سحر لاعادة الزوج

 

تعالو نتعلم سحر الزوج

السحر هو امر يستحوذ على الحواس فيقودها في اتجاه اخر ..

لكل من تود ان تسحر زوجها سحر لا يمكن فكه ولا حله ..

هذه طريقة فعالة ..

جربوها ولن تندموا ..

1. زوجك ليس ندا لك ..

زوجك رجل ..

له كرامة وكيان وشخصية تمتلئ بالشموخ والكرامة وعزةالنفس ..

فلا تكوني ندا له ….. وين المشكلة؟؟!!

2. بيتك جنة .. واطفالك هم عصافير الجنة ..

فلا تجعليهم غربان تحوم حول الزوج حين يحتاج للهدوء ..

الانسحاب احيانا مفيد جدا ,, وين المشكلة؟؟!!

3. خليه يفتح موضوع جدي معاك ..

اتركيه يناقش حتى النهاية ..

اذا قرب يخلص فاجايه بالعبارة التالية : بس في نقطة مهمة نسيتها ..

راح ينتبهلك ..

واكيد راح يسال : وش هي ؟؟!! ,, قولي: انا اموت فيك .. وين المشكلة؟؟!!

4. كل الامور تحلينها انتي؟؟!! برررررااااااااافو ..

كفو والله وعساك عالقوة ..

بس مو ضروري
تعيرينه..

دعي له مساحة يتحرك فيها ..

شاركيه بالقرارات …

ارجعي له دائما ..

حتى في الامور المحسومة سلفا ..

خليه يحس ان له دور مهم مو سبير طايح .. وينالمشكلة؟؟!!

5. دائما دعيه يشعر انه القوة الكاملة في البيت ..

دعيه يشعر انك ضعيفة لكن مو بشخصيتك ..

بل بجسمك ,, الجاي له مثل الاطفال ..

حتى لو اصبعك انجرح … عطيه بلاستر وخليه يلف اصبعك .. وينالمشكلة؟؟!!

6. خليه دايما يحس انك بحاجته ..

وان عداداتكو بوصلاتك ما تشتغل الا بوجوده .. وين المشكلة؟؟!!

7. اشعريه ان شخصيته هي الاقوى..

حتى لو كنتي كونداليزا رايس .. وين المشكلة؟؟!!

8. العطور السحر كله ..

اجعلي بيتك مريحا للاعصاب ودايما استبدلي عبق البصل والثوم اللي تحوووووووووس في البيت ..

برائحة معطر الجو اير ويك برائحة الورد << دعايه مدفوعة الثمن خخخخخ

حواس الانف مفتاح الدماغ ..

راقبي وجهك اذا
مريتي عند زبالة صارلها سنة مقطوطة ..

حتى لو كنتي في قمة سعادتك بتنقلب مزاجاتك ..

شلون يقدر يعصب والدنيا ربيع والجو بديع ..

وقفلي على كل المواضيع .. وين المشكلة ؟؟!!

9. يقولون الرجل طفل كبير ..

انا اقول الرجل جنين وليس طفل ..

الطفل ممكن ينزف … ينطق ..

بس الجنين محمي بحنان رباني وبعالم هادئ بتدليل امومي ..

الرجل مهما لقى من صفات رائعة في زوجته ..

دائما يبحث عن حنان امه فيها ..

والحنان يلين الصخر .. وينالمشكلة؟؟!!

10. كوني له امة يكن لك عبدا .. نعم لاتستغربين !!!

صيري صديقته وقت الضيق ..

اخته وقت الفزعة و امة وقت الدمعة ..

حبيبته لما كل الدنيا تخليه وزوجته لما يضيع ..

و بنته لما يحتاج يحس بالالفة ..

كوني له كل نساء الارض .. وين المشكلة؟؟!!

11. علمي اولادك ان يقبلوا راسه كلما راوه …

لا تقولين الزمن تغير وماعاد احد يبوس راس احد
…

كل شي ممكن يتطور ..

بس يبقى احترام الاب هوالجهل الوحيد اللي لازم نزرعه بقلوب اولادنا ..

وباستماته .. وينالمشكلة؟؟!!

12. نسى هدية العيد لولده او بنته ..

::×:: عادي ::×::

اشتري هدية وحطي عليها اسمه وجهزيها له ..

او اذا انشغل قدميها باسمه فنتيجة انتماء الطفل لابويه انتو الاثنين راح تحصدونها ..

موبس هو ..

بس لا تنسين ترسلي له مسج تعلمينه بالهدية ..

لا يصير مثل الاطرش بالزفة .. وين المشكلة؟؟!!

13. احذري من عبارةابوك لاهي عنك ..

شدعوة داري عنك و ليش وينه ابوكم ,, ابوك مو فاضيلك ..

الطفل ماينسى قومي انتي بالمهمة ..

او على الاقل لاقي عذر مناسب يكبر الاب بعين عياله ..

مو يكرهونه .. وين المشكلة ؟؟!!

