وبركاته
فتوكاتى حبايبى وحشتووووووووووووونى
مرة كدة كنت فى العابد اللى على طريق مصر اسكندرية الزراعى
عايزة اشترى حمام بس مالاقيتش فالبائع قالى خدى سمان
سمان ايه ؟!!انا عمرى ماجربته واكيد مش زى الحمام
قالى انتى بعد كدة هتسيبى الحمام وتاخدى السمان
اخدته وامرى لله
والحمد لله انى اخدته … طعمه روووووووووووعة
بطلوا رغى بقى اووووووف 
هوريكى ازاى طلع وبعدين ندخل عالتفاصيل
الاول بتغسلى السمان بملح وخل وليمون زى كدة
وبعدين بتجهزى حشو الارز للسمان وهى ( بصلة _ 2 كوب ارز _ شوية بقدونس _ 1 كوب ماء مغلى )
تبداى تشوحى البصلة لحد ما تغمق شوية ( مش تصفر بس )
وبعدين تحطى كوب المياه المغلى مع البقدونس
وبعد ما تغلى الميه مع البصل والبقدونس تحطى الارز وتحطى عليه ملح وفلفل اسود وشوية بهارات )
وتسيبيه يتشرب مش هياخد خمس دقايق وهيبقى شكله كدة
سيبى الارز يبرد شوية فى الوقت ده حضرى الشوربة ( مياة مغلية وطماطم وفلفل وبصلة وورق لورىوملح وفلفل اسود)
وتبداى حشو السمان انا كنت عاملة اربع سمانات وبعدين تلفيها بخيط عشان الارز ما يقعش
وبعد ما الميه تغلى تسقطي واحدة واحدة
ميزة السمان انه بياخد وقت بسيط فى السلق تقريبا 45 دقيقة وبعدين تحمريه
واخيرا دا شكل الغدا بتاعى النهاردة
لو عجبكم قيمولى وعلقكم
