[ حشوة السمبوسه ] ،،
المقادير ،،
اربع ملاعق طعام زيت ،،
بصلتين مفرومتين ،،
نص ملعقة شاي ملح ،،
ملعقتين شاي كزبره مطحونه ،،
نص ملعقة شاي كركم مطحون ،،
نص ملعقة شاي فلفل احمر مطحون ،،
كوب ونص لحم مفروم ،،
٣ حبات بطاطس مقشره ومقطعه الى مكعبات صغيره ،،
كوبين بازيلا خضرا ،،
الطريقه ي حلوين كالتالي ،،
في مقلاه كبيره نضع الزيت لما يحر نضع البصل ونحمسه شوي ونضيف كل البهارات فوق البصل ونخلطه زين ما زين لين ما يتحمر ،،
وبعدين انضيف اللحم المفروم [ شايفين كيف لونه بينك وفريش وبدون اي ريحه نهائيا ] « تخيلوا اني ما احبه نهائيا بس يوم شفت لحم العجل اللي ف مزرعتنا يمكن لانه فريش عسب جيه انا حبيته ..
ولما يغدي لون اللحم بني [يعني خلاص نضى وانطبخ ] انضيف البطاطس ونغطي المقلاه لمده خمس دقايق ع نار هادئه،،
واخيرا انضيف البازلا ونخليه ع نار هاديا لين ما ينضج حبيبات البازلا و البطاطس ،،
الشكل النهائي ،،
نخليه ع صوب وننتقل لطريقة عجينتنا الطازجه ،،
مقاديرها كالتالي ،،
كوبين طحين متعدد الاستعمالات ،،
ربع ملعقه شاي ملح ،،
ملعقتين طعام زيت ،،
ثلاثة ارباع كوب ماء ،،
الطريقه « ما في اسهل منها ،،
نعجن المقادير كلها سواء بالعجانه او باليد لمده ١٠ دقايق ،،
وشكلها النهائي ،،
اخليها ترتاح بس لمدة ربع ساعه ،،
عقب ما ارتاحت العجينه بعد الربع ساعه ،،
اقسمها لست اقسام ،،
وابدا اشيل كل كوره وافردها وتاكدي ان السطح اللي تشتغلين عليه موزع بالطحين لانه مهم العجينه ما تلتزق على السطح ،،
نقطعها على شكل زائد [+] ،،
ف ثواني اسوي الصمغ وهو عباره عن ماء وطحين اخلطيه صار لنا صمغ [قوامه يكون شرات الصمغ اذا كان عجينه زيدي ماء لحد ما اتشوفينه سائل غليظ] ،،
نخظر قطعه من عجينة السمبوسه ومهم جدا تكون مثلثة الشكل ،،
نطوي الطرف اللي ع اليمين ونحط الصمغ ف الزوايا اللي موضحه ف الصوره ،،
ونطوي طرف اليسار ونحشيه بالحشوه اللي سويناها ونحط الصمغ ف الطرف الاعلى مثل ما موضح ف الصوره ،،
واخيرا نغلقه وهذي شكلها وتاكدي انه كل الزوايا مغلقه ،،
ناتي للغلي وبما انه عجينتنا طازجه ف بسرعه خلال دقيقه السمبوسه محمره ،،
ف انجهز مقلاه عميقه وانعبيها لين النص او الثلث زيت ولما يسخن الزيت نحط السمبوسه تقريبا الكميه اللي سويتها ٢٥ – ٣٠ حبه ،،
مجرد يحمر انشله ونحطه فوق كلينكس حتى ينشطف الزيت وظهور الفقاعات ف عجينتج لما قليتيها يدل على نجاحها ،،
بعد ما قل الزيت انحطه ف البوكياه او صحن التقديم ،،
انا كنت مسويه بارسيل لبعض الناس وهاي صورة السمبوسه [ وشكلها النهائي ] ،،
نجي لراي الاهل وقت الفطور كان في ٣ انواع سمبوسه ،،
سمبوستي + سمبوسه ميني بالجبن وكانت جاهزه ومحشيه ومثلجه شريناها جيه من عند واحد هندي يبيع بالكميات يعني عندنا ٢٠٠٠ حبه ومنوع بالجبن وبالخضار وباللحم + سمبوسه مطعمنا الخاص،،
المهم الصراحه وبدون مجامله قالوا سمبوستي الذ وحده 
ليش؟؟
لانه طعم الحشوه باينه ودسومة العجينه خفيفه ف فعلا سمبوسه بيت وطالعه لذيذه من القلب الكل حباها فعلا ،،
اما الجاهز يغث على القلب من الزيت اللي فيه من البصل اللي فيه من الدسومه اللي فيه ،،
الطريقة نحط البصل بشوية زيت ونضيف الماجي والبهارات بعدها الجزر ونقلب الين يذبل ونضيف الشبت نضيف الدجاج نستمر بالتقليب واخر شي نضيف البقدونس وزي ماقلت لكم للسمبوسة وممكن تنحط للمكرونة بالبشاميل تطلع لزيزة وتتفرزن وقت ماحتجتيها طلعيها قبل الاستخدام عشان يفك الثلج منها وطعمها ميتغير يبقى زي ماهى
