هذه الملصقات الثمن ديالها مرتفع 300 درهم و اكثر و كاين لى شويه اقل و لكن صغار و عندها كيفية شويه صعيبه فالتلصاق ديالها فالحائط و لكن لى هذه نصايبو ساهله يمكن نلصقوهم فالمطبخ و غرفه النوم …
و دبا نشوفو اللوازم لى خاصنا :
1- الورق اللاصق و يسمي بالفرنسية papier adhésif اكتبو فgoogle هذي الكلمه و هذه تلقاو الانواع بزاف
2- مقص – قلم رصاص – مشراط cutter – سكوتش
3- ورق كربون لى فالصورة لونة ازرق هدا الورق به جهه كتكتب و جهه عازله مكتكتبش
4- الرسم لى بغينا نرسمو نشوفو فالانترنت الصورة لى بغينا و الشكل لى يناسبنا مطبخ و لا غرفه نوم … و نطبعوها
دبا نشوفى كيفية الرسم
اولا نحطو ورق الكربون فوق الطاوله الجهه العازله هي لى فوق الطاوله و الجهه لى كتكتب تكون الفوق و نحطو فوقها الرسم لى بغينا كيف و اضح فالصورة و باش ما تحركش
الصورة نتبتوها بلجناب بالسكوتش
و من بعد نعاودو على جناب ديال الرسم بقلم الرصاص .
كيف كتشوفو من بعد ما عاودنا على لجناب ديال الصورة ورق الكاربون طبع لينا فو رقه الرسم من الجهه الثانية كيف و اضح فالصورة
يمكن اننا نطبعو مياشره فو رق اللاصق papier adhésif و لكن الى كانت شي صورة بحال لى دايرين كيف ما جات
و لكن الى بغينا مثلا نرسمو شي ايه قرانيه ضروري نديرو هذي الكيفية باش ما تجيش مقلوبة
و هذه هي المهمه دبا ناخدو ورق اللاصق papier adhésif نوضعو الجهه اللامعه يعني لوجة ديالو فوق الطاوله و الجهه الثانية فوق كيف و اضح فالصورة على اليسار
من بعد نوضعو ورق الكربون دبا الجهه لى كتكتب فالاسفل فوق ورق اللاصق papier adhésif
من بعد نوضعو الصورة ديال الرسم ديالنا و نتبتو كلشى بالسكوتش كما فالصورة
و نبداو نتبعو على لجناب ديال الصورة
كيفية التقطاع درت ليكم غى هاذ الصورة كنت ما زال ما رسمتش الصورة لى درت فالاول
المشراط cutter باش نقطعو الوسط ديال الرسم الى مقدرناش نقطعو الوسط ديال الصورة بالمقص
بحا لى فالصورة فشكل ديال A
بعد ما قطعنا الصورة و اصبحت جاهزة نلصقوها فالحائط هذه لصقتها فالمطبخ
