كل شي عم بيخلص

كل شي عم يخلص – ماجدة الرومي

كل شي عم يخلص.. الحب والاحلام
كل شي عم يخلص.. الضجر والايام
الطريق عم يصغر.. ونحنا ع الطريق
رح تخلص المسافة والطريق
خذني حبيبي.. عجل خذني.. الدني عم بتغيب
دخيلك خذني ولا تضيعني بالليل الغريب
خذني حبيبي.. عجل خذني من قدام الباب
خبيني بقلبك.. لا تتركني وحدي بالضباب

كل شي عم يخلص.. السهر والاعياد
والسفر عم ينده.. بمطارح بعاد
الخريف عم يخلص.. ونحن بالخريف
والضبابة غطت الرصيف
خذني حبيبي.. عجل خذني..الدني عم بتغيب
دخيلك خذني ولا تضيعني بالليل الغريب
خذني حبيبي.. عجل خذني من قدام الباب
خبيني بقلبك.. لا تتركني وحدي بالضباب

كل شي عم يخلص.. وجوه الاصحاب
كل شي عم يخلص.. ضحكات الاحباب
والعيد رح يخلص.. وانا بهالعيد
وحدي ياحبيبي.. وانت بعيد
خذني حبيبي.. عجل خذني..الدني عم بتغيب
دخيلك خذني ولا تضيعني بالليل الغريب
خذني حبيبي.. عجل خذني..من قدام الباب
خبيني بقلبك.. لا تتركني وحدي بالضباب

غناء : ماجدة الرومي
اغنية : كل شي عم يخلص