عاجل في عاجل في عاجل … شيء ايخاجل … يا اخسارة هذاك الراجل
– وتبو الصراحه موش تقولولي ازلام وما ازلام :
شهاده نلقاها يا ضان … عصا تبيلك كيف زمان
– وان شاءالله :
ايوازولك يا ضان ضناك … فحل لكن مو كيف هذاك
– لان :
بين اذياب وبين ثعالب … ضعتي يا ضان الله غالب
– وما ننكروش :
الوطن فيه مامن كلب … مقتل الذيب مازال واجعه
– لكن حتى نحن :
رعيانك اليوم القطو … سرايك الراعي اللولي
– وبرضو للتاكيد :
الذيب امسكوه ومات … واليوم عيبها في كلابها
– وفكونا مالحركات لان :
صفير وطقيق عصاه … كنتي امعاه يا ضان رايضه
– ونشهد بالله والكل يشهد راه :
علي من تخطر طمعن فيك … ثعالب من غيبت راعيك
– وتوى كلكم عارفين بان :
طلع عليك ما من ذيب … كرس ايام راعيك لولي
– وبرضو حطو معاها :
مات الذيب راق الوطن … شاخت كلاب كانت ظاله
– والسبب اللي خلاني راقيتلي مالوضع ومن غير مجامله :
مالضان كل يوم ابثنو … لذياب فيه ايقتلن
– وازفت ما شافت عيني :
ربيعك اليوم كبير … ضناك في ضناك ايقتلو
– وسببها :
مشكا الضان مسع جوه … رعيان كملوها امناقره
– ونصيحه مني :
السيمه صحيح لهلك … هبود خلط يا ضان اعزلي
هاللي خدعوك بسيمتهم … يا ضان ضروري عزلتهم
– فالختام نقوللكم :
الفقد كل يوم ايسير … دوبين هلك ساكتين يا غلم
وننتظر ردودكم واسلمتو ’’ اعذرونا فشت خلق بس ’’ لان :
في عرب عالدنيا غابو … تبكي تشكي ما ينجابو
- شتاوي
- شتاوي ليبية
- شتاوي2017
- صور شتاوي 2017
- شتاوي ليبيه
- صور شتاوي
- شتاوي حب ليبية
- صور شتاوي ليبيه
- شتاوي 2017
- شتاوي ليبيه علي الجديد
