المقادير 
نص كيلو لحم مفروم
بصلة مفرومة
صلصة بيتزا او معجون طماطم
بهارات – ملح
بطاطس مسلوق (الكمية حسب الرغبة) + شويه حليب
بقدونس مفروم
3 اكواب حليب
3 ملاعق كبيرة دقيق
جبن موزاريلا او رومى
الطريقة
– نعمل اللحم المفروم بتحمير البصل ثم اضافة اللحم المفروم والبهارات مع تفتيته حتى ينضج وينشف.. يضاف الملح.
– نضيف قليلا من الصلصة الى اللحم، حتى يصبح لونه محمر.. (بس نغير لونه بدون اى سوائل فيه)
– نهرس البطاطس البطاطس مع الحليب والملح والبقدونس ونشكله كرات، عددها يكفي لتغطية الصينية.
– نعمل الباشاميل
الدقيق يحمر فى السمن و يصفر لونه بسيط و نضيف اللبن فيه مع التحريك المستمر ثم وضعه على النار وتحريكه حتى يغلظ لازم سميكه و متنسوش الملح و الفلف الابيض
– في صينية نضع اللحم المفروم ثم نصب الباشاميل فوقه، ثم نصف البطاطس فوق الباشاميل.
– نرش الجبن ثم ندخلها في الفرن..
اللحم المفروم بصلصه البيتزا
نضع طبقه البشاميل
كوري البطاطا و رصيها فوق البشاميل
و رشي فوقها الجبن الرومى او الموتزاريلا
وهذا الشكل النهائى
=========================
ثوم طازج
جبنة موزاريلا مبشورة
جبنه رومي او بارميجانو مبشورة
زيت زيتون
زبده
مكرونه اقلام زي اللي في الصوره
وطبعا ملح وفلفلالكميات انتي اللي هاتحديدها علي اد ما تحبي
اول حاجه نسلق المكرونه في ماء مغلي عليه ملح وفلفل
نصفيها ونشطفها بماء جاري
وماتنسوش تحطوا شوية من زيت الزيتون في مية السلق عشان
المكرونه ما تلزقش في بعضها
في طاسه مناسبه نضيف اللحم المفروم ونقلبه دقيقتين علي النار مع الثوم المفروم
وملح وفلفل وملعقتين زيت زيتون
ونقلب لحد ما ياخد اللون البني
بعد كده نضيف الطماطم ونقلب كويس ونسيبها تتسبك علي النار حوالي 20 دقيقه
لحد ما قوامها يتخن
في الوقت ده نبدا نقلب المكرونه مع الجبنه الرومي المبشوره ومللعقتين زيده سايحه
ونرصها بالشكل ده في صينيه جوانبها ممكن تتفك
وطبعا ما ننساش ندهن الصينيه بالزبده الاول ونرش القاعده بالبقسماط
الناعم عشان تطلع بسهوله
بعد ما اللحمه تتسبك نبدا نرشها علي وحدات المكرونه ونحاول نحشي
كل واحده باللحمه كويس اوي
واوعوا تسيبوا حاجه فاضيه عشان ده هاياثر علي الشكل النهائي
زي ما حصل معايا
في الاخر خالص نحط الجبنه الموزاريلا علي الوش
بعد ما نرش الجبنه علي الوش
ندخلها الفرن اللي بنكون مسخنينهم قبل كده
نسيبها حوالي 10 او 15 دقيقه لح ما الجبنه تسيح و وشها يحمر
نفك جوانب الصينيه ونقدمها ساخنه وممكن لو فيه صوص لحمه متبقي يتحط جمبها
دا شكلها من فوق
ومن الجمب
ملحوظه : شوفوا الاتنين الفاضيين دول الجبنه نزلت تحت لانهم ما كانوش محشيين كويس
عشان كده راعوا انكوا تحشوها كلها كويس
هانحتاج الاتي :
- طبخات باللحمة المفرومة
