الفراخ فى الفرن

ازيكم يا قمرات النهاردة عمللكم اكله هتاكلو صوابعكم وراه فخلى بالكم انا حذرت اهو

هنجيب الاول الفراخ وتكون متقطعة اربع وكل ربع هنقطعة نصين وكل قطعة نعمل فيه فتحتين بالسكينة زى كده

مقادير الخلطة
بصلة كبيرة مبشورة
نص كوب خل
ربع كوب زيت
معلقتين كبار صلصه طماطم
التوابل (انا بحط معلقة كبيرة زعتر عشان بيبقى طعمة حلو-فلفل اسود-ملح)بس كدة

وده لما قلبته

تمام كده كل حاجة جاهزة زى ماانتوا شايفين
هنجيب بقى كل قطعة ونحشى بين الجلد واللحم كويس اوى وعلى الفراخ بعد كدة هنحطة فى طبق كبير يتبل ونعملة تانى يوم

هنولع الفرن هنجيب الصاج بتاع الفرن ونمليه مياه ونحط الفراخ على الشبكة عشان هنسوية على البخار

هنسوية بقى على درجة حرارة عالية وبيعقد ساعتين فى الفرن بس اثناء الساعتين دول هجيب ماء التتبلة ونحطة على الفراخ فى الفرن وانا بعمل كدة مرتين بس فى الساعتين ودى ماء التتبلةبعد ساعتين هنطلع الفراخ ونحطها فى طبق التقديم وادى الفراخ ايه رايكم ااا

طعمها بيبقى زى العسل بمعنى الكلمة لو عملتوها مرة مش هتبطلوا تعملوها