طريقة عمل الكشرى مثل المحلات

المقادير


1/2 كيلو مكرونة صغيره


1/2 كيلو ارز مصرى


1/4 كيلو شعريه


1/4 كيلو عدس بجبه


1/4 كيلو حمص الشام


3/4 كيلو طماطم


2 بصلة كبيره


راس ثوم كبار مفرومه


ملعقه زيت


خل / ملح / كمون / ليمونه

الطريقه


اول حاجة بعملها بنقع الحمص من قبلها بيوم عشان تسويتة تبقي سهلة و بعد كدة بحطة على النار و لما المية تغلي و هيدخل فالسوي بحط 1/2 كوبايه عصير طماطم و ملعقه ثوم مفروم و ملح و كمون و ليمونة عشان يطلع زي حمص الشام بتاع بره

تاني حاجة المكرونه


هنسلق المكرونة فمية مغلية و نضيفلها ملعقه ملح كبار خلال السليق بعدين هنصفيها و نغسلها غسلة بسيطة و نحط عليها ملعقه زيت صغار و نقلبها كويس و نسيبها

نيجي للرز


هنغسل الرز كويس و نحمر الشعرية و عليها الرز لحد ما يسخنو كويس اوي بعدين نضيف الملح و المية المغلية و نسيبة يغلي لحد ما يتشرب بعدين نوطي النار عليه و نسيبة يستوي براحته


على فكرة اعملي رز الكشري بزيت العباد او زيت الذرة عشان يلمع و يبقي خفيف

العدس


هنغسل العدس كويس و عالنار هنحطة يتسلق و زي الحمص هنحطلة ملح و كمون و اول ما يستوي بصفية من المية بتاعتة عشان لو فضل بها بيتهري و بيستوي زياده

• طريقة عمل احلة كشري مثل المحلات