مساء صباح الخير على احلى عرايس
اليوم جايبلكم طريقه كعكه طبقات القرفه الطعم يممم يمم
المقادير
مقادير الكيكه:
2كاسه طحين
كاسه زيت
كاسه وربع سكر
معلقه كبيره بكنج باودر
وملعقه كبيره فانيلا
2 بيض
كاسه ونص حليب سائل
طبعا المقادير الي بالصوره مقادير الكيكه والحشوه والكريمه
هلا بنخلط البيض مع السكر والزيت والفانيلا
لحتى تصير كثيفه
بعدين بنضيف كاسه حليب (انا في جميع انواع الحلويات بستخدم الحليب خالي الدسم وبيعطي نفس النتيجه وبتكون السعرارت الحراريه
طبعا اقل )
بعدين بنضيف البيكنج باودر والطحين
وبنخلطه لحتى يصير عنا قوامه بالهشكل
بندهن صينيه بزيت بعدين طحين طبعا بفضل بايركس علشان تقدري تشوفي سمك الطبقات انا ما عندي بايركس مستطيل فاستعملت تيفال
هلا بنحط طبقه من الخليط في الصينيه بس مايتجاوز ارتفاعه 1سم يعني نحاول يكون رقيق
وبندخلها فرن محمى مسبقا على نار متوسطه بتاخد تقريبا 10 دقايق طبعا بيختلف من فرن لاخر
في هاي الاتناء بنجهز مقادير الحشوة
معلقه كبيره نسكافية
معلقه كبيره كاكاو
معلقه كبيره قرفه مطحونه
معلقه كبيره سكر
وبنخلطهم جيدا
لما تستوي الطبقه الاولى الي بالفرن بنحمرها
وبنرجع نعمل كمان طبقه من الكيكه
وبعدين طبقه حشوه
وهيك لحتى نخلص الكميه
المهم الطبقه الاخيره بتكون كيكه
بنطلعها من الفرن وبنتركها شويه
بنعمل الطبقه الاخيره الكريمة
الي هي عباره عن علبة حليب مكثف و7حبات جبن كيري
بنحط الجبنه
وبنضيف الحليب
وبنخلطهم لنحصل على هالقوام
بنضعها كطبقه اخيرة
وبندخلها التلاجه لحتى تجمد
بنزينها يشوكلاته سائله
وهي الشكل النهائي
