الكاتبة الجوري

الجزء الاول
اففف وش هالغثا ياربي حر وغبار وكشتي ماتاهل للدوام بعد “حطيت

المشط على التسريح هوانا احاول اظبط شعري بالجل ”

وسن: وسام للحين ماخلصتي تاخرنا على الدوام
وسام”وانا الف عليها وعاقده حواجبي”: وانتي ووجهك شايفه شعري
خلصت منه ولا شايفتني لبست عشان تسالين سؤالك الغبي هذا…
وسن”مفرصعه عيونها”:ول ول مايسوى على سؤال سالتك اياها يمه
كلتيني بقشوري يهب عليك صدق راكان انك ولد مو بنت
وسام “قهرتني خير ان شاءالله هي وراكانو هذا يعني عشان اتصرف
بحريتي من غير قيود ولا اهتم براي حد صرت ولد “:اقول
مالت عليك وعليه اخر همي رايه “وقمت للدولاب “:وخري خليني
ادور شئ البسه لليوم النحس هذا افففف..

(وسام بنت بثاني جامعه تخصص ادارة اعمال حلوة ونعومه حيل بشرتها
بين اللونين حنطي وابيض ومايل للصفار شعهرها قصير لحد اذونها ومصبوغ بلون بني غامق ومخصل بعسلي وطالع عليها جنان ماتهتم
بشكلها ومايهما راي اي احد اهم شئ تكون مرتاحه ومتقبله اختيارها
عربجيه وخبله واهم شئ تنبسط )
وسن: عجلي لاتجينا تهزيئه من حضرة الوالد بسبتك
وسام: طيب طيب حتى شعري ماراح اكمل تظبيطه ببله بمويه بس
(وسن تؤام وسام عكسها تماما حلوة تشبها بس وسام احلى منها وانعم
ملامح عنها تختلف كليا بالشكل والاسلوب عن وسام هي تهتم براي
الناس ولاتسوي شئ يجيب لها الكلام تهتم بالموضه وبشكلها كثير
ودلعوه شوي وهذا الي يرفع ظغط اختها شعرها مصبوغ بلون احمر
خمري وطويل لحد نص ظهرها بشرتها ابيض من اختها )
وسام “اخذت شنطتي وعبايتي والقيت نظره اخيره على شكلي عجبني ”
:يلا مشينا
وسن :واخيرااااا..

ابو فيصل “على طاوله الاكل :يعني كل يوم هالتاخير مدري متى تصحون
بدري وتداومون مثل خلق الله
وسام “وهي تاخذ الكوفي “:يبه وش نسوي ماصدقن نرتاح من المدرسه
وتقييدها بالنوم بدري والخ الخ.. تجي علينا وحنا بالجامعه
ام فيصل”وهي تعطيني سندويشه”: خذي كلي اصرف لك من هالي
طايحه لنا فيه شوفي وجهك وشلون صاير اصفر من قل التغذيه
وسن”وهي تفطر “(وسن تهتم بصحتها وبنفس الوقت بجسمها): يمه
بتعبيني نفسك معها هذي مطيورة يوم ياخذ تفكيرها شئ تنسى الدنيا
كلها وعادي مااستغرب اذا مر عليها اسبوع مايطب بطنها شئ
وسام “عطيتها كفخه على كتفها”:جب جب انتي بس مسويه فيها
يلا لاتاخرينا على الدوام وانتي تعبين بالكرش حقك يلا..
وسن :الله يالدنيا الحين انا الي مسببه التاخير
وسام:بلا كلام زايد وقومي لابالكتاب على راسك
ابو فيصل:وساام يابنت اهجدي متى بتعقلين منتي بزر على التصرفات
هذي انتي كبرتي الحين والي كبرك عندهم صفة عيال وانتي للحين ما
تغيرتي
وسام “افف ياربي متى يتركوني بحالي هذا انا وماراح اتغير”:يصير
خير يبه “ولفيت على وسن”يلا مشينا
وسن :يلا امي الا وين فيصل
ام فيصل:طلع بدري عنده اجتماع
وسام:وانا اقول وش ناقص اليوم ماجتني تهزيئه من اخونا الفاضل
وسن:هههههههههههههه اي صح انتي ماتقدرين تبدين يومك الا
بتهزيئه من الكل
وسام”وانا مبتسمه ابتسامه كرست “:طبعا طبعا يااختي العزيزة لابد من
ذالك لابدء يومي بكل اريحه
وسن :ههههههههههههههه الله يرجك بس
وسام “وانا شايله شنطيتي”:سرينا يااخت العرب

ام فيصل “تعطي ابو فيصل قهوته”: الله يحفظهم يارب
ابو فيصل:امين ويعقل ويركز بنتك هالمهبوله
ام فيصل :هههههههههههه هذي ماضنيت الله يهداها مصرقعه
ابو فيصل :ومرجوجه بعد الله يستر يوم تتزوج مايقطها لنا زوجها
من اول يوم يقول خذو بنتكم ماابيها
ام فيصل: ههههههههههه فال الله ولا فالك هو يطول ياخذها اصلا
بنتي وش ناقصها الزين كله فيها
ابو فيصل: وانا اشهد دام انك امها بس الزين والحلا مو كل شئ
ياام فيصل حلاة البنت راكدة وثقل مثل وسن الله يحفظها مو
مرجوجه ومصرقعه تحسينها هي واخواها نواف واحد على رجتها
ام فيصل: بكرا تعقل ويوم تعرس تصير كلها ثقل هههههههه
ابو فيصل: الله يبلغنا هاليوم
ام فيصل: اللهم امين

• الكاتبه الجوري
• روايات الكاتبة الجوري
• ملاك و عيونها هلاك الكاتبة الجوري