هذه الملصقات الثمن ديالها مرتفع 300 درهم و اكثر و كاين لي شوية اقل و لكن صغيرة و عندها طريقة شوية صعيبة في التلصاق ديالها في الحائط و لكن لي هاذي نصايبو ساهلة ممكن نلصقوهم في المطبخ و غرفة النوم …
ودبا نشوفو اللوازم لي خاصنا :
1- الورق اللاصق و يسمى بالفرنسية papier adhésif اكتبو في google هذه الكلمة و هاذي تلقاو الانواع بزاف
2- مقص – قلم رصاص – مشراط cutter – سكوتش
3- ورق كربون لي في الصورة لونه ازرق هدا الورق فيه جهة كتكتب و جهة عازلة مكتكتبش
4- الرسم لي بغينا نرسمو نشوفو في الانترنت الصورة لي بغينا و الشكل لي يناسبنا مطبخ ولا غرفة نوم … و نطبعوها
دبا نشوفي طريقة الرسم
اولا نحطو ورق الكربون فوق الطاولة الجهة العازلة هي لي فوق الطاولة و الجهة لي كتكتب تكون الفوق و نحطو فوقها الرسم لي بغينا كيف واضح في الصورة و باش ما تحركش
الصورة نتبتوها ف لجناب بالسكوتش
ومن بعد نعاودو على جناب ديال الرسم بقلم الرصاص .
كيف كتشوفو من بعد ما عاودنا على لجناب ديال الصورة ورق الكاربون طبع لينا في ورقة الرسم من الجهة الاخرى كيف واضح في الصورة
ممكن اننا نطبعو مياشرة في ورق اللاصق papier adhésif ولكن الى كانت شي صورة بحال لي دايرين كيف ما جات
ولكن الى بغينا مثلا نرسمو شي اية قرانية ضروري نديرو هذه الطريقة باش ما تجيش مقلوبة
و هاذي هي المهمة دبا ناخدو ورق اللاصق papier adhésif نوضعو الجهة اللامعة يعني لوجه ديالو فوق الطاولة و الجهة الاخرى فوق كيف واضح في الصورة على اليسار
من بعد نوضعو ورق الكربون دبا الجهة لي كتكتب في الاسفل فوق ورق اللاصق papier adhésif
من بعد نوضعو الصورة ديال الرسم ديالنا و نتبتو كلشي بالسكوتش كما في الصورة
و نبداو نتبعو على لجناب ديال الصورة
طريقة التقطاع درت ليكم غي هاذ الصورة كنت مازال مارسمتش الصورة لي درت في الاول
المشراط cutter باش نقطعو الوسط ديال الرسم الى مقدرناش نقطعو الوسط ديال الصورة بالمقص
بحا لي في الصورة في شكل ديال A
بعد ما قطعنا الصورة و اصبحت جاهزة نلصقوها في الحائط هاذي لصقتها في المطبخ
