اكلات سريعه لرمضان
المقادير :
مكرونة
خضار منوعة [ فليفلة , جزر , كوسا .. الخ ] مقطعة ,
صدور دجاج مقطعة مكعبات
بصل
ملح + بهارات
ل الصلصة /
علبة قشطة + ملعقة جبن + ملعقة مايونيز
جبن موزريلا ل رشه ع السطح
الطريقة :
نسلق المكرونة , نحمس البصل ع النار ونحط معاه الدجاج والخضروات والبهارات
نحركهم ع النار ل حد ما الدجاج ينضج والخضروات تذبل شوي ,
في طبق نخلط مكونات الصلصة ونصبها ع المكرونة وفوقهم الدجاج والخضروات
بعدين نحطهم في بايركس ونرش عليهم موزريلا
ندخل الصينية الفرن 10 دقايق او ل حد ما يذوب الجبن
[ بططس ب اللبنة ]
المقادير :
بطاطس ودجز جاهز
بصل
لحم مفروم
فليفلة مقطعة مربعات
ملح وبهارات + ملعة معجون طماطم
لبنة + ليمونة + لبن
الطريقة :
نقلي الودجز ونحطه ب صينية بايركس ,
نحمس البصل مع اللحم المفروم والملح والبهارات ومعاهم الفليفلة
وملعقة معجون الطماطم ونحط كل هذا فوق البطاطس في البايركس
نحط عليهم جبنة موزريلا وندخل الصينية المايكرويف ل حد ما الجبنة تذوب
نخلط اللبنة مع اللبن والليمون ونصبها ع سطح الصينية ونزينها ب فليفلة
[ باستا بيتزا ]
المقادير :
مكرونة
زبدة لينة
فليفلة + طماطم + بصل مقطعين مربعات
صدر دجاج مقطع شرايح صغيرة او مكعبات
ملعقتين معجون طماطم
زعتر
بهارات + ملح
جبن شيدر مبشور
جبن موزريلا
زيتون اسود شرائح
الطريقة :
نسلق المكرونة , نحمس البصل وفوقه الطماطم والفليفلة والدجاج والزعتر والبهارات ,
نحركهم لحد ما الدجاج يستوي , نحط معجون الطماطم ونحركهم مع بعض ..
نشيل القدر من ع النار ونحط الشيدر ونحركه بسرعة لحد ما يذوب
نحط الزبدة على المكرونة ونحط الخلطة اللي قبل شوي ونخلطهم
نحط الحوسة كلها في صينية بايركس وعليها الزيتون والموزريلا
وندخلها الفرن لحد ما الجبن يذوب ونقدمها
[ باستا الدجاج ]
المقادير :
مكرونة
صدر دجاج مقطع مكعبات صغيرة
ملح + بهارات
زعتر + مكعب ماجي
جبنة شيدر مبشورة
ل الصلصة /
قشطة + حليب سائل
الطريقة :
نسلق المكرونة , في قدر نحط زيت وفوقه الدجاج والبهارات
والملح والزعتر ومكعب الماجي , نحركه ل حد ما الدجاج ينضج
نخلط القشطة مع الحليب ونصبها ع الدجاج ونحط عليهم المكرونة ,
نحط الشيدر ونحرك المكرونة لحد ما الشيدر يذوب .. نحطها في طبق وبس
[ فطائر الشوكولاتة ]
المقادير :
ل العجين /
نفس مقادير عجينة خبز الميني برجر
قطع شوكولاتة جالكسي
الطريقة :
نسوي العجينة ونخليها تختمر ونسوي منها كور ونحشي كل كورة
ب قطعة جالكسي , ندهن السطح ب بيض ونرش عليه حبة البركة – اختياري –
نحط العجينة في صينية وندخلها الفرن ل حد ما تستوي
[ كب كيك الليمون ]
المقادير :
كيكة ليمون بيتي كروكر جاهزة
دريم ويب + قطرة من ملون طعام اصفر
كرز + كرات شوكولاتة ل الزينة
الطريقة :
نسوي الكيكة مثل المكتوب ع العلبة ونحطها في قوالب الكب كيك
وندخلها الفرن , نسوي كريمة الدريم ويب ونحط معاها ملون الطعام الاصفر
نطلع الكيك ونزينه ب الكريمة والكرز والشوكولاتة
[ ميني برجر ]
المقادير :
ل العجين /
بيض + طحين
حليب بودرة + فنجان سكر
زيت
[ ملح + ملعقة خميرة + ملعقة سكر ] تذوب في كاس ماء دافئ
برجر لحم او دجاج + خيار + جبن شرائح .. الخ
الطريقة :
نخلط جميع مقادير العجين مع بعضها ونخليه يختمر لمدة ربع ساعة ,
ناخذ كور صغيرة من العجينة ونحطها في الشواية لحد ما تحمر
ونسوي كل العجينة ب ه الطريقة ,
نقلي البرجر ونقطع كل وحده ل 4 قطع – البرجر اللي استخدمته كبير شوي –
ونعمل البرجر عادي زي الصورة
[ الدجاج ب الفليفلة ]
المقادير :
بصل
فليفلة
صدور دجاج مقطعة مكعبات كبيرة شوي
بهارات + ملح
خل
رز ابيض
الطريقة :
نسوي الرز الابيض عادي ,
نحمس البصل ع النار وبعدين نحط قطع الدجاج ونخليها تنقلي
شوي لحد ما تستوي , نحط فوقها الفليفلة وطبعا البهارات والملح
ومعاهم شوية خل .. ونحركه ل حد ما الفليفلة تذبل شوي ..
نحط الرز في الطبق وفوقه الدجاج مع الفليفلة
[ فيليه الدجاج المقلي ]
المقادير :
صدور دجاج مقطعه شرائح ,
في طبق [ طحين + بصل + كمون + ملح + بيكنج باودر ] ,
وفي طبق ثاني [ حليب + بيض + ملح + فلفل ] ,
الطريقة :
نحط شرائح الدجاج في طبق الطحين وبعدين نغمسه
في طبق البيض والحليب , بعدين في طبق الطحين من جديد
ونقليه ونقدمه مع البطاطس المقلي والكاتشب
[ الكشري ]
المقادير :
رز
مكرونة
عدس بني
بصل
لحم مفروم
ملح + بهارات
ل الصلصة /
معجون طماطم + خل + ليمون + ملح + فلفل اسود
الطريقة :
نسلق المكرونة , نحمس البصل لحد ما يحمر بعدين نحط فوقه اللحم المفروم
والملح والبهارات ومعاهم العدس ونحط فوقهم ماء على قد الرز
نخليه ع النار 10 – 15 دقيقة , نحط الرز ونحركه ونخليه
ع النار لحد ما ينضج الرز .. ولا قرب الرز ينشف نحط فوقه المكرونة
ونخلطه بشويش ونغطي القدر ونخليه على نار هادية لمدة 10 دقايق
ب النسبة ل الصلصة :
نحط كل مكوناتها في قدر ونخليهم 5 دقايق ع النار وخلاص
