طريقة عمل ايس كريم بالكراميل

1 باكو كريم كراميل
2كوب لبن
3 معالق سكر
حوالي 100 جرا كريم شانتيه يعني اقل من التمن بشويه
حوالي اقل من نص كوب لبن لضرب الكريم شانتيه
3 معالق سكر( بودره) مع الكريمه اومن غير خالص حسب الرغبه لو عايزاه مسكر زودي

(الطريقه )

اول حاجه هنعمل الكريم كراميل عالنار عادي
هتسيبي اللبن عالنار يغلي وتدوبي فيهم ال 3 معالق سكر
وبعدين تحطي الباكو الكريم
وتقلبي
وتحطيه في الفريزر بالكسروله بتاعته لحد ما يبرد خالص

في الوقت ده تكوني جهزتي الكريم شانتيه وتعمليه تقيل زي ما اتفقنا

بعد كده هتخلطي الكريم شانتيه علي الكريم كراميل من تحت لفوق وبالراحه زي ما بتعملي الكيكه الاسفنجيه وتخلطي البياض ودي المراحل

وبعدين تدخليه الفريزر تاني يسقع من 4 ل 5 ساعات
ودوقي بقي احلي ايس كريم
بطعم الكريم كراميل

ونيجي بقي للتقديم
ممكن تقدميه مع صوص كراميل انتي تعمليه
او كيس الكراميل الي جاي معاه بس هيكون قليل
او ممكن صوص شيكولاته
او ممكن شيكولاته مبشوره
او اي شئ انتي تفضليه
ممكن فاكهه
او ممكن ساده كمان لو تحبي
وتعالو نشوف صور التقديم