شمس المحبة
حيها شمس المحبة لين اشرقت بين الحضور
. . . . . . . . . . . . . . ضيعت كل العذارى واخلفت انظارها
حيها بنت الكرم بنت البيارق والسيوف
. . . . . . . . . . . . . . شمعة الجلاس ماحلا وهجها وانوارها
وحيوا امها وخلوها لعيون بنتها تشوف
. . . . . . . . . . . . . . خلوها تشوف السعاده بعيون بنتها
(نوره ) يا بنت ( عبدالله) فيك تهيج الوصوف
. . . . . . . . . . . . . . وتنتشي دار الاماني وتدندن اوتارها
وانزلي البسمة على صوت المعازيف والفوف
. . . . . . . . . . . . . . واشعلي ليل السعادة واشعلي سمارها
ناظري ( خالد ) ورد العين غيره ما تشوف
. . . . . . . . . . . . . . هو حبيب العمر وانتي دنيته وانوارها
بالوسامة والشهامة والمواجيب معروف
. . . . . . . . . . . . . . من سليل رجال عالي مقدارها
(الفلان) و ( و الفلان ) بوصافهم تعجز حروف
. . . . . . . . . . . . . . شيوخا واعمالهم الزينه منشوده اخبارها
شمس الربيع
اقبل الصبح يتبسم في يدينه وردتين
. . . . . . . . . . واسفرت شمس الربيع وسلهمت بعيونها
وابتداء يوم جديد يرسم اجمل كلمتين
. . . . . . . . . . وغردت كل الطيور وشجعت بالحونها
وزغرد القمري لحونه والطيور مزغردين
. . . . . . . . . . وامتزج حلو المشاعر وابتسم بجفونها
في ( ) الزين كله كاسين هاك الجبين
. . . . . . . . . . والورود النرجسية لونها من لونها
والوشاح اللي زهاها فوق المتن واليدين
. . . . . . . . . . يفخر في ( ) ويضفي بالعطور اردونها
نورت بالحفل ( ) من ثغرها بسمتين
. . . . . . . . . . بسمة ( ) وبسمة لمنهم يحيونها
وفاحت انسام الهنا من زهور االياسمين
. . . . . . . . . . واختلط حب وعطور وبينت مكنونها
ياغلا ( ) نوره يالدر الثمين
. . . . . . . . . . فيك اجمل امنياتها بالوفاء يصونها
المروة من صفاته والكرم في كل حين
. . . . . . . . . . والمراجل ( ) ما قصر من دونها
وافيا ابن الكرام طيب نعم اليمين
. . . . . . . . . . الشهامة والشجاعة مدرك مضمونها
ياليالي تغني خلي الفرحة تبين
. . . . . . . . . . وارمي الطرحة وزيدي فرحتك مفتونها
محلاك ياليل
محلاك يا ليل جمع كل الاحباب
. . . . . . . . . . . . . (هو ) زاين جمالة نهاره
ليلة عمر وفيها الفرح ينساب
. . . . . . . . . . . . .( هو ) زينها وزانت ( هو ) نور دارها
غنوا معي في فرح ذيك الانساب
. . . . . . . . . . . . .( هو ) اللي دائما في الصداره
وهنوا قمرنا كان نور القمر غاب
. . . . . . . . . . . . .( هي ) شريكة حياته واختياره
تستاهله يوم الهوى شرح الباب
. . . . . . . . . . . . .وتستاهل اللي نالها في جداره
غنوا معي بافراحنا والهنا طاب
. . . . . . . . . . . . .الفرح غالي والمحبه شعاره
( هي ) زادت بحسن واعجاب
. . . . . . . . . . . . .صارت هي الكوكب وحنا مداره
طل الفرح
طل الفرح مع طلت اجمل عروسين
. . . . . . . . . . . . . وتكحلت بشوفهم كل الاعيان
يوم التقوا وتلاقت العين بالعين
. . . . . . . . . . . . . ( هو ) و ( هي ) نورهم بالسما بان
النور كله واحد من هالاثنين
. . . . . . . . . . . . . اذا بعد ويبعد واذا بينوا بان
والملح فيهم غار واجد من الزين
. . . . . . . . . . . . . والشان نفسه يفتخر انهم شان
( هو ) والطيبة مع بعض راضين
. . . . . . . . . . . . . هم والشهامة تقدر تقول خلان
يعجبك في الشدة ويعجبك في اللين
. . . . . . . . . . . . . وفي الحالتين تشوف به اجمل انسان
من قال ( هي) مثل باقي المزايين
. . . . . . . . . . . . . ياشيخ ( هي ) هي والحلا مثل الاخوان
( هي ) عزيزة من رجال عزيزين
. . . . . . . . . . . . . مصيونة واللي مثل ( هي ) ينصان
يغار الورد
( هو ) يقول ياعمري وحالي
. . . . . . . . . . . . اضحكي تضحك لنا كل الليالي
غاليا كفه مسك بكف غالي
. . . . . . . . . . . . مع (هو) و(هي) الفرحة كبيرة
ليلة ما هي تشبه كل الليالي
