حين تتجدد الذكريات بين الحين والاخر والكوابيس تطارد البعض ودفتر حياتهم تتقلب صفحاته وترجع بيهم ذاكرتهم الى الوراء ..لي تتجمع كومة الذكرياات و تزدحم دااخل ضلوعهم معلنه التحدي…تحاصرهم من كل جانب ..يعيشون تفاصيلهاا وكانهاا حاضرهم ..بينما الماضي لا يعود بعد ان رسم لهم لوحه بمزيج من الالواان المعتمة يسكنهاا الالم ..
ماذا عن الحاضر كيف سترسو سفينتهم بين امواج البحر الجائعة .!!
احدهم يعيش بجشع الحياة لي يصبح الشخص الاناني والظالم …هل سيدوم طويلا .؟.ام لي كل ظالم نهاية .
والاخر يريد الانتقام لي نفسه …بعد ان عاش قسوة الالم تتجسد دااخله ..هل سينجح ..!؟؟
واحدهم تطارده كواابيس الماضي المؤلم تحاصره وكانه حكم عليه بالسجن ..فكيف سيوااجه الامر .!
والاخر يريد الانتقام ولكن بطريقة مختلفة …كيف سيقوم بذالك .!!
وحينما تكون الذااكرة في كل ثاانيه يكسوهاا ظلام داامس …تعيش تفاصيل الماضي الموحش الذي انتزع براءتها وطفولتها لي تعيش صراع مع الماضي ويتشابك بمخيلتهاا لي يسيطر على حااضرهاا..هل ستصمد وتوااجه الماضي ام ..!! (انها احد ابطال روايتي )
والاخرى ..يرميهاا القدر في طريق من يستحقهااا بعد ان عاشت وتجرعت من الم ..
واحداهم …تظهر قوتهاا لي تكشف سرا دام طويلا…لكن القدر يرميهاا بطريق اخر.. كيف ستوااجه مصيرهاا..!!؟
واخري تصبر كثرا على قسوة وصد زوجهاا…ولكن لي الصبر حدود ..
وغيرهم من الابطال .. ( احمد ..هاني ..ياسر..خالد..نايف ..مهند..ريسان..غرور..المار..فرح..الزين)
اتمنى لكم قراءة ممتعة..
همسة : الماضي لا يعود بل علينا مواصلة مسيرتنا لكي لا يتجدد دااخلنا فلن نجني منه سوى الالم.
(لا تجعل قراءة الرواية تلهيك عن ذكر الله)
((البارت الاول1)) •.
{الالم مهما توسع ما تترجمه الدموع !
والبكى مهما بكينا ما يخفف ب الالم }
~{شياطين الﮀ ب•• }~ بقلمي•.
مابقى ف الناس ل الناس . .
ابتسامةة ، او شعور !
“كلن” لاهي . . . و “كل”
شايف همہ كبير
” كل واحد ”
… يحسب انه فاهم / ب كل الامور
و ” كلن ” يبني طموحہ . .
و كلن . . وده يصير : )
وفي النهايہ وش خذينا
في ( الغياب وف الحضور )
غير قسوتن علينا
وانعدامك ي الضمير•.
جالسة تناظر التلفزيون بحزن مو عارفه وش تسوي بحياتها تحس حالها مخنوقه الدموع هي
صديقتها من كانت صغيره
سمعت صوته مثل كل يوم نقزت بخوف ووسكت التلفزيون وعلى طول ركضت لي غرفتها الامان
الوحيد لها في مثل هالساعه قفلة عليها الباب وسندت نفسها عليه من الخوف سمعته يغني ويقترب
من باب غرفتها غمضت عيونها وهي تحس الباب بينفتح رغم انه مسكر بالمفتاح الا ان الخوف
مسيطر عليها سمعت صوته الي مسبب لها رعب :افتحي الباب ياالقبيحه يال……
نزلت دموعها وهي تسمع سبه وشتمه لها من يوم ماكانت صغيره وهذا حالها على طول يوصفها بالقبيحه ماتدري ليش مايحبها
شوي وسمعت صوته يبتعد عن الباب وقفت وهي تحس بالموت ياما تمنت الموت رمت بحالها على
الفراش الوحيد (مفرش ارضي )الموجود بالغرفه ضمة نفسها وهي تحس باالم في جسمها من
الضرب الي جاها الظهر عشان مالقي شي ياكله ضربها بلا رحمه رفعت يدها وهي تناظرها موجود
عليها كدمات تحملت شي مافي احد يتحمله غمضت عيونها واستسلمت لي النوم يمكن هو الشي
الوحيد الي يريحها وماعاد تحس بالوجع
نتعرف على بطلة روايتي (ريسان:17سنه يتيمة الاب والام
جميله جمالها يجذب كل من يناظرها بيضاء شعرها اسود طويل لين خصرها ناعم وكثيف عيونها سود فيها لمعه غريبه تجذب وساع حواجبها مرسومه خشمها حلو خدودها مورده وعندها غمازات شفايفها توتيه نحيفه
وراح نعرف عنها اكثر)
(بلال :26الاخ الوحيد لي ريفال يكرها وده لوتموت
وبنعرف ليش )
صحت الصباح على صوت دق بيكسر الباب نقزت من الخوف وهي تسمعه يصارخ عليها :قومي يالحيونه يال……
تقدمت وهي ترجف فتحت الباب ورجعت لي وراء
دف الباب بقوه لين ضرب بالجدار غمضت عيونها بخوف
تقدم منها ومسكها من شعرها:اسمعي اليوم انا مفلس يعني مافي عندي ولا ريال بتنزلي يالحيوانه
