يا رجم عديتك و عدابي البين
و القلب فراسك تبيح كنينه
الله لا يسقى مفاليك عامين
ذكرتنى براعى الطباع الحسينه
مرحوم يا الي جهزوا يوم الاثنين
العصر من فوق النعش شايلينه
حطوا على خلى من الطين زافين
حطوا عليه اللبن و ملحدينه
يا ليت كفى حدر خدة عن الطين
و الكف الاخر فوق صافي جبينه
او ليت يومي قبل يومة بيومين
ولا المرض ما بيننا قاسمينه
لا يا حياة الشر عقب اريش العين
لا و هنى من شافنا تابعينه
قالوا علامك عشرك اليوم ثنتين
قلت اعذرونى زين الاطباع و ينه
قالوا تخير بالبنات المزايين
قلت جميع العذاري غيرها منكرينه
قالوا عجوز و قلت و افالكم شين
الخمس و العشرين قيمه سنينه
و جدى عليها و جد راعى بعارين
امسي خلاوى و السرق حايفينه
هن راس ما له و اشلعوهن شياطين
و اصبح على الجره يفرك يدينه
او و جد من لحقوة طلابه الدين
صكت عمي القايلة لاحقينه
لحقوة عصمان الشوارب مغنيين
و تشاوحوة بكل شلفا سنينه
