ابشر بقلب ما يبى غير طرياك
و ابشر بعين ما تبى غير شوفك
وابشر بحب لوقسي الوقت يرعاك
و ابشر بروح من غلاها تحوفك
ابشر و جميع الي تبى يالغلا جاك
امر عسي درب المنايا يعوفك
ياصاحبى ياشين و قتى بلياك
لاصار ما ينطق لسانى حروفك
ان غبت عنى يذبح القلب فرقاك
و ان جيت يمى عانقتنى طيوفك
امشي على كيفك على شان دنياك
و اساير ايامك و اقدر ظروفك
من كثر ما خوفى على قلب ينساك
سلمت لك قلب الغلا فكفوفك
مديت قلبي يوم مديت يمناك
و لعبت لك عرضه و رقصت سيوفك
لاجلك ازعل باقى الناس لرضاك
و ان مت تكفي يدفنونى بجوفك
لوتجرح قليبي و تكثر خطاياك
ارقد و امن امن الله خوفك
اليا قسي و قتك و شانت نواياك
قلى و اموت برغبتك و معروفك
قد قلت لك ياصاحبى ما قدر انساك
احلف على روحى ابد ما تعوفك
‘
- ابشر بقلب ما يبي غير طرياك
- ابشر بقلب مايبي غير طرياك
- ابشري بقلب مايبي غير ذكراك
