موضوعي اليوم راح يشمل كيكه التمر الي ماتقاوم كل من ذاقها اخذ طريقتها وانا شخصيا من اول ما ذقتها اخذت الطريقه من صحبتي ربي يحفضها جدا المقادير سهله وكمان فيه طريقه انا اخترعتها وجربتها <<<ممكن احد سواها قبل بس مدري جت ف بالي وسويتها وضبطت واعتمدتها راح تشوفوا وكل بالصور وكمان عشان تطلع لكم نتيجه سهلت لكم الموضوع وخليته ع اقسام عشان لما تشتغلي ما تتلخبطي مثلا خفقتي البيض والسكر نسيتي النخل ززي كككدا
ادري طولت علييييكم يلا نبدا
المقادير:
كاس دقيق
رشه فانيليا
ملعقه كبيره بس مو جبل مره تعبيها قرفه
ربع كاس زيت
2 حبة بيض
كاس تمر منزوع النووى
2 فنجان سكر
ملعقه باكينج باودرbp
نببببدا
اول خطوه ::
انخلي كاس الدقيق وملعقه الباكينغ باودر
وممكن انك تجيبي زي ما انا مسويه قصدير وانخلي فوقه او ورقه زبده او اي شي يريحك بس احس انو انخل على قصدير او ورق زبده اسههل
خلصنا المرحله الاولى نخليي المنخول على جنب ونجي للتمر
اول شي جيبي تمر وحطيه في صحن وجيبي صحن ثاني وحطي دقيق بس شويه
خذي تمره وحطيها ف الدقيق وبعدها تخلصي من الفايض
وبعدين اقطعيها وراح تكوني متحكمه فيها لانو الدقيق خلاها متماسكه فتقدري دون ماتنحاسي وتعلق التمره في السكين وككذا احس سهلتلي اكثر وبرضو كمان لما اضيفها ع الخليط تكون متفرقه عشان لما تنخبز تكون على اماكن متفرقه وماتتكتل
