امساء الفل اجدعان
شو اخباركون ، انشالله مناح :biggrin:
نخش ف الموضوع بئى ..
دي حكايات ومغامرات عائلة مصرية معاصرة ، ف رمضان ابو صيام ..
ف وقت واحد ، وف نفس ذات اللحظة ، 3 ، 4 اشخاص بيقولوا عطشاااااااااان
واتنين بيغنوا
تعباان ياما تعبان
(اول شخصية : نادين ، دي اللي هي انا ، غنية عن التعريف طبعا :biggrin: > امشي ي بت من هنا)
قمت اتوضى وايه بقا ، الميه بتحسها سااااقعة
ااه لو نقطة ميه اتبلعت كدا من غير قصد ولا حاجة
نفسسي ، نفسي انسى واشررب
رحت من عند الحمام لحد السرير
ياااه ، بجد بتحس مشواااار طويل اوي
رحت قعدت مع خالو ، بقوله ااااه ، تعبااان ياخالو تعبان
قالي تعبان مين بس ي عم محمد :biggrin:
مالك ي بنتي؟
عطشانة وتعبانة وجعانة ودايخة ومصدعة وعيني مزغللة والدوونيا بتلف بيا ومرهقة ومش نايمة ، وهيغمن عليا كمان شوية )
قال ، ايوووا انا عرفت ، انتي عندك عندك انيميا
قولتله ، ي سلام ، جبت التايهة انت ) ، طب مانا عارفة
بقوم من ع السرير بالعافية طبعا ، ف خالوا كالعاادة بيحب يشاكل فيا
مش عاارف انا قاعد مع بنوتة شابة ولا مع واحدة عندها 50 سنة
طبعا فضلت بقا اعاااااني
وهموووت
وكل ماحد يعدي اقوم شادة معاه
وقومت بقا قلت انا بدل مانا مليش ااي تلاتين لازمة كدا ف المكان ، انا اقووم اطبخ
طلعت لقيت اختي وبنت خالتو فوق
ف قولتلهم ي جماعة انا عايزة عصير ماانجا ،،
قلبنا المكان عشان نجيب خلاط )
وعملنا عصير مانجا وجوافه ، وبعتنا نجيب عصير قمر دين ، وكنا عايزين نخترع فيمتو من اي حتة ، وملينا 100 قزازة عشان يتحطوا ف التلاجة )
وقولت لخالتو ، تخيلي الاذان اذن ورحنا نشرب ولقينا التلاجة فااضية
قالت : لا بلاش نتخيل احسن )
خلوودي اخويا الصغير دخل علينا ب طبق بطيخ
ي ربي سااقع وريحته اساسا اصلا جمييلة
بيقولي خدي امسكيلي الطبق ثواني
طب بصي ، تعالي معايا فوق هاتيلي ميه
ماشي ي حبيبي مااااشي >> الهي تشرق ) مش م القلب اكيد
المهم لقيت ماما بتنده عليا من البلكوونة
عايزاني اروح معاها مية مشوار
هو ف الحقيقة واحد
بس تعبان وربنا تعبااان =))
بتتفاهم معاها وانا ببص لفوق ورقبتي وجعتني
وخالوا بيقولي ياناااادين
بقوله استنى بس ثواني
ماما بتتكلم معايا بكل توتر
ش عارفة ليه )
وهو بينادي عليا ف نفس الوقت
قولتله استنى
اول ماخلصت وروحتله قالي كنت بناديكي عشان اجيبلك قمر دين
بس انتي مرضيتيش تردي
خلاص مليش دعوة )
قولتله ي حبيبي ياخالوا يلا قووم جيبلي بئى بئى
دقيقة بالظبط بالطريقة دي
وقام
وفضلت العيلة كوولها بجد يرثى ل حالها ، مراقبة الساعة ، ساعة بتجر ساعة ، دقيقة بتجر دقيقة ، ثانية بتجر ثانية
لحد مااربنا سهل والاذان اذن ،،
ياااااااه
قمت انا وخالو بسرعة كبيرة بنجري ع التلاجة
وشربنا بلاااا رحمة )
وقعدنا كلنا ناكل ، ف خلال 5 دقايق كان الاكل اتنشل
هههههههههههههه وحالة بعد الاكل بقا
ييييييه ، بتحس انك ف دار مسنين
بنبقا كلنا شبه كدا
قعدت مع خالتو وبنت خالتي
بنتفق نقوم نغسل ايدينا
انا : تعبانة ، ش قادرة اقوم ش قاادرة اقوم
خالتو : طب بصي ، بنت خالتك تقوم ، وتشدني وانا اشدك
انا : طيب )
قامت بنت خالتوا وقعدت ف نفس المومنت )
وشوووية تهييس بئى اييه ،
ملوش حل
وفجاة ، النور قطع
صرخنا صرخة لتشيفة كدا ، وقولتلهم ييييه
كان لازم نندلع يعني اهو النور قطع هنعمل ايه
وبحس اني بتكلم زي المساطيل كدهوون
5 دقايق متواصلة من الضحك المتواصل والنفس المتواصل )
كنت حاسة انه هيبقا فيه ضحايا كمان شوية
ولعنا الشمع بقا وجت اختي بتقول ،
ي جدعان انا محدش احتفل بعيد ميلادي حرام عليكوا بقا
يلا ، هابي بيرث داي تو يو
)
وهي بقا ايه بتيجي ف اوقات مناسبة جدا
هريتها تريقة بقا ،
قولنا طبق البلح دا هو التورتة
)
خالوا قام قالها خدي حتة وكل سنة وانتي طيبة )
بعدين قمنا كلنا غسلنا ايدينا واترمينا كلنا ع السرير
عيلة متدشدشة )
3 بنات بيكلموا بنوتة واحدة ع الفون
)
خالتوا كانت بتكلم صاحبتها
ف بنت خالتوا قالت سلميلي عليها
انا : نوريلي عليها
طلعت تلقائية جدا بغباء وربنا
)))
سلمت عليها ونورت عليها وقفلت )
شافتني وشي ضارب صفار ، ف بتقوولي مالك يابنتي
قولتلها عادي ، تعبانة شوية بس
بتقولي حتى بعد الفطار!
طب نعمل ايه فيكي ، لا صيام نافع ولا فطار ناافع )
ساعتين ، 3 عدوا بئى وبابا جه ،
قولتله ابابااا
انت مجبتليش كرت من فتررة ، انت هتتبرى مني ولا ايه
قام فتح المحفظة وحدف عليا الفلوس )
ومشيت
وجت صحبتشي نورتنا
قعدنا بقا قعدة بنات بعيد عنكوا )
غنينا بقا وعملنا جوو
وورق شجر بيقع علينا من فوق
الجو سوو رومانتيك بصراحة ))
بعد كداهووون بقا
كانت سهرة للصبح
كفاية كدا عشان انا رغاية اساسا اساسا )
وكل سنة وانتم طيبييين