الشارع وتجيبي لي فلوس فاهمه
رفعت عيونها وناظرته بتوسل يمكن يحن عليها بس من فين شد على شعرها اكثر وهو يقول:مثل هذيك المره واليوم كمان اطلعي
هزة راسها ودموعها تنزل اخوها الوحيد سندها يسوي فيها كذا وش بقاء
رمها على الارض وطلع شهقت وهي تبكي ذل حسره خوف
قامت بصعوبه وراحت للكيس الموجود فيه ملابسها الي خالتها تعطيها اخذت تنوره سوداء وبلوزه
رمادي وراحت تاخذ لها شور دخلت تحت المويا البارد يمكن يخفف من الالم والنار الشابه في
جسمها طلعت من الحمام اكرمكم الله بعد مالبسة اخذت عباتها وراحت بيت خالتها الموجود في نهاية
الحاره دقت الباب طلع لها مصعب ولد خالتها:هلا ريسان تفضلي
دخلت وسمعت صوت خالتها بالمطبخ راحت لها :خالتي
لفت عليها وهي خايفه من صوتها:هلا يمه
رمت نفسها بحضنها:خالتي انا تعبت خلاص مو قادره اتحمل بلال
مسحت على راسها بحنان:اااه يابنتي وش مسوي فيك الله ياخذه
رفعت راسها وهي تبكي :موقادره والله من كثر الضرب حتى الالم مااحسه جسمي تعود خلاص فتحت عباتها ورفعت بلوزتها شوفي وش مسوي فيني
مررت يدها على الكدمات الموجوده على بطنها وهي تبكي على بنت اختها :الله لايسامحه
ريسان ودموعها تنزل: يبغاني اشحت عشان يحصل فلوس
ضمتها ساميه بحزن:هذا اكيد جن الا مو معقوله في اخ يسوي باخته كذا
اخذتها ساميه معاها لين الصاله وجلستها وهي تمسح على شعرها :اهدي يمه خلاص حبيبتي
سمعت صوت :يمه
تغطت بسرعه ساميه:تعال يمه
دخل مصعب وعيونه على ريسان:يمه انا طالع تبغي شي
تقدمت ساميه وهي تمسح على تكتفه بحنان:لايمه
مصعب وعيونه لين الحين على ريسان :مع السلامه
ساميه:بحفظ الله
لفت وناظرت ريسان بحنان:فطرتي يمه
نزلت راسها وهي تمسح دموعها :لا
ساميه :الحين نفطر سوى
راحت خالتها المطبخ وسمعت صوت احد يغني :حبيبي صباح الخير صباحك فل ورد ولوز
وشهقت :ريسان
ابتسمت :هلا نور
تقدمت لها وضمتها بقوه :فينك يالقاطعه ماعاد تنشافين
عضت على شفايفها بالم من ضمة نور:موجوده انتي ماتجيني
نور جلست جنبها وبهدوء:الصراحه اخاف من اخوك المتوحش
ريسان بحزن:الله يهديه
نور:ااااامين انتي وش مسويه
ريسان :مافي شي جديد غير اني كل يوم ان ضرب لين احس روحي بتطلع
دمعت عيون نور:ياعمري ياريسان وكل ذا متحملته
ابتسمت من وسط دموعها :الحمد الله على كل حال
نور باستها على خدها :طيب ليش ماتجي عندنا
ريسان ناظرتها :انتي تدري اخر مره وش صار بين مصعب وبلال والحمد الله عدت على خير وتدري
ان خالتي كلمته يوم تجي عندي وانا مريضه وطردها من البيت
نور بحرقه:الله ياخذه وتفتكين منه
ريسان :لا لاتقولين كذا يكفي انه من لحمي ودمي
نور بصدمه:انتي تقولي كذا
ريسان هزة راسها :يانور رغم ضربه وتصرفاته وصح اني مو متحمله وودي افتك منه لكن لما اراجع نفسي واقول لو راح بلال انا وين اروح
نور :واحنا يا ريسان فين رحنا
ريسان :انتم اهلي لكن بلال اخوي تعرفي وش اخوي
نور بتفهم :الله يهديه
ساميه :يلا يابنات الفطور
قاموا فطروا ونور تسوي حركات وتقول نكت تبغاء تضحك ريسان وتطلعها من حزنها
وقفت ولبسة عباتها :يلا ياخالة انا باروح
ساميه مسكتها:على وين
ريسان نزلت راسها:……..
ناظرتها بنص عين:تعالي معي
راحت مع خالتها لين وصلت غرفتها:نعم خاله
ساميه مدةيدها بفلوس:خذي
رفعت راسها:وش
ساميه بحزم:اذاكان اخوك مجنون ينزلك تشحتي فانتي اجن اذا سمعتي كلامه
ريسان ودموعها تنزل:متعوده ماله داعي ياخالة
ساميه بشك:ريسان انتي قد رحتي ت
ريسان شهقت :وش اسوي طيب ماعاد فيني صبر لي ضربه
ساميه ضمتها:ليه ياحبيبتي
ريسان وهي تضمها”محد بيحس بااحساسي انا كل يوم انضرب من غير سبب ارحموني ياناس كافي الي انا فيه ”
ابتعدت عن خالتها :انا بارجع البيت
حطت ساميه الفلوس بيدها :خذيها يمه ولا تطلعي مكان اولاد الحرام كثير
اخذت الفلوس من خالتها وهي تحس بذل وحزن :مشكوره ياخالة
- a estátua semeador de estrelas
