الكمية تكفي: شخص واحد
وقت التحضير: 10 دقائق
وقت الطهي: 20 دقيقة
المقادير: شوية صغيرة مكرونة اسباجتى اقل من ربع الكيس خضار مشكل مكعبات (كوسة وبصلة صغيرة وجزر وبسلة وفاصوليا وبططساية صغيرة ) ملح وفلفل
التحضير: سلقت المكرونة يادوب غلوة واحدة عشان انزل النشا ومتكونش
فيها نشويات كتير
وبعدين صفيتها وغسلتها
الطبخ: ووضعتها فى حلة وعليها الخضار المقطع والملح والفلفل وحطيت عليها ميه يادوب للتسوية
شوفوا المكرونة مش كتير خالص لانى كنت عايزة الخضار اكتر لتقليل النشويات وزيادة الفيتامينات
وتركتها حتى شربت ميتها واستوت وبعد كده غرفتها فى سرفيس التقديم بالشكل ده
احلى طبق مكرونة بالخضار دايت ممكن تدوقيه بدون حرمان وجوع
وبعد كده حطيت 2 ملعقة من صلصة الطماطم بتاعة مكرونة الولاد وانا باعمل الصلصة بمعلقة زيت زيتون
وحطيت على الوش شوية بقدونس لان البقدونس بيمتص الدهون المتواجدة داخل الطعام مع شريحتين كبدة وكانت اكلة فى منتهى اللذاذة