14. تتضايقين من نظراته لمذيعات القنوات اللبنانية وهيفاء وهبي؟؟!!

قهر موووو؟؟!! غلطان ..

اسالي نفسك سؤال واحد هي مراة وانتي مو
مراة؟؟!!

ليش تخلينه يطالع برا وانتي موجوده ؟؟!!

ايش ناقصك ؟؟!!

ليش ما تصيرين انتي لبنانية بنكهة الدرابيل والهيل ..

يعني خليجية النكهة ..

ايش محتاج الموضوع اممممممممم ..

قصة شعر؟؟!!

ريجيم ؟؟!!

صبغة حلوة ؟؟!!

ابتسامة جميله ؟؟!!

تدليع؟؟!!

وين المشكلة؟؟!!

15. دلعيه ثم دلعيه ثم دلعيه ..

حبيبي ,, قلبي ,, حياتي ,, مافي منك ,, مشكور عساك عالقوة ..

صباح الحب ,, مساء الورد ,, تصبح على حب ,, عيوني لك ,, انت تامر ..

ومن هالحتسي .. وراح تشوفين كيف راح تضيع علومه ..

اعتبريه موضوع تعبير لازم تكتبينه في المدرسة ويتوقف عليه تخرجك … وين المشكلة؟؟!!

16. يووووووووووووووووه

ليش ما جبت الطماط …… انالله … انا كل ما اوصيك على شي تنساه !!!!!!

والله لو رايحة انا ابرك !!!!!

ليش ليش سواق هو؟؟!!

شوي شوي ..

صحيح مهمته
وشغلته وواجب عليه ندري ..

بس كان ممكن لما تكتشفين النقص تقولين الاتي مع ابتسامة ناااعمة ..

عادي حبيبي ولا يهمك يعطيك العافية يا قلبي ..

روح انت الحين وانا اسويلك كوكتيل عالسريع ..

حرااااام يتعب وماندلعه !!!! ما يصير ..

حتى لو اكلتك كلها تعتمد على الطماط وخير يا طير ,, تتدبر..

لو تفكرين شوي راح تعرفين انها تتدبر .. وين المشكلة؟؟!!

17. لا تنتقدينه ابدا ..

حتى لو كان من راسه لساسه عيوب ..

حتى لو كان صباااااااااااار كله شوك ..

الصبار ترى داخله مويه وعلشان توصلين للمويه لازم تشيلين الشوك وجربي شيليه بسرعة ومرة واحدة ..

ما تجنين الا الالم ..

بالحب والحنية والصبر كل شي يصير ..

حتى لو طولتي تشيلين الشوك ..

راح يجي وقت تلاقينه هو يشيل معاك .. من كيفه .. وين المشكلة؟؟!!

18 . اياكي واياكي ان تظهري عيبه امام الاخرين الرجل ما ينسى ..

والشعور بالاحراج يخليه يدفن بقلبه ضيق عليك
ما يروح بسهولة وخليك ستر وغطا على عيوبه ..

حتى لو تافهة وعادية .. وين المشكلة؟؟!!

19. خلي ايدك بايده ..

خليه يحس انك مستانسة لوجوده جنبك ..

مو تنتظرين الساعة اللي يروح فيها برا … وين المشكلة؟؟!!

20. طلعي الشغاله برا اظن الدوام الجزئي كافي ..

هذي مملكتك لا تتنازلين عنها …

وين المشكلة ؟؟!!

الواحدة منا اذا حبت شغلها تكرف فيه بدون حساب ..

وبابتسامة …. مو بيتك ادوملك؟؟!! وين المشكلة؟؟!!

21. عطيه حريته وخليه يسافر بروحه اذا يبي ..

خليه يطلع الشاليه او المخيم مع الربع ..

خليه يتنفس ..

وراح يرجع لك مشتاق وممنون … وين المشكلة ؟؟!!

22. تعلمي الابداع بالطبخ ..

نوعي باكلاتك ..

حسسيه ان ذوقه مهم عندك… وين المشكلة؟؟!!

23. جددي بنفسك وخليك انيقه وكشخة .. وين المشكلة؟؟!!

24. تذكريه برسالة على الجوال مو لا
تنسى العيال ولا مر الجمعية ..

قوليله كلمة واحدة بس ..

اشتقتلك .. وين المشكلة؟؟!!

25. لا تخالفينه قدام عيالك خلي رايك من رايه وعيالك لازم يفهمون هالشي ..انك معاه مو ضده..

ولا تعاندين ..

لو شلتي ايدك من ثقب السفينه عناد ..

راح تغرق السفينه فيكم كلكم .. وهنا المشكلة !!!!

انشاء الله ما طولت عليكم

واتمنى للجميع التوفيق والذريه الصالحه يارب

• سحر الزوج
• احترام الزوجة لزوجها
• سحر الرجل
• سحر جديده
• سحر لكل شي
• طريقة جديدة لجزب الزوج لزوجته
• عمل سحر من كتاب اصول الحكمه للطاعه الزوج
• هل يجوز سحر الزوج