~:| ياهيه ~
[*~
ياحبيبي {.. شخص مثلي لا عشق مثلك
~ يرزه !
تشرب العز بغرامﮧ شروى اطفال الرضاعﮧ
شفت عاد شلون اقدر العب بقلبك
اترككم مع القصيده
والواجب انه لو جحد فزعتي فيه . . مايجحد حقوق النسب والقرابه
وانا اللي يوم ان المصايب تبكيه . . كنت اقرب اله بضيقته من ثيابه
اللي تعاف اوله ينعاف تاليه . . وانا كفا صدري من الغيظ مابه
من لا وقف لي وقفة رجال مابيه . . يغني عن حضور المقفي غيابه
من لافزع بالكايده مع بني خيه . . وقت الرخا مايحسب حساب لابه
علمت غيري كيف لاصد ماجيه . . وانا تعلمت الصبر والصلابه
لان الشجاع ان مالقى من يواسيه . . ان مانشدته ماعلمت بمصابه
مادام بعدي عن رفيقي بيرضيه . . نذر علي اني فلا طق بابه
عيب التفت في جاه مخلوق وادعيه . . وللمبتلي ساعة دعا مستجابه
الضعف ماطيقه ولا طيق طاريه . . والدمع لايرقى ولا ينرقابه
والحلم يغنيني عن الكبر والتيه . . والظلم محصيني كابه كابه
ان ماجمعت وجيه مافرق وجيه . . ومن لابنيته ماسعيت بخرابه
وانا لو اني بالتفت بالتفت ليه ! . . الرمح غاالي والفريسه ذبابه
بدري علي احسب لها حساب واوجيه . . وبدري عليه يشيلني من حسابه
كاني عتقته بعتقه رافت فيه . . الا الطلابه ماخشيت الطلابه
مهب على شانه ! عشان المشاريه . . سامحت طيشه وابتليت بعذابه
اليا كسر في خاطرك شخص تغليه . . حتى المعاتب تستحي من عتابه
اللي سكن صدري من الغيض يكفيه . . ملت تفاصيلي سكوت ورتابه
اللي بيدخل في مزاجي بسويه . . وباخطب الفض الفليض بخطابه
مثل الغلا اللي باخذه منه بعطيه . . ويسمع جوابي مثل ماسمع جوابه
دام احترامي للقرابه مجريه . . ياشيخ لا ابو امها من قرابه
لو كل شخص بيحتقر في باخاويه ؟ . . ماكون حزت من المراجل مهابه
ياهيه مثلي مايقولون له هيه . . مدري متى تتعلمون الذرابه
اللي معلمك الكتابه على ايديه . . لمحة بصر ويبعثرك من كتابه
ومثلي لا من قلت لك قول بوفيه . . والقرم لا من وكد العلم جابه
سمه تحدي سمه اللي تسميه . . بس الوكاد انه مهوب استجابه
اللي مهب قد المواجه يخليه . . ومن لاقدرت تهيبه منك هابه
الله يعز وجيه ويطمن وجيه . . وحنا بشر لكن بشر وسط غابه
ومن لافزع بالكايده مع بني خيه . . وقت الرخا مايحسب حساب لابه
…
[*~
~ واهزه !
شفت كيف اقدر اسوي لحظتك في البعد ساعﮧ
قلت لك قلبي لو انك ماتطيعﮧ
~ لاتعزه !
دام انا {.. سيد حياتك لي عليك الفين طاعﮧ
- يا هيه حامد
- قصيدة حامد زيد ياهيه
