رضا العالم

مقادير العجينة:


كيلو و ربع دقيق


كاحلى و ربع ملح


كاس زيت نباتي


ما يعجن من الماء

للتوريق:


سمنة


نشا

مقادير الحشوة:


كيلو لوز


200 ج سكر مطحون

الطريقة:


بالفيديو و الكتابة بعدها

بالكتابة:

الطريقة:

– ناخد نص كيلو سمن نسيحة فطنجره على نار هادية.
بس ما نخلوشى يسخن هلبا.

تحضير العجينة:

نعجنو العجينه باليد او بالخلاط.

– ناخد كيلو و نص الدقيق نحطة فالعجانه “ست المنزل” نضيف عليه معلقه و ربع ملح و نشغل العجانة،
ونضيف عليهم كاس زيت.
ثم نضيف عليهم شوى مى بالتدريج لين تصبح العجينه كويسه و مش رطبة هلبا “تقريبا كاس او اكتر شوى ما ء” .

نقسم العجينه الى 3 اجزاء و نسبكهم كويس “اهم نقطه فالبكلاوة”.

ناخد العجينه بعد ما سبكناها نبرمها باليد و يبقي شكلها كالرولا و نغطيها او نغلفها بيش العجينه ما تتشققش و نخليها ترتاح.

بعدين نقسمها الى قطع صغار نفطحها و نحطها على سطح به نشا و نزيد نغربل عليها نشا من فوق و نزيد نفطحوها و نغمسوها اكتر فالنشا و نحطها فكيس نايلون.
ونحط جميع 4 قطع على بعضهم و نسكر عليها و نخليها ترتاح 10 دقائق.

ثم ناخد جميع قطعة نفردها بالرولا فالنشا و ندير عليها نشا و بعدين ناخد قطعة ثانية نفردها و نحطها على القطعة الاولي و ندير عليها نشا و نكمل بنفس الطريقة.
وندير جميع 9 و رقات على بعضهم و نحطوهم فكيس نايلون و نخلوها ترتاح.

ناخد جميع قرصه “9 و رقات” نديرلهم نشا نضغط عليهم باليد كويس و نفردهم فالنشا كل مع بعض كورقه و حده بالرولا من فوق و بعدين نقلبهم و نفردهم من الجهه الي تحت،
وناخد الرولا نحطها فنصف الورقات و ننفضهم بيش ينزل منهم النشا و تطلع تتقرمش بعد ما اطيب،
ثم نقصهم على حجم الطاجين.

ونشيل منهم و رقتين و نخليهم على جنب.

ناخد الطاجين ندهنة بالسمن و نحط به العجينه و انقب العجينه بالفركيتا “الشوكة” و بعدين ناخد ثلث كميه السمن و نصبة عالعجينه و ثم نحط عليه الورقتين الي شلناهم و نصب عليها اللوز المرحى بسمك اصبع او اكتر و يصبح متساوي.

ناخد قرصه ثانية “9 و رقات” نفردها بنفس الكيفية و نحطها على اللوز فالطاجين،
ونضغط عالحواشى كويس بيش الورقه الفوقيه ما تنحنيش لما تسخن.

بعدين نقص البكلاوه فالطاجين بالطول مقاس صبعين و ايضا نقصها بالعرض بنفس المقاس.

ثم نسقوها بالسمن،
ونرشق عليها حبات اللوز.
ونزيد نسقوها اكتر و نحطها فالفرن على 180 درجه مدة 35 الى 40 دقيقة.

بعد ما اطيب نسقيها بالعسل و نخليها تشرب نص ساعة و ثم نقدموها.

ملاحظة:

نفرد العجينه لين تصبح رقيقه هلبا و جميع ما نفرد العجينه اكتر يصبح الناتج افضل.

عسل البكلاوة:

3 كيلو و نص سكر.

نصف معلقه ملح الليم.

نصف كاس ماء و نص كاس عطر.

نحط المى و العطر و السكر عالنار 10 دقيقة مع التقليب بعدين نضيف ملح الليم و نخلية 20 دقيقه عالنار و نشيله.

الاصابع:

– ناخد نفس الورقات الي فردناهم فالبكلاوة،
ناخد جميع و رقه بروحها نحشوها شوى لوز و نلفوها كويس و نسقوها بالسمن و نحطها فالفرن