طريقة عمل البط المحشى بالبصل

المقادير
عدد واحد بطة او حسب عدد الافراد
نص كيلو يصل مفروم
ربع كوب زبيب
ملح- 2 معلقة فلفل-
2 معلقة كمون-مستكة-5 فصوص حبهان
4 معالق زيت
الطريقة
اولا نغسل البطة كويس
بعد كده نجيب طاسة او حلة ونحط فيها 3 معالق زيت ونحط فص مستكة ونضيف البصل ونقلب لغاية ما البصل يدبل ونطفى النار ونضيف عليه ملح وفلفل وكمون و الزبيب ويكون مغسول ونضيفه عليه ونحشى البطة بالحشوة دى ونقفلها بالخيط والابرة كويس
وبعد كدة نجيب حلة مناسبة لحجم البطة ونحط فيها معلقة زيت ولما يسخن نحط مستكة وحبهان ولما المستكة تسيح نحط البطة ونخليها شوية بس اهم حاجة تكون الحلة متغطية لمدة 3 دقائق ونقلب البطة على الجهة التانية ونسبها برضه 3 دقائق وبعد كدة نضيف الميه وتكون مغليةونغطى عليها وشوية ونشيل الزفارة اللى بتتكون على الوش نسبها لغاية ما تقرب تستوى ونضيف ليها الملح ونظبط الطعم ومدة السوى بتفرق حسب جحم البطة لما تستوى تنشليها من المرقة بتعتها وترشى عليها شوية ليمون وتدخليها الفرن تحت الشواية لما تتحمر طلعيها شيلى الخيط اللى كنتى مخيطاها بيه وطلعى الحشوة وتكونى عاملة رز ابيض عادى تحطى الحشوة عليه
وبالهنا والشفا