. . . . . . . . . . . .من الصوت فيها من يشيله
الغلى والحب له قصه طويله
. . . . . . . . . . . .مع (هو) و (هي) الفرحة كبيره
( هي ) اجمل من حكى الليلة عنها
. . . . . . . . . . . .هي عروستنا يغار الورد منها
اغنيها يعجبني الليلة لحنها
. . . . . . . . . . . .مع (هو ) و ( هي ) الفرحه كبيره
بنت ناس ترفع الهامه باسمهم
. . . . . . . . . . . . يتعب التاريخ لو مهما كتبهم
هو ( هو ) بها لعالم عجبهم
. . . . . . . . . . . . مع (هو ) و ( هي ) الفرحه كبيره
اقبلت
اقبلت تمشي ومشيتها كنه الخيل …
ترفل وابوها بالمعزه حماها
مثل المطر شفافة كنها سهيل …
او وجنة القمرا بعالي سماها
مزيونة فيها النواعس مظاليل …
كن الليالي ماخذه من مساها
شفافة الخدين في غنجها تميل …
كن النسايم ميلتها معاها
وجناتها تشبه ورود الاكاليل …
ورده نديه والبنفسج شذاها
دانه ثمينه ما لها من مواصيل …
تسبي العقول ونايف مستواها
الله الله يا سلام
الله الله ياسلام سبحان رب العالمين هاذا هو بدر التمام هللوا يالحاظرين
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
اشرق بنور القمر نظرة اعيونه هلاك هو بشر ولا سحب اقبل بصورة ملاك
اقبل بروعه وجمال مثل نسناس الربيع عليه لايق الدلال بشهادته الجميع
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
افرشوا دربه حرير وانثروا فوق الورود اقبل بحسنه المثير ممتزج عطره بعود
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
ياحلاته لي مشى بالهدا يمشي بسكون مثل ظبي او رشا كامل بزينه فتون
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
اقبلت
اقبلت ياقبلت الله في حلاها *** شمعة الدنيا ضوت ليل العمر
اقبلت والكل يمشي من وراها ***وغتنا من زينها ليل السهر
هي صبا شمسا تعلت في سماها *** هي ملاذ الارض في وقت السحر
من شذاها تاخذ الدنيا شذاها *** لا دخون ولا عبير ولا عطر
ياهنيك فزت والله بغلاها *** فزت باللي نورها شمس وقمر
الخزاما والنفل ريح لهواها *** لامشت ريح البسيطه ينتثر
رب هو اللي وهبها ثم عطاها*** في حلاها وزانها باحلى الصور
عاديه في زينها وفي مستواها*** ماتشوف في زينها بين البشر
كل الزين
اشرقت بالنور مابين الحضور
…………………….كنها شمس وكواكب بينها
من كثر ماربنا واهبها نور
…………………….يذكر الله من يناظر زينها
الله اكبر ماعلى مييثه قصور
………………….كيف ولا والحسن كله يزينها
فيها كل الزين واحساس وشعور
…………………….كم تنمى الورد لمس ايدينها
يوم زفوها على نسل الصقور
……………………..طرزت الافراح كل اسنينها
والنجوم اتزف افراح وزهور
…………………………والهنا اقبل تعنى لعينها
حورية
ياحسنها من ليلة جميله غنت بها واتبسمت الالحااني
فيها بدت عروسنا المينونه بنت الحسب بنت النسب والشاني
عروسنا كل الضيا يكسيها حتى القمر في قربها مايبالي
لما بدت هلت بدر ضياها حورية فيها الحسن رباني
الله يانور تجلا في الظلام مقبل يمشي بها القد الحسين
مادري هاذا الصبح او بدر التمام ولا ربي جامع بين الثنين
هاذي من فيها الدجا والبدر هام شعر من ليل ووجه من لجين
شمس الاقبالي
نورت ياحلاها شمس الاقبالي
………………………….والعذرا شموع من حواليها
فز قلبي وانشرح بالي
…………………….يوم شفت الحسن والزين كاسيها
عروستنا دانة انواراها تلالي
………………………تبهر العين من زود الحلا فيها
يابعد عيني يوم شفتها قبالي
……………………….صاح قلبي على الشوق يناديها
يعلم الله حبها في قلبي غالي
……………………….اغلا عندي ومن الدنيا ومافيها ..
ياناس
ياناس صلوا عالنبى ذكرى النبى فايقاها ..للهم صلى و سلم على محمد …
ياناس شوفوا حسنها النور منها وقولها ..لا اله الا لله قولوا ..
الليل ساكن شعرها و الكحل اصلا رموشها الا اله الا لله …
اعيونها اعيون المها و احلى الورد فخدها لا اله الا لله …
اسمر على ابيض لونها سبحان ربى زانها لا اله الا لله …
الف الصلاه على النبى ..لا اله الا لله و عليك سعيد و عليك ابمبارك ..
