6:08 صباحًا الإثنين 21 يناير، 2019








طريقة عمل شطة الزيت بتاع الكشرى زى المحلات

بالصور طريقة عمل شطة الزيت بتاع الكشرى زى المحلات 20160816 165

المقادير اللي هقولها مش كتير و انتي زودي على حسب الافراد

المقادير و الطريقه
اولا البصل الورد):
هنجيب البصل و نقشره و نقطعه حلقات رفيعه و نفككها من بعضه
نجيب حبه نشا او دقيق و نرشها على البصل و نقلبه كويس
نسخن زيت لقي البصل و نضعه بيه و نقلبه لغايه ما يوصل للون البني المطلوب نطلعه على ورق مطبخ و نسيبه يبرد هنلاقيه بيقرمش و طهمه جميل جدااااا

بالنسبه للزيت هيبقي هو الزيت المستخدم معانا في باقي الكشرى

ثانيا المكرونه
هنجيب مكرونه صغيره او اسباجتي او الاتنين مع بعض و نسلقها في ما يه مع شويه ملح و زيت و بعدين نصفيها
ونجيب حله نحط فيها حبه زيت من بتاع البصل فاكرينه هنحط حبه و نقلب فيها المكرونه على النار مش كتير ثواني و نطفي عليها و نسبها على جنب

ثالثا: الشعريه
هنجيب الشغريه نحمرها في الزيت لغايه ما توصل للون البني الجميل ده و عندنا في طريقتين و هي انك بعد ما تحمريها تسلوقيها زي المكرونه اوتزوديها ما يه و تخليها تتشرب زي الرز و انا بفضل الطريقه الاولي لانها بتخلي الشعريه مش لازقه في بعضها و بتبقي حلوه اوي بتسلوقيها بعد التحمير و تصفيها و تركنيها على جنب

رابعا: العدس ابو جبه و الحمص
بنغسل العدس كويس و نحطه في ما يه على النار لغايه ما يتسلق و بعدين نصفيه و نركنه على جنب
الحمص هننقعه قبلها ب12 ساعه و نسلقه زي العدس

خامسا:الصلصه
هنحط حبه زيت في حله و نحط عليها3 فصوص توم مفروم و نقلب لغايه ما ريحه التوم تطلع و يبقي لونه ذهبي نحط حبه كسبره ناشفه مطحونه و حبه شطه و كوب عصير طماطم و خل و نسبها لغايه ما تتسبك و نزودها شويه ما يه بس مش كتير علشان تبقي تقيله و طعمها حلو و اول لما تغلي نطفي عليها

سادسا:الارز بالعدس الاصفر و العدس ابو جبه و اختارو اللي يعجبكوا انا عن نفسي بفضل العدس الاصفر بيبقي طعمه احلى

رز بعدس اصفر:
هنحط حبه زيت في حله و نحط عليهم نص كوب من العدس الاصفر و كوب من الرز و بيكونوا مغسولين و متصفين و نقلب كويس و نفض نشوحه شويه على النار لغايه ما هنلاقي لونهم اتغير شويه نضيف المايه هتبقي حوالي كوب و ربع ما يه و نظبط الملح و نسيبه لغايه ما يتشرب و بعدين نحط الشياطه و نسيبه يكمل سوا على نار هاديه جداااااا

رز بعدس ابو جبه
كوب رز و كوب عدس اسمر
هنحط في الحله حبه زيت و نحط عليه الرز و العدس الاسمر المسلوق نص سليق و نشوح شويه و بعدين نزود المايه و نظبط الملح و نسيبه يستوى

سابعا: الدقة:
عندنا طريقتين
الاولى:
هنجيب حله و نحط فيعا معلقتين زيت و نحط عليها حته توم مفروم حوالي معلقه كبيره و اول لما التومه ريحتها تطلع بس قبل ما تتحمر نضيف عليها خل كتير و معلقه صلصه كشري و بعدين نحط شطه و كمون و كسبره و عصير لمون و نسبها تغلي دقيقتين و بعدين نرفعها من على النار

الطريقه التانيه
هنحط برضوه معلقتين زيت و توم و اول لما التوم رحته تطلع بس هنضيف الخل و كمون و كسبره و شطه و بعدين نزوده حبه ما يه و نسبها تغلي و نظبط الملح و نرفعها من على النار

ثامنا: الشطه
نسحن زيت على النار و نحط عليه معلقتين شطه حاميه و معلقتين ما يه عشان الزيت ميتحرقش
و بعدين نقلبها شويه و نحط عليها معلقه صلصه و نطفي عليها و كده تكون جاهزة

واخيرااااااااااا التقديم
هنجيب الطبق نحط اول حاجه المكرونه المحلات بتعمل كده بس ممكن نخلي اول حاجه الرز مفيش مشكله و بعد كده المكرونه و بعدين الشعريه و بعدين العدس و بعدين الحمص و بعدين الورد
الصلصه و الدقه و الشطه بتتقدم جانب الطبق بالاضافه لليمون طبعا بيخلي طعمه روعة

لو عايزين تعملوا معاه سلطه بتبقي مكونه من طمطاط و كسبره خضرا و ما يه و شطه و خل و ملح و ممكن نضيف خيار

لو اي حد عنده استفسار انا موجودة
جربوه و متنسوش تدعولي لو عجبكوا و هيعجبكوا باذن الله
.

  • طريقة عمل شطة الزيت
  • طريقة عمل الشطة الزيت
  • طريقة عمل شطة زيت
  • شطة زيت
  • طريقه عمل الشطه الزيت بتاع الكشرى
  • طريقة عمل شطة الكشرى المصرى زى المحلات
  • مكونات الشطه الزيت الكشري
  • شطة الزيت للكشرى
  • طريقة عمل زيت الشطة
  • كيفية عمل الشطة الزيت
3٬605 views

طريقة عمل شطة الزيت بتاع الكشرى زى المحلات