وبركاته
اول ما ابدا عايزة اعرفكوا حاجة
انا فلسطينية بس معايا الجنسية المصرية
يعني ورق العنب اللي حتشوفوه حيبقى على الطريقة الشامية
مفيش احلى منه
جربوه وعلى ضمانتي
يلا بقى ندخل في المفيد
..
المقادير
برطمان ورق عنب
2 ونصف كوب ارز
3 ربطات بقدونس مفروم
كوب طماطم مفروم
كوب بصل مفروم
نصف ربطة نعناع طازج مفروم .. او ناشف لو مش عندك طازة
عصير ليمونة
بيالة زيت زيتون او تلت كباية
شوية ملح
…
الطريقة
حتخلطي المقادير كلها مع بعض
وتحطي ورق العنب في مصفى وتغسليه
وتجهزي حلة ترصي فيها .. اول طبقة : بصل حلقات
وتاني طبقة : بطاطس دواير
…
بعدين نحشي ورقة العنب ونلفها زي ماباين في الصورة ونرصها في الحلة
…
بعد كده نحط في حلة تانية (مية مغلية .. حوالي 4 كوبيات +نصف بيالة زيت زيتون + عصير ليمونة + ملح )
ونحط على ورق العنب طبق مسطح ونصب فوقه المية اللي مع اللمون والملح وزيت الزيتون
ولازم تبقى المية اكتر من ورق العنب بشوية
ونحط فويهم تقل عشان يضغط على ورق العنب شوية
اول ماتغلي المية نوطي النار ع الاخر ونغطي الحلة .. طبعا بعد مانشيل التقل
….
ونسيبه لمدة ساعتين ع الاقل
بعد الساعتين بصي عليه اذا استوا بها ونعمت واذا عايز كمان شوية سيبيه
….
وبس
ده شكله بعد ما استوى ..
…
هنا بعد ما قلبته
بصوا البطاطس جميلة ازاي وطعمها ايييه فظيييييع
والبصل كمان بيبقى طعمه تحفة
….
وده طبق لاول فتوكة ترد وتقيم
مع عصرة لمونة .. مممممممم لزيييز
…..
طبعا دايما بيزيد معايا شوية رز
…
بحطهم في حلة وعليهم مية قدهم واسيبهم تلت ساعة بيبقى طعمه رووعة
تفضلووووووا
…..
لو شايفين الموضوع يستحق التقييم قيموا
والف هنا وشفا