و الفرح فيكم تبارك ..عروسنا و عريسنا كملوا نور السنه ..عريسنا زين الرجال و عروسنا كل الدلال
..الا اله الا لله ..كملوا نص دينهم سبحان جامع شملهم ..دعيت ربى العالمين يصونهم من الحاسدين
اقبلت
اقبلت حنان مثل البشارة في طرف ليل جلب نورة باثرها
كل نجم من ضياها شب نارة ولا سهر معنا القمر ليلة سهرها
عطرها زف الخبر قبل انتشاره وفلت حجاج المسا طلعت قمرها
دربي امست فرحته ليلة نهارة تنشد غيوم النواظر عن مطرها
***
ما سمح طرفي لحملة بانحدارة كل عبرة لاول الفرقا ذخرها
فرحة اكبر منتصر وقت انتصارة طلت الوجه الطفولي تختصرها
***
جاد لي تشريفها طال انتظارة فكري وعيني وخفاقي ديارها
جت تهاذا تارة وتختال تارة والدلال ذنوب والعشق يغفرها
***
جت تبي من الشمس ليديها سوارة ومن نجوم الليل عقد في نحرها
جت لسان غرورها ينشد عبارة هي درت تسع الكواكب عن خبرها
***
جت ملاك كلها عشق وطهارة جت عنود لفت الراس تعسرعا
حفلة يدي مصافحتها في حرارة وعيدها لاجات تسبح في شعرها
***
بنت بدو دللوها في الحضارة سالفة عربانها من اول شهرها
كم طلب يدها و لا ظن الخسارة طيب يزداد في رفضة فخرها
***
لين روح تفرك يمينة يسارة منوتة لو هو ولد عم وحجرها
ما تبي الا الي عصمته باختيارة ساق شبكتها الغلا وقلبة مهرها
***
وايش علية ان سولفت عنه بغزارة بين غيدن صانها الرب وسترها
وايش علية ان خاطت الجرح بمهارة اذكر انه يوم ميلادة شكرها
***
كنت الم الشوق ويزيد انتثارة كنت اسولف واحسب اني منتظرها
ماكرهتك يا الصبر لولا المرارة ماعرفتك يا لضما لولا ثغرها
***
ما حملتك يا الهوا لولا الشطارة ما عشقت الغرق لولا نظرها
قلت اببحر والغلا اسباب الجسارة احرجتني غرس اغرقني بحرها
***
دونها جفن يغير دونها غارة ما سلمت من السيوف الي شهرها
ليتها تاخذ وفا شيخ الزيارة كم لفاني ماخذ منها صورها
***
بح صوت الوجد ما خلصت ثارة وسبحت اشواقي نثرها اللي نثرها
يوم جا للبان وقفه واستدارة راحت اتجر اسود الليل بسفرها
***
وادعت درب توعد به سماره وغض خافقي مع غضت بصرها
ما عذرها خاطري وقت انكسارة عذرها ان اللي سرا معها عذرها
شيخة الحفل
جت تمشي شيخة الحفل شحلاها = جت تمشي لعرشها مثل الاميره
الارض زانت يوم داستها خطاها = وفي خطاها كالظبي لحظة مسيره
الخجل كل الخجل والله احتواها = بنت ابوها شيخة في كل ديره
هذي عروسنا الزين كله اكتساها = بنت ابوها مابها حسد وغيره
القمر من زينها يطلب رضاها = ومن نفسها الورد هو ماخذ عبيره
من حلاها الكل يحلم في هواها = وكل عين لعينها صارت اسيره
عروسنا شمعه ومنور والله ضواها = عروسنا مهره ومابعد عسفت صغيره
فيها خصر ناحل زاد بحلاها = وفيها عيون واسعات ومستديره
ومعرسنا له اليوم موعد في لقاها = معرسنا فاز بقربها دون غيره
وصلوا على محمد في منتهاها = محمد رسول الله صلاة كثيره
ياعروسه
اطفوا انوار الصاله الليلة عشان
………………………………….تشرق الشمس بعيون الحاضرين
حيوا احلى طله بهذا الزمان
………………………………….حيوا احلى عيون واحلى حاجبين
نوري الصالة واضوي هالمكان
………………………………….ياعروسة كل قلب وكل عين
هذي الليله يفوح الزعفران
……………………………….هذي الليله نشم الياسمين
هذي ليلة عمر ” اسم العروس ” من زمان
……………………………..تنتظر هالليله هذي من سنين
جيت باكر من محاسنها ثمان
……………………………….شعر وطول يغري العاشقين
والرموش السود وعذوبة لسان
…………………………….والبيلض الى يشع بهاليدين
وخصرها كنه غصون الخيزران
……………………………لاتمايل كل خلق الله تميل
ياعروسة هالزمان وكل زمان
………………………………ياعروسة كل قلب وكل عين
- شمعة العروسة نديرها يوم الاحد
