السطر هذا مرتين و3لو كان مقاس كبير
بس هذا صغير والخيط متين فشتغلته مرة وحده
اكرر
لاتغلطو وتشتغلو في غرزة المنزلقه شي
في السطر الخامس
برتفع 3س وكل عمود فوقه عمدو
لكن احدد وين نص الحذاء من عند لاصابع
قبل النص ب7 عواميد
يعني في العمود ال7 قبل النص
اشتغل تنقيص
والغرزة لي قبل النص
وال2لي بعدها ثلاثتهم مع بعض تنقيص
بعدين اكرر تنقيص كل عمودين مع بعض 3مراث
واكمل باقي السطر عادي كل عمود فوقه عمود
السطر لاخير
اقدر اشتغله عواميد عادي في بدايته بس عندي حركه اسويها
من بعد ما شفت انو لو اشتغلته عواميد عادي بنسبه لصغار
يصير ارتفاع الحذاء من جهة الكعب مو حلو كبير
والحركه هي
انو ابدى السطر بارتفاع 1س
اشتغل غرزة حشوفوق كل عمود
لين اقرب لجهةلاصابع قبل التنقيص لي في السطر السابق
ب6غ
اشتغل نص عمود بعدين عمود وعمود
هني موضح بالرموز
قبل التنقيص السابق ب2عمود هني اشتغل تنقيص عمودين
ومرة ثانيه تنقيص عمودين
بعين تنقيص 3 اعمده وارجع اكرر تنقيص عمودين مرتين
وبكذا خلصنا الحذاء
ممكن تركبو استيك من جهة الكعب بالمكينه من داخل
او تركبو شريط ستان
اوتشتغلو عدد سلاسل من نفس الخيط
وزينوه مثل ما تحبو
- طريقة عمل حذاء اطفال كروشيه
