سيداتي انساتي سيداتي علي راي ابو حفيظه
ازيكن والسلام عليكن ووحشتوني نونه برضه عشان الوزن بس
اوطبعا طبعا الساده الرجال الي يشرفوا طبعا منورين القاعده والله شكلكُم جايين تاكلوا بس
انتم عارفين ان أنا احب واعز موت اعمل الحاجه فىموسمها
وحاليا فِي موسم الفراوله
فكل واحده فيكم تروح تشتري قفص فراوله حلو كده وتيجى
عشان هانعملها مربى
اولا وباديء ذي بديء الصوره الي فَوق دِي أنا لطشها مِن علي النت مش مِن عندي
بس اوعدكم بارتفاع مستوي الصور بَعدِ كده حيثُ انني اشتريت موبايل جديد
بكاميرا 3.2 بكسل وهاشهيصكم صور
خلينا فِي الفراوله يا رغايين
اول حاجه هانشتري الفراوله ما تكونش مستويه اوي وما تكونش خضرا برضه
حمرا كده ومصحصحه وفله
انا باحب فِي المربي اعمل فراوله صغيره عشان ما اقطعاش عشان تبقي قطع دِاخِل المربى
لكن طبعا فِي ناس بتحب الفراوله مقطعه ومهروسه شويه كمان فى المربي حسب كُل واحدِ وذوقه طبعا
شوفوا كده الفراوله بتاعتي دِي
طبعا أنا جبتها ونضفتها وغسلتها وزي ما انتم شايفين حجْمها صغير اوي شوف كام واحده فِي ايدي
سمعاكي يا كلبه اه أنا ايدي كبيرة بس مش للدرجه دِي
المهم
تعالوا اقولكُم الحاجات الي هانحتاجها عشان تجبوها
هانعمل المقدار كيلوا فراوله
ولو ان طبعا لَو هاتعملي كتري شويه يَعني 3 كيلو علي الاقل عشان تستاهل الدوشه يعنى
المهم
كيلوا فراوله كيلو سكر علبة جيلي فراوله أو معلقتين جيلي باودر خام
طبعا غسلنا الفراوله ووضبناها نجيب بوله بلاستك مِثلا
ونحط فيها شويه سكر وبعدين شويه فراوله وبعدين سكر طبقات يَعني لحدِ ما الكميه تخلص ونغطي وشها مِن فَوق بالسكر ونسيبها ادِ اربع خمس ساعات اوقات أنا اعملها مِن بليل واسييبها فِي التلاجه للصبح
هانصحي الصبح نلاقي شكلها بقي كده
سردت مايه كتير هانقلبها بَعدِ كده فِي مصفاه بقي وناخدِ المايه بتاعتها مش هانرميها طبعاااااااااااا
هاتبقي عباره عَن مايه نازله مِن الفراوله ومعاها السكر
ونسيبها تصفي ساعه كده مِثلا
في هُنا بقي حاجه لطيفه أنا عملتها المَره الي فاتت
انا ما باحبش الحاجه الي تبقي سكرها جامدِ جدا
وبعدين بَعدِ التجارب بقى
واسال نفْسي يا تري يا هلتري المربي الجاهزه بتبقي متامسكه ولونها فاتح ومش مسكره اوي زي البيتي ؟؟
وبعدِ تجارب بقي وصلت لنتيجه معقوله جدا
اولا السكر مش باحط الكميه كلها سكر
باستعمل عسل البطاطس وهو لزج جداً وسكره قلِيل
وده موجودِ عَن بتوع لوازم الحلوانيه بالكيلو
بالتالي أنا بانقع الفراوله بنص كيلو سكر بس وبعدين باضيف نص كيلوعسل البطاطس بَعدين
وكده هاتبقي المربي مش مسكره جاااامدِ اوي وكمان عسل البطاطس لزج جداً لما يبردِ هايديها تماسك
بس مافيش مشكله برضه لَو ما لقتيش عسل بطاطس
حطي كيلو الا ربع سكر كفايه ونزودِ الجيلاتين شويه عشان التماسك
نيجي للخطوه الي بَعدِ كده
انا هاخدِ المايه الي نزلت مِن الفراوله
واحطها علي النار زي الصوره دِي ونسيبها تغلي لحدِ لما تنعقدِ زي الشربات بتاع الحلويات كده
واول ما تبدا تعمل رغاوي اكتر مِن الصوره دِي شويه تبقي كده خلاص استوت
لو كنا بقي عندنا عسل البطاطس وهانستخده هانزوده دِلوقتي عشان يبدا يتغلط ويسيح مَع شربات الفراوله الي عملناه
وهانروح نجيب الفراوله بقي بتاعتنا وسقطها فِي شربات الفراوله المعقودِ دِه
هاتبدا تغلي الفراوله كده
وتبدا تسردِ مايه كمان زياده وتلاقي المايه فِي الحله بدات تزيد
تاخدي نص كوبايه تقريبا مايه مِن علي الفراوله وتدوبي فيها كيس الجيلي بالفراوله أو معلقتين الجيلاتين
ندوبها كويس اوي
وبعدين نزودها علي الفراوله تاني ونسيب الفراوله تغلي
حوالي ساعه الا ربع لحدِ لما تبدا مايتها تنشف ونخلي بالنا اوي
عشان احنا عايزنا تطلع لونها احمر مش بني غامق
كل ما كَانت لونها قريب للطبيعي تَكون احسن
وطبعا نهدي عَليها النار ونكشف الحله عشان البخار يطلع وما تفورش علي البوتجاز
وكده هِي خلاص استوت
طبها هايَكون شكلها سايب لسه وشكلها مش المربي ما تتخضوش احنا حاطين فيها جيلاتين لسه هايجمدِ مِن التلاجه
غير ان السكر نفْسه وعسل البطاطس لما بيبردوا بيدوا قوام اتقل بكتير
بالتالي احنا هانسيبها تبردِ وبعدين لَو كنا عاملين كميه هانعمبيها فِي برطمنات ازاز بغطاءَ محكم ونحطها فِي التلاجه أفضل طبعا
لاننا مش مستخدمين موادِ حاظه ولا حاجه
وكمان ناخدِ بالنا لَو كَانت كميه كبيرة شويه اننا طول ما احنا بنعبيها نهز البرطمان عشان ما يبقاش فِي فقاقيع هوا جوا وده يخليها تبوط خصوصا لَو هاتسبيها بره التلاجه شويه
كمان لَو حصل ولقتيها بَعدِ ما بردت وحطناها فِي التلاجه لسه قوامها خفيف اوي فِي حال أنتي قدرتي غلط يعنى
مافيش مشكله رديها علي النار تاني
ولو لقيتي الشربات بتاعها كتير اوي اوقات الفراوله بتسردِ مايه بزياده حسب نوعها
انا بقي اعز كده موت موت
لان باخدِ المايه دِي مِن عَليها واحوشها عندي واستخدمها صوص فراوله فِي الحلويات والايس كريم يا لهوي بتبقي جميله جدا
والف هُنا يا حلوين ويا حلوات
والي يجرب يقولي
والي عنده اضافات يتفضل
نرحب بالافكار الجديدة يا ساده
- بسبوسة بالفرولة
